Гимназиябезнең “Ак нур” вокал ансамбле “Без бергә!” халык иҗаты республика балалар сәнгать фестиваленең Чаллыда узган зона турында чыгыш ясады. Ансамбль җитәкчесе Әлфинә Фирдинас кызы Фәйзуллина.

2023 ел - Россиядә укытучылар һәм остазлар елы. Китапханәбездә "Укытучыларга ярдәмлекләр!" китап күргәзмәсе эшли. Рәхим итегез!

Кадерле, дуслар! Укучылар, укытучылар, әти-әниләр, дәү әти-дәү әниләр! Әлеге бәйге балалар, оныклар белән каникул көннәрен тагын да истәлекле итеп үткәрергә менә дигән мөмкинлек! Конкурста балалар да, әти-әниләр дә, әби-бабайлар да катнаша ала.
“Минем яраткан укытучым!”, “Мәктәп: без укыган еллар истәлеге” конкурсларына эшләр 15 майга кадәр гимназиябезнең 306 нчы бүлмәсендә кабул ителә. Бәйгегә нәтиҗә 25 майда – гимназиябезнең “Соңгы кыңгырау” бәйрәмендә ясала, җиңүчеләр дә шунда бүләкләнәчәк!
Игътибар! Жанр төрлелеге чикләнмәгән. Сезнең истәлекләр мәкалә рәвешендә дә, хикәя рәвешендә дә, шигъри формада да булырга мөмкин. Фотолар кире кайтарыла (сканерланган рәвештә дә кабул ителә)! Хәерле сәгатьтә!

"Үлем белән кайда сату итүләре хакында хәбәр ит!" акциясе кысаларында, интернатыбызда да "Наркотик - ак үлем" дигән темага тәрбия чарасы үтте. Тәрбияче - Хаҗиева Миләүшә Рәдис кызы.

Интернатта яшәүче укучыларыбыз татар халык ашларын пешерүне дәвам итә! 8 класс кызлары телеңне йотарлык итеп шәңгә пешерделәр. Тәрбиячеләре - Хаҗиева Миләүшә Рәдис кызы.

Гимназиябездә башлангыч сыйныф укучылары арасында "Нәүрүз" бәйрәме үтте.

Гимназиябезнең 2 сыйныф укучылары бүген "Шалкан" рус халык әкияте буенча инглиз телендә мюзикл белән район конкурсында катнаштылар. Мюзиклны сәхнәгә инглиз теле укытучысы Лилия Флүн кызы Нурлыева, педагог-оештыручы Миләүшә Рәдис кызы Аграпова куйды.

Дөнья сәнгать мәдәнияте ( МХК) буенча Бөтенроссия олимпиадасының йомгаклау этабында гимназиябезнең 11А сыйныф укучысы Динара Камилҗанова призер булды. Укытучысы – Миләүшә Мәгъсүм кызы Абдуллина.

2А сыйныф укучылары менталь арифметика түгәрәгендә.

13-24 март көннәрендә республикада "Үлем белән кайда сату итүләре хакында хәбәр ит!" дигән Бөтенроссия акциясе бара. Акциянең төп максаты - наркомания һәм наркотикларның законсыз әйләнешенә кагылышлы проблемаларга халыкның игътибарын юнәлтү. Әлеге акция кысаларында, теләге булган һәркем ышаныч телефонына шалтыратып, законсыз рәвештә наркотиклар белән сату итү фактларын хәбәр итә ала. Бер шалтырату да игътибардан читтә калмаячак. Әлеге акция кысаларында, гимназиябездә 5в һәм 6в сыйныф укучылары белән "Үлем белән кайда сату итүләре хакында хәбәр ит!" исеме астында әңгәмә үткәрелде, видеоролик күрсәтелде.