Республика күләмендә үткәрелгән "Безнең заман" фестиваленең Яр Чаллы шәһәрендә үткәрелгән зона этапында безнең бакчабыз коллективы да уңышлы чыгыш ясап кайтты. 

Атнаның бу көнендә икенче кечкенәләр Б төркемендә балалар белән музыка залында "Чәчәкләр җыю" уены оештырдык. Балаларга бу уен бик ошады, аларга көз турында әңгәмәләр сөйләнде. Бергәләп фотосурәтләргә төштек

Бүген бакчабызда 14.09-18.09 көннәрендә үткәрелгән чәчәкләр атналыгына йомгак ясалды. Әлеге чарада: кызыклы шөгыльләр үткәрү, мавыктыргыч стенгазеталар ясау, күргәзмәләр эшләү дисеңме, берсе дә бездән читтә калмады. Балалар белән бергә безнең ата-аналарыбызда әлеге чарада бик актив һәм теләп катнаштылар. Зур рәхмәтләребезне җиткереп калабыз!

Көзгә дә аяк бастык, димәк инде киләсе ел турында бүгеннән үк кайгыртырга кирәк. Уртанчылар төркеме балалары чәчәк орлыклары җыйдылар. Ниятьләре, киләсе елга да матур итеп гөлбакчаны нурга күмәргә.

“Тау башына салынгандыр безнең авыл,

Бер чишиә бар якын безнең авылга ул;

Авылыбызның ямен, суы тәмен беләм,

Шуңа күрә сөям җаным, тәнем белән”,- дип язган сөекле шагыйребез Г.Тукай

Әйе, туган авылларыбыз чишмәләрдән башлана. Җир куеныннан көмеш балдаклар чыгарып агучы чишмәләр кемгә генә кадерле түгел икән? Безнең балачагыбыз, гүя, шуннан башлана, яшел чирәмле чишмә юлы тормышка юл күрсәтә.

Бүген бакчабызның зурлар һәм мәктәпкә хәзерлек төркемнәре Актанышыбызда булган чишмәләрнең берсе - "Изгеләр чишмәсе"нә экскурсиягә бардылар.Тәрбиячеләрнең сөйләгәннәреннән чыгып балалар, суның табигый байлык икәнен, чишмәнең изге җир булуын белделәр. Әлеге экскурсия киләчәк буынның чишмәләргә сак караш, табигатьнең байлыгын, матурлыгын күрә, аңлый белергә өйрәтү максатыннан уздырылды.

Икенче кечкенәләр В төркемендә ччәчәкләр атналыгы уңаеннан "Чәчәкләр көне" уздырылды. Балалар бик теләп түгәрәккә басып "Чәчәкләр" җырын җырладылар.

Алсу йөри болында

Матур чәчәкләр җыеп.

Ал, кызыл, сары чәчәк

болында ямьле була.

Шулай ук төркемддәге тәрәзә төбендә булган матур гөлләр белән таныштылар, аларның исемнәрен өйрәнделәр.

Икенче кечкенәләр төркемендә сентябрьнең икенче атнасында балалар белән саф һавада "Ак калач", "Йөзек салыш" уеннары уйнадык. Балаларга бергә уйнаганда бер-берсе белән дус, тату уйнарга кирәклеге турында сөйләнде.

12 нче сентябрь көнне без - мәктәпкә хәзерлек төркеме белән "Китап - белем чишмәсе" дигән темага әңгәмә оештырдык. Балалар белән китаплар иленә "сәяхәт" иттек, слайдлар карадык. Китапның безнең кулга килеп кергәнче нинди юллар үтүен белдек. "Сәяхә" балаларга бик кызыклы булды. Алар китапны чиста тотарга, аның белән сак эш итәргә кирәклеген тагын бер кат ныгыттылар.

Бүген безнең балалар бакчасында район балалар бакчалары мөдирләренең секцион утырышы узды. Әлеге җыелышта 2015-2016 нчы уку елына яңа бурычлар, максатлар билгеләнде.

Уртанчылар төркемендә спорт бәйрәме үтте. Балалар белән "Тупны ипәптәшеңә бир",  "Көнгерә булып сикер"  һ.б. уеннар уйнадык. Спорт бәйрәме бик күңелле үтте.