Җәмгыятьтә барган тискәре күренешләр яшь буынны да бик авыр социаль- психологик ситуацияләрдә калдыра. Балалар һәм яшүсмерләр күп вакыт аларны җиңеп чыгарга әзер түгел һәм бу негатив нәтиҗәләргә китерә. Авырлыклардан чыгу юлы төрле җинаятькә илтә. Мондый күренешләрне булдырмас өчен, мәктәптә эшләүче педагоглар алдына төрле социаль-актив позицияле, негатив күренешләргә “юк” дип әйтә белүче, үзенең сүзе белән башкаларга да ярдәм итә алучы шәхес тәрбияләү бурычы куела. Бу шәхес сәламәт тормыш рәвеше алып барырга һәм яхшы белем алып, киләчәчәктә үзенең урынын табарга тиеш.

Укучылар белән хокук бозуга профилактика – катлаулы, күп аспектлы, дәвамлы эш. Хокук бозуны кисәтү эшнең төп үзенчәлеге – башлангыч профилактика уздыру. Бу эшне бүтән бер генә социаль структура да башкара алмый. Монда искәрмә итеп гаиләне алырга мөмкин, ләкин кайвакыт гаилә үзе профилактика объекты була.

Башлангыч профилактика уздыруның нигезе булып укучыларга нормаль үсеш өчен шартлар тудыру, төрле яшьләрдә килеп чыгучы кризислы ситуацияләрне вакытында күреп алу һәм педагогик-психологик дөрес чаралар күрү тора. Шул максаттан мәктәптә Актаныштан килгән вәкилләр белән ата-аналар җыелышы узды.

“Созвездие" - творческий конкурс, фестиваль эстрадного искусства. В этом году посвящена Году воинской и трудовой доблести,подвигу защитников Отечества. Наши ученики МБОУ “Поисевская СОШ” выступили перед членами жюри в разных жанрах. Песни, народные танцы, номинация "Конферанс", художественное слово- всё было на высшем уровне.

Мәктәбебездә фән атналыклары дәвам итә.

Бүген Татарстанның Дәүләт киңәшчесе, республиканың беренче Президенты Минтимер Шәймиевне туган көне, аңа 89 яшь тулды.

Мөхтәрәм Минтимер Шәрипович, сезне ихлас йөрәктән туган көнегез белән котлыйбыз һәм нык сәламәтлек, озын гомер, уңышлар телибез!

Шул уңайдан китапханәбездә "Без бергә! Безнең көч-бердәмлектә! "  исеме астында китап күргәзмәсе ясалды һәм укучыларга тәкъдим ителә. Рәхим итегез! 

Пучы урта мәктәбендә Татарстанның Беренче Президенты, Татарстан Республикасы Дәүләт киңәшчесе, «Яңарыш» республика фонды Попечительлек Советы рәисе
Минтимер Шәрип улы Шәймиевнең, туган көненә багышланган “Бер гомер арасы” исемле бәйрәм чарасы үтте.

2026 елның 26 апрелендә бөек татар шагыйре, әдәби тәнкыйтьче һәм публицист Габдулла Тукайның (1886-1913)  тууына 140 ел тула.

Юбилей елына әзерлек уңаеннан мәктәбебездә киңкырлы эш алып барыла.

Яшь буынга рухи-әхлакый тәрбия  бирүдә әдипнең тормыш юлын өйрәнүне һәм иҗатын пропагандалау максатыннан мәктәп китапханәсендә "Тукайлы балачак" китап күргәзмәсе укучыларга тәкъдим ителә. Без Тукайның яшендәй яшьнәп үткән кыска гомер юлы, ул калдырган иҗади мирас, аның яшәү үрнәген күз алдыннан уздырып сокланабыз һәм Бөек Тукаебыз алдында баш иябез. Бөтен уй-гамәлләребез белән Тукай рухына лаек булырга тырышабыз. Шул уңайдан мәктәп китапханәсендә 4 сыйныф укучылары өчен "Без Тукайлы халык!" исеме астында  китапханә дәресе уздырылды. Бу катлаулы чорда аның шигырьләре күңелләрдә дәрт уята, шифа өсти, аклыкка-сафлыкка, тугрылыкка өнди, хезмәткә көч бирә. Тукаебызны зур горурлык хисләре белән искә алабыз.Тукай рухы күңелләребездә мәңге яшәр!

Геология фәненнән Республика олимпиадасының муниципаль этабында 8нче класс укучысы Давлитова Мәрьям призер булды. Мәрьямне, укытучысы Чулпан Равиловнаны уңышлары белән чын күңелдән котлыйбыз! Афәрин!

Рус теле фәненнән Республика олимпиадасының муниципаль этабында 8нче класс укучысы Кабанова Евгения, 11нче класс укучысы Закирова Эльвина призер булдылар. Укучыларны, укытучылары Гөлназ Амирхан кызын зур уңышлары белән чын күңелдән котлыйбыз! Афәрин!

Рус әдәбияты фәне буенча Республика олимпиадасының муниципаль этабында 9нчы класс укучысы Хабутдинова Зөһрә призёр булды. Зөһрәне, укытучысы Рузана Роберт кызын уңышлары белән чын күңелдән котлыйбыз! Афәрин!

Татар әдәбияты фәненнән Республика олимпиадасының муниципаль этабында 8нче класс укучысы Галин Ильяс, 11нче класс укучысы Нуриева Ләйлә призер булдылар. Укучыларны, укытучылары Гөлназ Кашаф кызын уңышлары белән чын күңелдән котлыйбыз! Афәрин!