Менә 1 нче чирек тә тәмамланыр алдында.  Классларга уку, тәрбия, төрле конкурсларда катнашулары, спорт ярышлары, хезмәт буенча урыннар чыгарыла.Укучылар бу атнада контроль эшләр, олимпиадалар эшлиләр, билге тупланышы белән кызыксыналар. 4, 6,8 класс укучылары татар теле буенча район тарафыннан үткәрелгән тест эшләделәр. 9,11 класс укучылары БДИга  әзерләнәләр.

Укучыларның дирекция тарафыннан көндәлекләре каралды, газета-журналларга язылулары барланды.

Ә сәнгать өлкәсендә 1 ноябрьдә районда үткәреләчәк "Шома бас"бәйгесенә әзерлек бара.

Йомгаклап шуны әйтәсе килә: мәктәптә белемгә, тәрбиягә нигезләнгән эш кайный.

Спорт бәйрәме ике көн дәвам итте.Беренче көнне укытучылар һәм укучы кызлар арасында баскетбол ярышы үтте. Команда капитаннары тарафыннан флаг күтәртелде, РТ гимны тыңланды."Шәкертләр" һәм "Мөгаллимнәр" командалары көч сынашты. Ярыш 43 кә 21 очко белән тәмамланды.

Икенче көнне укытучылар һәм укучы егетләр арасында волейбол ярышы үткәрелде. Укучыларның 6 кешедән торган командасы 44 кә 42 очко җыеп җиңү яулады. Бәйрәмне карарга килгән укытучылар һәм җанатар укучылар укытучылар һәм укучылар командаларына көч биреп тордылар. кул чаптылар. Ярыш төгәлләнгәч, мәктәпнең тәрбия эшләре буенча директор урынбасары Н.М.Җиһангирова катнашучыларга грамота һәм истәлекле бүләкләр тапшырды.

Мәктәпнең 5 класс укучылары мәктәпнең тәрбия эшләре буенча директор урынбасары Н.М.Җиһангирова белән авыл китапханәсенә экскурсия ясадылар. Китапханә мөдире Энҗе Сибгатуллина бик җылы каршы алды аларны. Китапханәнең эш режимы белән таныштырды, укучыларга "Китап-белем чишмәсе" булуын төшендерде. Китап укыган укучы гына үз максатына ирешә алуын ассызлады. "Интернет һәм китап" темасына сөйләшү үтте.Очрашу бик ошады укучыларга. Һәрберсе үзләре кызыксындырган сорауларга җавап тапты.Әдәби китаплар алып укучылар өйләренә таралдылар.

Мәктәптә районда үткәреләчәк "Шома бас" бәйгесенә әзерлек бара. 

21 октябрь көнне мәктәптә районның рус теле һәм әдәбияты укытучыларының семинары булды. 1 квалификацион укытучысы Галиева Рәмилә Әмирҗан кызы 9 класс укучылары белән "Сложносочиненные предложения. Выполнение вариантов ОГЭ"темасына дәрес, Мирзаһитова Рания Тамимдар кызы 11 класслар белән "Обособленные члены предлоңения и знаки препинания при них. Подготовка к ЕГЭ" ачык дәресен күрсәтте. Дәресләрдән соң рус телчеләре үзләренең киңәшмәләрен уздырдылар.

21 октябрь көнне авылыбызның фельдшерлары Габдрахманова Фәрсия Фоат кызы, Фатыйхова Люция апа тарафыннан укучылар медицина күзәтүе уздылар.Кан басымы, күзнең күрү сәләте, авырлык, буй үлчәмнәре алынды. 24 октябрь көнне Актаныш район больницасыннан да врачларның килүе көтелә.

Мәктәбебездә уңыш бәйрәме гөрләп узды. 1-5 класс укучылары  "Көзсылуда кунакта" булдылар. Төрле бәйге-конкурсларда катнашып, уеннар, җырлар җырлап күңел ачтылар. 1 класс укучылары "Шалкан" әкиятен сәхнәләштерделәр. Рольгә кереп, бик матур чыгыш ясадылар. 

6-11 класс укучылары  "Алтын көз"бәйрәмендә Көз кызлары чыгышы белән башланып китте. Бәйрәмне 8 класс укучылары класс җитәкчесе-Магданурова Г.Х. белән оештырдылар. Кроссвод чишү, табышмакка җавап әйтү, шигырь чыгару, бәрәнге җыю конкурслары булды. Һәр класс концерт номеры, яшелчә -җиләк-җимешләрдән композиция белән ктнаштылар, аларны якладылар. Тәрбия эшләре буенча директор урынбасары Н.М.Җиһангирова укучыларны уңыш бәйрәме белән котлады, иң күп миләш җыючы укучыларга, бәйрәмдә актив катнашканнарга бүләкләр тапшырды. 

Авылыбызның мәдәният сараенда Башкортстанның Дуртөйле Халык театры тарафыннан Туфан Миңнуллинның "Нәзер" трагик комедиясе сәхнәләштерелде. Сәнгатьне үз күргән авыл халкы,  мәктәп укытучылары, укучылар бик җылы кабул итте. 

Мәктәбебезнең 14 егете районда уздырылган көрәш ярышында катнашты, уңышлы гына ярышып кайтты. 7 класс укучысы Салганов Олег үз авырлыгында 4 урынга ия булды.

Мәктәбебез укытучылары- директорыбыз, татар теле һәм әдәбияты укытучысы- Вәлиева Гөлназ Сәгыйтьҗан кызы, география укытучысы- Хафизова Резеда Фердинант кызы, башлангыч класс укытучысы- Нурания Шәйхелмәрдәнова үз белемнәрен күтәрү  курсларында белем алалар. Уңышлар Сезгә укытучылар!