Бүген икенче кечкенәләр В, зурлар һәм мәктәпкә әзерлек төркемнәрендә Чыршы бәйрәмнәре шаулап үтте. Балалар бәйрәмгә килгән пиратлардан да, Кыш бабабайны качырып тоткан Убырлылардан да курыкмадылар. Һәркемнең күңеле күтәренке иде. Яңа еллар белән барчагызны да!

Бүген бакчабызда беренче кечкенәләр, икенче кечкенәләр Б һәм уртанчылар төркемендә чыршы бәйрәмнәре үткәрелде. Бәйрәмгә бик күп кунаклар чакырулы иде: Кар бабай, Куян кызы, Убырлы һәм Шүрәле һәм инде ,әлбәттә, Кыш бабай белән Кар кызы. 

Тиздән Яңа ел бәйрәме җитә. Икенче кечкенәләр В төркеме балалары бик дулкынланып һәм кызыксынып әлеге бәйрәмгә әзерләнәләр. Кыш бабай белән Кар кызын зур түземсезлек белән көтәләр. Алар килүенә өйрәнгән "Кечкенә чыршы", "Чыршы янында" һ.б. җырларын төркем бүлмәсендә дә, мөзыка шөгыльләренә кергәч тә матур итеп җырларга тырышалар. Ә инде "Танеө маленьких утят" биюе аларның күңеленә бигерәк тә хуш килде.

Яңа ел... һәр кешенең күңеле ниндидер могҗиза көтә торган чор. Балаларыбызны серле кар сыннары дөньясына җәлеп итәр өчен безнең бакча  коллективы бик күп көч түкте. Кар да вакытында явып, яңгыр да вакытында сибәләп торган бу көннәрдә бакчабыз территориясендә гүзәл кар сыннары безнең һәммәбезне серләр дөньясына чакыра.

Безнең балалар бакчасында ел башыннан кызыклы түгәрәкләр эшләп килә. Шуларның берсе - зурлар төркемендә рус телендә уза торган  театр түгәрәге.  Бүген әлеге түгәрәкнең беренче яртыеллыкка нәтиҗә буларак "Теремок" әкияте күрсәтелде. Җыр-биюгә бай булган әлеге әкият тамашачы булып кергән һәрбер баланың күңеленә хуш килде. Әлеге тамашаны карарга әти-әниләребез дә чакырулы иде.

Көтеп алган эксперимент атналыгы да килеп җитте. Мәктәпкә әзерлек төркеме балалары үзләренең тәрбияче апалары белән төрледән-төрле кызыклы һәм мавыктыргыч тәҗрибәләр үткәрделәр. 

Район мәгариф идарәсе тарафыннан билгеләнгән тәҗрибәләр үткәрү атналыгы безнең балалар бакчасында да актив чагылыш алды.. Һәр төркемдә тәрбияче апалар балаларына төрле мавыктыргыч тәҗрибәләр күрсәтеп балаларны сөендерәләр, кызыксындыралар. 

Тәҗрибәләр атналыгы уртанчылар төркеме балаларын да читләтеп үтмәде. Һава булмаса, утның сүнүе; боз белән карның тоз ярдәмендә тизерәк эрүен; мамык, таш, күмер, ком кебек чималларның кайсысы авыррак икәнен аңлау өчен тәрбияче апалары мавыктыргыч тәҗрибәләр үткәрде. Балалар әлеге күренешләрне зур кызыксыну белән күзәттеләр.

Воспитатели нашего детского сада Нуриева Л.И., Гараева А.И., Шарапова Ф.Ф., Хисматуллина Л.Ф. приняли участие на конференции  на базе ФГБОУ ВПО "Набережночелнинский институт социально-педагогический институт и ресурсов" по теме "Диалог культур". 

Табигатьтә кыш ел фасылы аяк басу белән балалар да зурлар да Яңа ел бәйрәмен көтә башлый. Чөнки әлеге бәйрәм безгә матур-матур бүләкләр,  яңа ел, яңа өметләр алып килә. Һәм әлеге күңелләрне күтәрә торган тантаналы хис зурлар төркеменә йөрүче балаларны да читләтеп узмады. Алар Яңа ел бәйрәменә әзерлекне инде башлап та җибәрделәр. Тәрбияче апалары Эльвира  Рафис кызы белән бергәләшеп матур төсләрдән чылбыр ясадылар. Һәм әлеге чылбыр белән бүлмәләрендә чыршыны бизәп куйдылар.

Чыршыкай!

Бизәкләрең тагын да

Матурырак балкысын.

Сәйләннәрең нур сипсен,

Җем-җем утлар кабынсын!