“Иң яхшы медицина кабинеты” район конкурсында гимназиябезнең “Адымнар” комплексындагы медицина кабинеты беренче урын яулады! Атналык дүшәмбе киңәшмәсендә шәфкать туташы Раушания Илгизәр кызы Насыриеваны директорыбыз Венера Хәмәтнәсыйх кызы Хәева котлады һәм рәхмәт белдерде. Раушания Илгизәр кызын ихластан котлыйбыз!

Бүген – 21 ноябрь көнне, гимназиябездә "Разговоры о важном – Мөһим темага сөйләшү" сыйныф дәресләре Әниләр көненә багышланды. Әлеге фотода 2В сыйныфы укучылары класс җитәкчесе Чулпан Рөстәм кызы Мингалимова белән дәрес вакытында.

Гадел Чекалин (9А сыйныфы) - җиңүче! Укытучысы Рөстәм Уел улы Фәйзуллин.

Рус теленнән 9 сыйныфларда гомуми нәтиҗәләр буенча сынап карау әңгәмәсе үтте. Йомгаклау әңгәмәсендә катнашучыларга дүрт биремне үтәргә тәкъдим ителә: текстны кычкырып уку, өстәмә мәгълүмат җәлеп итеп кабатлау, Сайланган темаларның берсе буенча монологик фикер алышу һәм Әңгәмәдәш имтихан бирүче белән диалог. Эшне башкару өчен һәр катнашучыга уртача 15 минут вакыт бирелә. Мөмкинлекләре чикләнгән балалар, инвалид балалар һәм инвалидлар өчен үткәрелгән йомгаклау әңгәмәсендә катнашучылар өчен процедураның озынлыгы 30 минутка арттырылырга мөмкин.

Гимназиябезнең ЮИД отряды укучылары юл-транспорт һәлакәтләре корбаннарын искә алу көненә багышланган  район чарасында катнашты.

Гимназиябездә, 8 класслар җитәкчелегендә, гадәти булмаган уен-викторина булды. Балалар белән яраткан әкиятләрне искә төшердек, яраткан әкият геройлары белән очраштык. Уен ахырында иң тапкыр командалар грамоталар белән бүләкләнде. Тәрбиячеләре Хаҗиева Миләүшә Рәдис кызы,Рафикова Резеда Шамил кызы.

Гимназиябездә дәүләт имтиханнарына әзерлек кысаларында районның математика укытучылары белән методик семинар-уку үтте. Казан милли тикшеренү технология университетының югары математика кафедрасы доценты, техник фәннәр кандидаты Рөстәм Фахраддин улы Ахвердиев имтиханның аерым биремнәрен чишү алымнарына өйрәтте.

5А сыйныфы укучылары класс җитәкчесе Рузилә Ильдар кызы Гарипова белән Актаныш туган як музеенда экскурсиядә.

Астрономия фәненнән олимпиаданың муниципаль этабында 9 сыйныф укучысы Тимиров Ислам призер исеменә лаек булды. Афәрин! Котлыйбыз!

Гимназиябездә "Ялкын" балалар оешмасы президенты сайлаулары бара.