25 январь көнне мәктәпнең башлангыч -3-4 класс укучылары класс җитәкчеләре Шайхелмарданова Н.А. һәм Сәләхова Л.Х. белән районыбызның Әнәк авылында урнашкан Республикабызның беренче президенты М.Ш.Шәймиевның музей йортында булып кайттылар. Райондашыбызның юбилей көннәрендә оештырылган  бу экскурсия укучыларга икеләтә истәлекле вакыйга булып күңелләренә кереп калачак. 

17 январь көнне АСШ №1 мәктәбе психологы Зөһрә Хабибуллина укучылар һәм ата-аналар белән берлектә психологик тренинг уздырды. Укучыларга киңәшләр бирде, алар  белән бергә-бер эчкерсез сөйләшү үткәрде.

 Мәктәбебездән "Ел укытучысы-2017" бәйгесендә музыка укытучысы Заһитова И.И. катнашты.

Тәрбия эшләре буенча директор урынбасарларының бәйгеләре Теләкәй төп гомум бирү мәктәбендә үтте. Мәктәбебездән анда Җиһангирова Н.М. катнашты һәм лауреат исеменә лаек булды.

21 январь  көнне  9 класс укучылары мәктәптә математика фәненнән биреп карау имтиханын тапшырдылар, ә 11 класс укучылары бу имтиханны Актанышта тапшырды.

13 гыйнвар көнне мәктәбебезгә Минзәлә авыл хуҗалыгы техикумыннан вәкилләр килеп, 9,11 класс укучылары белән очрашу уздырдылар. Техникумга кабул итү имтиханнары, торак шартлары, уку бүлекләре белән таныштырдылар. 

Бу атнада Йолдызлык бәйгесенә әзерлек башланды. Заманча биюләр карау, вокаль ансамльләргә җырлар табу, алып баручыларга сүзләр, клип төшерү буенча  фикерләр тыңланды.

9 гыйнварда башланып киткән уку атнасы сизелми дә үтеп китте. Чөнки уку белән беррәттән укытучылар, укчыларның иҗади якын килеп үзләренең осталыкларын күрсәтү, бәйге-конкурсларда катнашулары башланып китә. Мәктәбебездән "Ел укытучысы-2017"бәйгесендә музыка укытучысы- Заһитова И.И., "Ел класс җитәкчесе"бәйгесендә башлангыч класс укытучысы Гиздуллина А.Ф., "Тәрбия һәм өстәмә белем бирү өлкәсендә иң яхшы җитәкче " бәйгесендә Җиһангирова Н.М., "Шәхес тәрбияләү"-педагог-организаторлар бәйгесендә Магданова Г.Х. катнашачаклар.

5 гыйнвар көнне 9 класс укучыларының ата-аналар җыелышы булды. Мәктәп директоры Гөлназ Сәгыйтьҗан кызы җитәкчелегендә укытучылар коллективы- татар теле, математика, рус теле фәне, сайланма фән укытучылары катнашындагы бу җыелыш ата-аналар өчен үз балалары хакында уйланырга бик кирәкле очрашу булгандыр дип уйлыйм. Класс җитәкчесе Резеда Фердинантовна ата-аналарны чирек нәтиҗәләре белән таныштырса, укытучылар үз фәннәре буенча алынган ОГЭ, БРТ нәтиҗәләре белән таныштырдылар. Җыелыш бик үтемле, оешкан төстә үтте.

6 гыйнвар көнне мәктәбебезнең  спорт, сәнгать, уку, хезмәт өлкәсендә уңышка ирешкән укучылары - Сибгатуллина Алисә, Гардиев  Айваз, Карамуллина Юлия, Шарифуллин Нафис район хакимияте оештырган елкада булып кайттылар.

Мәктәбебезнең узидарә советы рәисе һәм  члены- Ганиева Рәйхан, Амирова Гөлнар 23-25 декабрь көннәрендә Казан шәһәренең "Костер" лагерында  узидарә эшчәнлеге буенча белемнәрен күтәреп кайттылар. Кызларыбызга лагерь бик ошаган, аның хакында мәктәп линейкасында укучыларга җиткерделәр.