Укытучылар көне уңаеннан, гимназиябездә Коръән ашы узды. Бүгенге көн вәзгыятьтә Нур хәзрәт Хөсәенов вәгазе уйландырды да, күңелләрне дә нечкәртте, мөгаллимлек хезмәтенең җаваплылыгын да, саваплы эш булуын да ассызыклады.

Гимназиябездә "Сәләт" яшьләр үзәгенең үз мәйданчыгы - "Сәләт-Ялкын" клубы эшли башлады."Сәләт" клубының XIII Президенты Данис Зөлфәт улы Мөхәммәтҗанов һәм "Сәләт-Адымнар" сыйныфлары проекты җитәкчесе Айнур Рәшид улы Җәмалетдинов гимназиябездә булып, укучыларыбыз белән аралашты, гимназиядә эшләп килүче проектлар, укыту, тәрбия эшчәнлеге белән танышты бүген.
Эшлекле аралашуда уртак максатлар билгеләнде. "Сәләт" клубының Президенты Данис Зөлфәт улы Мөхәммәтҗанов һәм гимназиябез директоры Венера Хәмәтнәсыйх кызы Хәева-Хәмәтҗанова, "Сәләт-Ялкын" клубының 2022-2023 нче уку елына эш планын раслап, үзара килешүгә кул куйдылар.

Гимназиябез директоры Венера Хәмәтнәсыйх кызы Хәева укытучы-тәрбиячеләргә, укучыларга, ата-аналарга мөрәҗәгать белән чыккан иде. Мобилизацияләнүче якташларыбызга дүшәмбе иртәдән үк ярдәм туплана башлады.

Бүген – 3 октябрь көнне, гимназиябездә “Разговоры о важном – Мөһим темага сөйләшү” сыйныф дәресләре Укытучылар көненә багышланды. 
Әлеге фотода 6А сыйныфы укучылары класс җитәкчесе Шәгъзамова Энҗе Фирдәвис кызы белән.

6 октябрь көнне 15 сәгатьтә - гимназиябезнең актлар залында 
психолог, лектор, консультант, гештальт-терапевт Алексей Анатольевич Бабаянц белән очрашу була.
Кызлар, әниләр! Сезне очрашуга көтәбез! 

Гимназиябез укучылары бүген районның ФОРПОСТ вәкилләре белән очрашты.

Кадерле өлкәннәребез! Сезне иртәгә - 1 октябрь көнне район ярминкәсенә, үзебезнең күргәзмә-сату өстәленә көтеп калабыз! Күңел җылыбызны кушып әзерләгән сый-нигъмәт, кайнар коймак, камыр ашлары, хуш исле чәй сезнең хөрмәткә булачак. Рәхим итегез!

Озайтылган көн төркеме тәрбиячесе Алсу Илгиз кызы Гафурова 2А сыйныфы укучылары белән "Сәламәт булырга теләсәң" класстан тыш ачык чара үткәрде. "Сәламәтлек укытучысы-2022" Бөтенроссия конкурсының муниципаль этабында катнашты.
 

Гимназиябездә бүген янгын куркынычсызлыгын төгәл үтәү буенча планлы өйрәнүләр үткәрелде. 
Гимназиядә чыккан “янгын” аркасында, укытучыларны, балаларны һәм персоналны эвакуацияләргә туры килде. 

Бүген гимназиябездз дәресләр бер минут тынлык белән башланды. 26 сентябрь көнне Ижауның 88 нче мәктәбендә һөҗүм нәтиҗәсендә һәлак булганнарны бер минут тынлык белән искә алдык.