Бүген – 20 февраль көнне, гимназиябездә "Разговоры о важном – Мөһим темага сөйләшү" сыйныф дәресләре Ватанны саклаучылар көненә багышланды. Әлеге фотода 11А сыйныфы укучылары класс җитәкчесе Ирина Альбиновна Нурыева белән дәрес вакытында.

21 февраль - Халыкара Туган тел көне уңаеннан, педагог-китапханәче Исламова Эльвира Мәүлетдин кызы тарафыннан 5а сыйныфында интеллектуаль уен оештырылды. Уен аша укучыларыбызда телебезгә һәм мәдәниятебезгә кызыксыну, горурлану хисе тәрбияләнде.

Эндокринолог, офтальмолог, невролог, ЛОР, стоматолог, педиатр бүген гимназиябездә укучыларга планлы медицина күзәтүе үткәрде.

Бүгенге ярышларда катнашу үзебезнең көчебезне һәм мөмкинлекләрне сынап карарга, хезмәттәшләребезнең көч биреп торуын, теләктәшлеген тоярга тагын бер мөмкинлек бирде.
Укыту барышында, көндәлек эш-мәшәкатьләр белән янып-көеп йөргәндә бер-беребез белән иркенләп аралашырга вакыт та калмый! Ә бүген без бер-беребез өчен ут йотып тордык, рәхәтләнеп аралаштык, ял иттек, ярышларда үз мөмкинлекләребезне ачтык.
Дустанә мохиттә көн сизелми дә үтте. Бер-береңнең ярдәмен тою, ышанычын аклау ярышка караганда да кадерлерәк. Тормышта рухланып яшәргә, канатланып эшләргә көч бирә ул. Рәхмәт сезгә һәммәгезгә дә!
Иптәшләребезнең җиңү шатлыгын да бергәләп уртаклаштык!
Чаңгы эстафетасында Рәмис Хәсәнов, Чулпан Мингалимова, Рузил Исламов - икенче, йөзүдә Чулпан Мингалимова - икенче, гәүдәне күтәрүдә Лилия Галләмова икенче урында!
Спорт мәктәпләре белән бертигез шартларда ярышканлыктан, хезмәттәшләребезнең җиңүен беренче урын итеп кабул итсәк тә дөрес булыр.
Котлыйбыз! Без - молодцы!

Балалар иҗат үзәгендә инглиз теленнән "Ил белеме буенча Quiz-викторина" район конкурсында, 17 команда арасында, гимназиябезнең 5-6 сыйныф укучылар командасы гран-при яулады.
Укытучылары Сания Мөдәрис кызы Гыймранова. Котлыйбыз!

Мәктәп укучысына җәмгыять, граждан, ватанпәрвәрлек төшенчәләрен ничек аңлатырга? Татарстан Дәүләт Советында республиканың мәгариф идарәләре җитәкчеләре, тарих һәм җәмгыять белеме укытучылары өчен быел чираттагы “Парламент дәресе” үткәрелгән иде.
“Парламент дәресләре" инде 15 нче тапкыр уздырыла. Быел ул 1-18 февраль көннәрендә гимназиябездә дә үткәрелде. “Без – Россия гражданнары” темасы үзәккә алынды. Сәяси вакыйгалардан да читтә кала алмадык. Туган ил, Ватан, патриотизм темаларына да тукталдык.

Гимназиябездә район мәгариф хезмәткәрләренең семинары уза бүген. «Социаль-гуманитар белем бирү үзәге» дәүләтнеке булмаган өстәмә һөнәри белем бирү учреждениесе мөгаллимнәре яңартылган федераль дәүләт мәгариф стандартлары һәм аларны гамәлгә кертү механизмнары буенча укыта.

15 февраль-патриот шагыйрь, Советлар Союзы Герое Муса Җәлилне искә алу көне уңаеннан, гимназиябезнең "Ялкын" балалар оешмасы 6А сыйныфы укучылары белән "Тамчы шоу" үткәрде.

Туган (рус булмаган) телле мәктәп укучылары өчен рус теле буенча республика олимпиадасының йомгаклау этабында җиңүче укучыларыбыз:
8А сыйныфы укучысы Лиана Шакирова, 9А сыйныф укучысы Алинә Хәернасова (укытучылары Энҗе Фирдәвес кызы Шәгъзамова), 8В сыйныф укучысы Азалия Маликова (укытучысы Фәйрүзә Риф кызы Газизова), 10 сыйныф укучысы Руфина Гарифуллина (укытучысы Изалия Изаил кызы Гыйльфанова) – призерлар. Котлыйбыз!

Гимназиябезнең 7-8 сыйныф укучылары бүген Сәфәр мәктәбендә узучы физика буенча "Физик ут" район конкурсында катнаша.