Хәрби-патриотик айлык кысаларында, гимназиябез укучылары район мәдәният сараенда узган Ватаннан читтә хезмәт бурычын үтәгән сугышчы-интернационалистларны искә алу кичәсендә катнаштылар.

Татар телендә белем алучы мәктәп укучылары өчен татар әдәбияте буенча республика олимпиадасының йомгаклау этабында җиңүче укучыларыбыз: 7 класс укучысы Ильясова Энҗе - җиңүче, 7 класстан Газетдинова Зәринә, 8 класстан Шәйгалләмова Нәзилә, 10 класстан Гарифуллина Руфина - призерлар. Укытучылары Чулпан Рәмзил кызы Шәрипова. Котлыйбыз!
 

"Лидерлык дәресе"ндә гимназиябез укучылары бүген яшь артистларыбыз - ирле, хатынлы Ризат һәм Зинира Рамазановлар һәм аларның иҗат төркеме белән очрашты. Алар үзләренең кайнап торган эстрада тормышы, беренче җырлары, сәхнә осталыгына ирешү серләре белән таныштырдылар. Саф татарча сөйләшүләре, ихлас әңгәмәдәш булулары белән алар бик тиз укучыларыбыз йөрәген, күңелен яулап алдылар.

Гимназиябезнең 5А сыйныф укучылары патриот шагыйрь, Советлар Союзы Герое Муса Җәлилгә багышланган кичә үткәрде. Шагыйрьнең тормыш һәм иҗат юлын, шигырьләрен тәкъдим иттеләр алар. Сыйныф җитәкчесе - Рузилә Илдар кызы Гарипова.

15 февраль - Ватаннан читтә хезмәт бурычын үтәгән россиялеләрне искә алу көне. Бу истәлекле дата сугышчы-интернационалистлар хөрмәтенә куелган, алар туган ил чикләреннән читтә үзләренең хәрби бурычларын үтәгәннәр.

1989 елның 15 февралендә 10 сәгать 30 минутта 40-нчы армия командующие генерал-лейтенант Борис Громов Совет гаскәрләренең чикләнгән контингенты сугышчыларының соңгысы булып СССР һәм Әфганстанны бүлешкән Аму-Дарья аша күперне кичте. 

Сценарий буенча, башлангыч сыйныфлар укучы бинада, спорт залында, кыска ялганыштан “янгын“ чыкты, ут стеналарга, җиһазларга күчте, коридор буйлап төтен таралды.
Тавышлы хәбәр итү системасы эшли башлаганнан соң, барлык укучылар, укытучылар тиз арада бинадан чыктылар.
Гадәттән тыш хәл урынына янгын сүндерүчеләр, газчылар, медиклар килде. Бина санаулы минутларда әйләндереп алынды, ә коткаручылар янгынны сүндерүгә керештеләр. Янгын сүндерүчеләргә, “бер хезмәткәрнең һәм аңа ярдәм күрсәтүченең ялкын телләре үрмәләгән“ бүлмәдә калулары хакында җиткерелде. Коткаручылар аларны, беренче ярдәм күрсәтеп, кислород белән тәэмин иткән махсус битлек кигезеп, янгын зонасыннан алып чыктылар һәм медикларга тапшырдылар. Ашыгыч ярдәм күрсәтүче шәфкать туташы зыян күрүчеләргә беренче ярдәм күрсәтеп, аларның сәламәтлек куркынычсызлыгын тәэмин итте.
Янгын сүндерүчеләр кабаттан “ялкын телләрен” авызлыкларга керештеләр. Эвакуация төгәлләнгәч, утсүндергечләр белән ничек эш итәргә кирәклеген аңлаткан инструктаж үткәрелде.
Күрсәтмә өйрәнүләрдә ишек-тәрәзәләр ябылганмы, утлар сүндерелгәнме, иң кирәкле документлар алынганмы – болар барысы да исәпкә алынды. Өйрәнүләр төгәл билгеләнгән сәгатьтә башланды. Гимназия бинасының техник характеристикасы буенча эвакуацияләү нормативларына сыешып беттек.

КФУның Филология һәм мәдәниятара багланышлар институты базасында, Татарстан Республикасында Рөстәм Миңнеханов катнашында педагог һәм остаз елын ачу тантанасы узачак.
Педагогик хезмәткәрләрнең аерым статусын танып, илебез Президенты Владимир Путин 2023 елны Педагог һәм остаз елы дип игълан иткән иде.

Китапханәбездә 15 февраль-патриот шагыйрь, Советлар Союзы Герое Муса Җәлилне искә алу көне уңаеннан китап күргәзмәсе эшли. Рәхим итегез!

Гимназиябез укытучылары - мәгариф ветераннары, Татарстан Республикасының Халык укытучылары, башлангыч сыйныфлар укытучысы Диләрә Дуглас кызы Хөббетдинова һәм татар теле, әдәбияте укытучысы булып эшләгән Ләйсән Галиакбәр кызы Әминова, татар теле һәм әдәбияте укытучысы Чулпан Рәмзил кызы Шәрипова бүген Казанда ТР Рәисе Рөстәм Нургали улы Миңнеханов катнашында узучы Укытучылар һәм остазлар елын ачу тантанасында катнашалар.

Гимназиябезнең 10 сыйныф укучылары "Ялкын" журналы баш мөхәррире Илназ Фаис улы Фазуллин белән очрашты. Илназ Фаис улы унынчыларны "Ялкын" журналы, анда чыгып килүче рубрикалар, яңалыклар белән таныштырды. Укучыларның сорауларына җавап бирде.