Инглиз теле атналыгы кысаларында, 5-7 сыйныф укучылары "Инглиз телендә сөйләшәбез һәм уйныйбыз" фешмобына кушылды.

Бүген -14 апрельдә гимназиябездә кораллы һөҗүм вакытында укучыларның һәм укытучыларның үз-үзләрен тотулары, саклану чараларының үтәлеше буенча тактик-махсус күнегүләр узды.
Укуларда хокук саклау органнары хезмәткәрләре дә катнашты.
-Игьтибар! Гимназиябезгә кораллы билгесез кеше үтеп керде! – дип, тормыш иминлеге нигезләрен укытучы Ришат Тимершәех улы Сибгатуллин хәбәр бирүгә, һәр сыйныф үзенә билгеләнгән ябык бүлмәләргә качып бикләнде. Гимназиябездә уку кабинетларында, эш бүлмәләрендә, коридорда бер кеше дә калмады.
Өйрәнүләрдән соң, гомуми линейка узды. Уку-өйрәнүләрнең барышына полиция участок вәкиле Хәкимуллин Pамил Pавил улы бәя бирде. Укучыларга бүгенге вәзгыятьтә үз-үзеңне саклау, иминлек кагыйдәләрен янәдән искә төшерде.

Гимназиябездә ифтар ашы уздырдык. Нур хәзрәт Хөсәеновның вәгазен тыңлап, коръән укып, дога кылып, авыз ачтык. Җәмәгать белән ахшам намазы укыдык.
Аллага шөкер, саваплы эш кылдык. Рамазан аенда авыз ачтыру да, ифтарга килү дә - саваплы гамәл.
Ифтарга укучылар да, укытучылар да, әти-әниләр дә, дәү әти-дәү әниләр дә, ураза тотучы райондашлар да, мөселманча киенеп, яулыктан, түбәтәйләрдән килгән иде.
Сый-нигъмәтләр дә  бик мулдан булды. Тәмле ашлар, хәләл чәй тәмнәре белән сыйлаган пешекчеләребезгә, гимназия коллективына, ифтарга авыз ачарга килүчеләргә бик зур рәхмәт!
Тоткан уразаларыбыз кабул булсын!

Гимназиябез укучылары «Алга! - Поехали!» яшьләр форумында бик күңелле булуын хәбәр итәләр! «Актаныш балкышы» командасы составында алар “Беренчеләр хәрәкәте” оешмасының бурыч-максатларын өйрәнәләр. Үзидарә системасында эшләүдә тәҗрибә туплыйлар.

Гимназиябезнең 1А сыйныф укучысы Эльвира Измайлова безгә үзенең бик матур фотоларын җибәргән. Язгы каникул көннәрендә әти-әнисе белән Татарстан Республикасы Милли музеена барган ул. Бик ошаткан. Сезгә дә тәкъдим итә. Казанга барганда керергә онытмассыз бит!

Туфан Миңнуллин исемендәге X республика конференциясендә катнашып, гимназиябезнең педагог-китапханәчесе Исламова Эльвира Мәүлетдин кызы дипломант булды. Җитәкчесе – Хәева-Хәмитҗанова Венера Хәмәтнәсыйх кызы.

Инглиз теле атналыгы кысаларында, 11 сыйныф укучылары инглиз телендә телдән имтихан биреп карады.

Язгы кояш интернатта яшәүче балаларны урамга чакыра. Футбол яратучы егетләргә менә дигән көн!

Гимназиябезнең 10 сыйныф укучылары, ОБЖ укытучысы Ришат Тимершәех улы Сибгатуллин җитәкчелегендә, Казан шәһәрендә - “Патриот” республика спорт-патриотик һәм хәрби хезмәткә чакырылуга кадәр әзерлек үзәгендә 5 көнлек хәрби әзерлек курсларында. Алар биредә коралдан атарга, стройда йөрергә өйрәнәләр. Тактик өйрәнүләр һәм инженерлык күнекмәләре дә уку планына кертелгән.
Җыен мәктәп программасы кысаларында үткәрелә. Барлык укучылар да роталарга бүленгән, аларга командирлар билгеләнгән.
Коралдан атарга өйрәнү программасы вакытында укучылар Казан танк училищесы полигонына чыгалар, анда Калашников автоматыннан атарга өйрәнәләр. Укучылар казарма тибындагы бүлмәләрдә яши.

2А классы укучылары бик теләп проект эшләре белән шөгыльләнәләр. Сыйныф җитәкчесе Сөмәя Тәлгать кызы Муллаярова.