Гимназиябезнең юл хәрәкәтенең яшь инспекторлары 2А сыйныфы укучылары белән "20 ноябрь - юл һәлакәте корбаннарын искә алу көне"нә багышланган акция үткәрде. Укучылар ике командада ярышты. Ярыш барышында алар табышмакларга җавап тапты, светофор ясады, юл билгеләрен төзеде. Флешмоб һәм бергәләп кино карау да аларга бик ошады.

Әтиләребез Булат Шәйхразыев, Фәрит Лотфуллиннан агач эшкәртү буенча мастер-класс үткәрде. 

6 сыйныф укучылары тәрбияче Исламова Зөлфия Зәет кызы белән иң тәмле кыстыбый пешерде. Интернатта яшәүче укучылар да кыстыбый белән сыйланды.

10 сыйныф укучылары район судында экскурсиядә булдылар.

Балаларның гимназиябездә туклануын дөрес оештыру мөһим мәсьәләләрнең берсе. Укучыларның туклануын ата-аналар контроле күзәтчелектә тота. Бүген башлангыч өлешендә укучыларга әзерләнгән төшке ашны 1А сыйныфында укучы Саматның әнисе Эльвира Хәмидуллина тәмләп карады. Гимназиядә әлеге юнәлештә ата-аналарның дежур тору графигы эшләнгән. Тикшерү вакытында ата-аналар тарафыннан барлык санитар-эпидемиологик нормалар да үтәлә.

География фәненнән район олимпиадасы җиңүчесе һәм призерлары:

Чекалин Гәдел (9а сыйныфы) - җиңүче, 

Солтанов Самат (9а сыйныфы) - призер,

Хаҗиев Румил (8в сыйныфы) - призер.

Укытучылары Фәйзуллин Рөстәм Уел улы. Афәрин! Котлыйбыз!

Гимназиябезнең "Адымнар" комплексы ашханәсендә бүген 5Б сыйныфы ата-аналары төшке ашны тәмләп карады.

Юл хәрәкәтенең яшь инспекторлары – гимназиябезнең "Светофор" отряды.

Үсеп килүче буынны тәрбияләүдә милли традицияләрнең, туган телнең, гаилә кыйммәтләренең мөһимлеген ачучы гаилә видеороликларының II Бөтенроссия бәйгесендә 4Б сыйныф укучысы Самир Сабиров III урын яулады. Котлыйбыз, Самир!

Тиздән Әниләр бәйрәме. Шул уңайдан китапханәбездә "Ана-тормыш нигезе" дигән китап күргәзмәсе эшли. Укучыларыбыз әниләргә багышланган әсәрләр белән таныша алалар. Җәннәт-әниләрнең аяк астында. Әниләребезнең кадерен белик!