Бүген бакчабызда "Балаларның сөйләмен үстерү буенча эшчәнлекне камилләштерүдә УМК материалларын куллану" дигән темага киңәшмә булып үтте. Көн тәртибендә сөйләм телен үстерү буенча ачык шөгыльләр карап анализланды. Сюжетлы-рольле уеннар буенча төркемншрдә конкурс игълан ителгән иде. Нәтиҗәләр ясалды, урыннар билгеләнде. Киңәшмә барышында Әгъләмова Миләүшә Васил кызы чыгышы тыңланды. Ул чыгышында үзенең эш тәҗрибәсе белән уртаклашты. Педсовет ахырында тәрбиячеләр үзләрен кызыксындырган күп кенә сорауларына җаваплар алдылар. 

Бүген икенче кечкенәләр Б төркеме белән без ап-ак карны күзәттек. Балалар карны тотып та, әвәләп тә карадылар. Тәрбияче апалары белән бергә кардан төрледән-төрле кызыклы кар йомарламнары да ясап карадылар. 

Бүген кышның беренче көне булуга карамастан, һаман көз үзенең хакимлеген югалтмый. Кичәге аяз күк йөзен янә болытлар каплады, янә яңгыр ява... Шуның нәтиҗәсендә аяк асты тоташ бозлавыкка әйләнде. Балаларга һәм өлкән яшьтәгеләргә йөрү шактый гына авырлашты. Шул сәбәпле, куркынычсызлык кагыйдәләрен ныгыту максатыннан, мәктәпкә әзерлек төркеме балалары белән "Сак булыгыз - бозлавык!" темасы астында әңгәмәләр үткәрелде. 

Әни - һәр бала өчен кадерле һәм иң кирәкле кеше. Безнең балалар бакчасында да "Әниләр көне" зурлап билгеләп үтелде. 26 ноябрь көнне уртанчылар  төркеме балалары әниләре өчен бик күңелле бәйрәм  әзерләделәр. Әлеге бәйрәмнән әниләр дә, балалар да канәгать калдылар.

Бүген безнең бакчабызның икенче кечкенәләр Б төркемендә "Әниләр бәйрәме"  күңел ачу чарасы узды. Бәйрәмебезгә әниләр дә чакырулы иде, балалары белән уеннарда бик теләп катнаштылар. Әниләр үзләренең уңганлыкларын, җитезлекләрен сынап карадылар. Балалар ятлаган шигырьләрен, җырларын сөйләделәр, җырладылар, биеделәр. "Алтын куллы әнием" кул эшләре күргәзмәсендә катнашкан барлык әниләргә дә диплом, рәхмәт хатлары тапшырдык. Бәйрәмебез бик күңеллее узды. Балалар әниләренә бүләкләрен тапшырдылар. 

Бүген зурлар төркемендә "Кадерле әниләребез" дип исемләнгән бәйрәм кичәсе булды. Балалар бу бәйрәмгә зур әзерлек белән килделәр. Әниләргә "Чакыру кзгазьлзре" җибәрделәр, бүләкләр әзерләделәр. Кичәне үзләре үк алып баручылар булып башлап җибәрделәр. Бәйрәмгә Шаян клоун да килгәч кичә тагын да шаян төс алды. Әниләр Шаян клоун белән "Бишек җырлары" җырладылар, бергәләшеп "футбол"  уйнадылар, ә балалар чәчәкләр җыйдылар. Кичәдән әниләр белән балалар "паравозга" утырып төркемгә кайтып киттеләр. Бәйрәмнең икенче өлеше чәй табыны янына дәвам итте.

Бүген икенче кечкенәләр төркемендә әниләр көненә багышланган бәйрәм чарасы узды. Бәйрәм кунагы Куянкай белән балалар бергәләп уйнадылар, үзләренең җыр-бию һәм шигырь сөйләү осталыкларын күрсәттеләр. Газиз әниләренә үз куллары белән эшләнгән бүләкләрен тапшырдылар. Бәйрәм әниләргә дә, балалар күңеленә дә хуш килде. 

Тәҗрибә уртаклашу максатыннан бүген безнең балалар бакчасы күләмендә ачык шөгыль каралды. Балаларны рус теленә өйрәтүче тәрбияче Сабирова Эльвира Рафис кызы зурлар төркемендә "Дом, в котором я живу" темасына шөгыль күрсәтте. Шөгыльне карарга кергән тәрбиячеләр үзләренә яңа күп кенә мәгълумат алдылар һәм үзләренең уй-кичерешләре белән уртаклаштылар.

В последнее время озабоченность по поводу безопасности образовательных учреждений серьезно возросла.Эта озабоченность связана не только с физичексими факторами, но и психологические факторы также могут ассоциироваться с опасностью. В учреждении и прилегающих к ней территориях есть множество уязвимых мест, где вполне возможно скрытое запугивание или устрашнение детей. В связи с этим заведующая ДОУ провела инструктаж с сотрудниками.

Бүген безнең бакчабызның икенче кечкенәләр Б төркемендә сөйләм телен үстерү буенча ачык шөгыль үткәрелде.  Балалар шөгыльдә бик теләп, актив катнаштылар. Бигрәктә балаларга тылсымлы тартмада төлкеләр булуы бик ошады. Хәрәкәтле уенда балалар төлкеләр булып йөреп күрсәттеләр. Шөгыль күңелле узды.