Республикада һәм гимназиябездә Укытучы һәм остаз елына тантаналы төстә 14 февральдә старт бирелде. Гимназиябез укытучылары - мәгариф ветераннары, Татарстан Республикасының Халык укытучылары, башлангыч сыйныфлар укытучысы Диләрә Дуглас кызы Хөббетдинова һәм татар теле, әдәбияте укытучысы булып эшләгән Ләйсән Галиакбәр кызы Әминова, татар теле һәм әдәбияте укытучысы Чулпан Рәмзил кызы Шәрипова
бүген Казанда ТР Рәисе Рөстәм Нургали улы Миңнеханов катнашында узучы Укытучылар һәм остазлар елын ачу тантанасында катнаштылар!
Гимназиябез китапханәсендә дә Укытучы һәм остаз елына багышланган чаралар даими үтә, “Педагог – исем түгел, педагог - сәләт” иллюстрацияле китап күргәзмәсе оештырылган. Күргәзмәдә укытучы һәм укучылар тормышы, гимназия дөньясын яктырткан китаплар, газета-журналлар белән танышып була. Әлеге ел Россия фәнни педагогикасына нигез салучы К.Д.Ушинскийның 200 еллыгына нигезләнгән. Шул уңайдан, танылган остазлар В.А. Сухомлинский, К.Д.Ушинский, А.С.Макаренко, Ш.А.Амонашвили, Л.В.Занков, Каюм Насыйри, Ризаэддин Фәхреддин турында кыскача мәгълүматлар тупланган күргәзмәлекләр дә булдырылды.
Әдәби экспозиция белән бүген 9А сыйныфы укучылары класс җитәкчесе, тәҗрибәле укытучы-остаз Рәмилә Әдип кызы Хаҗиева белән бергәләп таныштылар. Рәмилә Әдип кызы укытучы һөнәренең үзенчәлекләре белән таныштырды. Укучылар өчен үз эшенең остасы, акыллы киңәшче, эчкерсез ярдәмче һәм остаз да ул.

Гимназиябездә укучылар үзләренең шәхси проектларын яклый башлады. Проект эшләрен яклау берничә юнәлештә бара. Әлеге фото һәм видеоларда укучыларыбыз математика һәм физика юнәлешләре буенча проект эшләрен тәкъдим итә.

Бүген – 13 март көнне, гимназиябездә "Разговоры о важном – Мөһим темага сөйләшү" сыйныф дәресләре язучы Сергей Владимирович Михалковның 110 еллыгына багышланды.
Сергей Михалков - балалар язучысы һәм шагыйре, Бөек Ватан сугышында хәрби хәбәрче, илебезнең өч дәүләт гимны сүзләренең авторы.
Россия Мәдәният Фонды тарафыннан Сергей Михалковның истәлекле алтын медале булдырылган, ул Ватанга, Ватан мәдәниятенә хезмәт иткән өчен һәм яшь буынны тәрбияләүгә өлеш керткән өчен бирелә.
Дәрес кысаларында укучылар режиссерлар Никита Михалков һәм Андрей Кончаловскийның видео мөрәҗәгатьләрен карадылар.
Әлеге фотода 7В һәм 8Б сыйныфы укучылары тарих һәм җәмгыять белеме укытучысы Рәмис Илгиз улы Хәсәнов белән дәрес вакытында.

Гимназиябезнең "Сәләт-Ялкын" клубында шөгыльләнүче 8 сыйныф егетләре, "Сәләт" проектларында катнашучы 1Б сыйныфы җитәкчесе Гөлназ Дильшат кызы Солтанова төбәк "Сәләт" клубларының гамәли уку-укыту семинарында укып, проектларын якладылар. Төрле остаханәләрдә үз сәләтләрен күрсәттеләр.
Егетләребезнең иҗади эшчәнлекләренә югары бәя бирелде, ә аларның кураторлары Гөлназ Дильшат кызы Солтанова гамәли уку-укыту семинарын оештыруга зур өлеш керткәне өчен Рәхмәт хаты белән бүләкләнде.

Актанышта 12 март көнне узган ачык волейбол турнирында, Актаныш командасы составында уйнап, гимназиябезнең волейбол командасы кызлары 1 урын яуладылар. Тренерлары – Ленар Ибнеев. Афәрин!

Гимназиябездә укучылар кечкенәдән үк һәр эшнең дә үзенчәлекләре белән танышып үсәләр. Әти-әниләренең дә эш урыннарында була алар. Төрле шөгыльләр аша да үз сәләтләрен ачалар. Дәресләрдә дә, җанлы әңгәмәләрдә дә һөнәри юнәлеш бирелә.
Интернатта да тәрбияче Латыпова Ләйсән Рафис кызы үткәргән җомга чарасы укучылар өчен кызыклы да, файдалы да булды. Һөнәр сайлау үзенчәлекләре белән танышты алар.

Гимназиябездәге "Сәләт" яшьләр үзәгенең үз мәйданчыгы - "Сәләт-Ялкын" клубында шөгыльләнүче 8 сыйныф егетләре, "Сәләт" проектларында катнашучы 1Б сыйныфы җитәкчесе Гөлназ Дильшат кызы Солтанова төбәк "Сәләт" клублары өчен Лаеш районының Троицкий бистәсендәге "Йолдызлы" ял һәм уку үзәгендә уздырылган гамәли уку-укыту семинарында катнаша.

Талантлар университеты челтәр мәйданчыклары вәкилләрен укытты. Гимназиябез дә Талантлар Университетының челтәр мәйданчыгы булып тора. Әлеге укуда директорның методик-инновацион эшләр буенча урынбасары Юлия Валентиновна Әмирҗанова катнашты һәм уртак эшчәнлек буенча проект яклады.
Укуда Талантлар Университетының мөмкинлекләре һәм мәктәп укучылары өчен булган программалар белән уртаклаштылар. «Предметтан тыш компетенцияләр тренинглары» методик сессиясе узды, «Яңа һөнәрләр атласы» һәм башка һөнәри юнәлеш бирү инструментлары турында да бәян ителде биредә.

Гуманитар гимназия-интернатыбыз 2023-2024 уку елына 1 сыйныфка укырга керүче балаларны кабул итә. Мөрәҗәгать итү өчен телефон - 89656186164, Лилия Глүс кызы Вәлиева.

Рус теле һәм әдәбияты атналыгы кысаларында, 6 сыйныф укучылары белән "Филология иленә сәяхәт" уены уздырылды.