20 февраль көнне мәктәбебездә  әтиләр катнашында "Ягез әле, әтиләр!" бәйгесе уздырылды.  Бәйгедә 22 әти  катнашып, төрле бәйгеләрдә көч сынашты. Бәйрәм чәй табыны артында тәмамланды. Хөрмәтле әтиләрне, укытучы ир-егетләребезне, укучы егет-малайларны бәйрәмнәре белән котлыйбыз, иминлек, сәламәтлек, озын гомер телибез!

13 февраль көнне авылыбызда "Йолдызлык-2019" бәйгесенең 1нче туры узды. Балалар бакчасы белән берлектә узган бу бәйгегә укучыларыбыз тырышып әзерләнгән иделәр.

9 февраль көнне авылыбызда "Татарстан чаңгы юллары 2019"дип исемләнгән чаңгы ярышы булды. Монда төрле оешмалардан, мәктәп укучылары, спортны яраткан һәркем катнаша алды. Ярыш бик күңелле узды.

6 февраль көнне Актаныш районы Кадет мәктәбендә "Растим патриотов России" бәйгесе булып үтте. Мәктәбебездән 10 класс укучылары катнашты.  6 укучыдан торган команда  районда 4 урынны яулады.

5 февраль көнне районыбызда Шәп әйдәман бәйгесе булды. Мәктәбебездән 8 класс укучысы Бәхтиева Гөлшат катнашып Мактау кәгазенә ия булды.

4 февраль көнне мәктәбебезгә Актаныш үзәк хастаханәсеннән укучыларга манту ясау өчен табиб, шәфкать туташлары килде.  Сәламәтлек-зур байлык бит.

1 февраль көнне Актаныш технология техникумында "Пешекчеләр" бәйгесе булды. Мәктәбебездән Бахтиева Г., Шайгарданова Т., Сагбетдинова С. уңышлы катнаштылар. Бахтиева Г.- винегрет ясау бәйгесендә 3 урынга ия булды. Укытучылары- Магданурова Г.Х. Котлыйбыз!

26 январь көнне мәктәбебездә математика фәненнән биреп кару имтиханы булып узды. Имтиханда ата-аналар да катнашты.

24 январь көнне  мәктәбебез укучылары -Гизетдинов Илсаф, Хуҗина Азилә "Йолдызлык" бәйгесе өчен видео клип төшерү өчен Казан шәһәренә бардылар. 2019 ел- Театр елы булуын истә тотып, алар Татарстан Язучылар берлегендә, Галиаскар Камал театрында, Татарстан Милли музеенда,  китапханәсендә булдылар.

21-26 январь көннәрендә башлангыч классларның атналыгы булып үтте. Башлангыч класс укытучылары укучылары белән төрле бәйге-конкурсларда катнаштылар, укучылар рәсем ясадылар, театр уйнадылар,  кошларга җимлек әзерләп, элделәр.