Гимназиябез укучылары - бүген "Лачын" боз сараенда узучы хоккей турнирында иң актив җанатарлар! Хоккей сөюче актанышлылар өчен бүген актив ял, бәйрәм көн!Матур җиңүләр телибез хоккейчыларга!

Герой-шагыйрь Муса Җәлилнең иҗатына багышланган «Кызыл ромашка» шигырь укучылар I республика конкурсында катнашып, гимназиябезнең 1Б сыйныф укучылары Нуриман Локманов һәм София Давлетова "Вокал" номинациясендә I дәрәҗә лауреат булдылар. Җитәкчеләре - Гөлназ Дильшат кызы Солтанова.

5 сыйныф укучылары арасында "Барысын да белергә телим!" исемле квест-уен узды.

"Мәктәп фәне - киләчәкнең инновацион потенциалы" VIII дөньякүләм укучылар фәнни-гамәли конференциясендә 7А сыйныф укучысы Вәлиева Алинә (укытучысы Вәлиева Алсу Риф кызы) "Үсемлекләрне гидропоника ысулы белән үстерү" фәнни-эзләнү эше белән катнашып, "Иң яхшы практик " номинациясендә җиңүче итеп танылды. Котлыйбыз!

Рус теле һәм әдәбияты атналыгы кысаларында, 6Г сыйныф укучылары, рус теле һәм әдәбияты укытучысы Фәйрүзә Риф кызы Газизова җитәкчелегендә, "Парламент дәресе - 2023" республика конкурсына багышланган "Минем гаилә традицияләре" темасы буенча проект эшләрен якладылар.

Россия Эчке эшләр министрлыгының Актаныш районы буенча бүлегенең балигъ булмаганнар һәм участок полиция хезмәткәрләре бүлеге җитәкчесе - подполковник Салават Мөзаһит улы Котлыяров бүген гимназиябез укучылары белән очрашты, балалар тарафыннан хокук бозуларны кисәтү максатында, җәмәгать урыннарында үз-үзеңне тоту, хокук нормаларын үтәү, тәртип кагыйдәләрен аңлатты.

Бүген, 1 нче март көнне, гимназиябездә Халыкара гражданнар оборонасы көненә багышланган тормыш нигезләре иминлеге буенча ачык дәресләр үткәрелде.  Дәресләр барышында 200 дән артык укучы Гражданнар оборонасы өлкәсендә халыкара аренада махсуслашкан бердәнбер хөкүмәтара оешма булган Халыкара гражданнар оборонасы оешмасы барлыкка килү тарихы белән таныштырылды. 

Сегодня, 1 марта, в нашей гимназии прошли открытые уроки по основам безопасности жизнедеятельности, посвященные Международному дню гражданской обороны. В ходе занятий более 200 учащихся познакомились с историей создания международной организации гражданской обороны, которая является единственной межправительственной организацией, специализирующейся на международной арене в области гражданской обороны.

Гимназиябезнең тарих укытучысы Гыйлметдинов Марат Илсур улы 2022 ел өчен Шәриф Камал исемендәге Әдәби премиянең "Әдәби тәрҗемә" номинациясе лауреаты исеменә лаек булды. Марат Илсур улын ихлас күңелдән тәбриклибез!

Гимназиябезнең 9Б сыйныф укучысы Самир Сәйфетдинов "Профдебют" һөнәри конкурсында катнаша. Уңышлар телибез!

Физика буенча «Олимпка юл» республика олимпиадасында 7Б сыйныф укучысы Азамат Ямалов, 9А сыйныф укучысы Ислам Тимеров (укытучылары Филарис Фәнис улы Ямалов), 8В сыйныф укучысы Әмирхан Шәймәрданов, 10 сыйныф укучысы Вильдан Хуҗин (укытучылары Римма Гранит кызы Баһаветдинова) – призерлар! Котлыйбыз!