КОТЛЫЙБЫЗ!
Эшлекле идарә итү югары мәктәбе - Россиянең булачак бизнес-менеджерларын һәм эшмәкәрләрен әзерләүгә махсуслашкан әйдәп баручы югары уку йорты оештырган бәйгеләрдә катнашып, гимназиябезнең 5Б сыйныф укучысы Шакиров Лимар Бөтенроссия Яңа ел эшләнмәләре һәм Балалар рәсемнәре конкурсларында 1 урын яулады, дипломнар белән бүләкләнде.
Җитәкчесе Гүзәл Фәрит кызы Хөснетдинова.

Гимназиябездә, Яңа ел каникулларыннан соң, грипп, коронавирус инфекциясе таралу очракларын кисәтү, булдырмас өчен барлык кисәтү һәм саклану чаралары да күрелә. Иртәнге фильтр – температураны үлчәү ышанычлы саклану булып тора. Һәр иртәне гимназиябезнең “Адымнар” комплексында да, башлангыч корпуста да укучыларның тән температурасы шәфкать туташлары тарафыннан үлчәнә.

КОТЛЫЙБЫЗ!
Гимназиябезнең 9 сыйныф укучысы Әмирхан Шәймәрданов физикадан
Бөтенсебер мәктәп укучыларының ачык олимпиадасында катнашып, призер булды.
Укытучысы Римма Гранит кызы Баһаветдинова

Гимназиябездә II чирек йомгакларына багышланган педагогик киңәшмә узды.
Гимназиябез директоры Венера Хәмәтнәсыйх кызы Хәева-Хәмәтҗанова гимназиябездә алып барылган укыту-тәрбия, II чирек нәтиҗәләренә, укытучыларның куелган хезмәтенә анализ ясады.
ОГЭ, ЕГЭ, фән олимпиадаларына әзерлектә алып барылачак онлайн-укулар, инновацион һәм социаль проектларда катнашу, Мәскәү электрон мәктәбе платформасындагы мәйданчыклардан нәтиҗәле файдалану буенча фикерләрен белдерде.
Киңәшмәдә директорның укыту эшләре буенча урынбасары Рәйхан Филүс кызы Галимҗанова – өлгереш сыйфаты, методик-инновацион эшчәнлек буенча урынбасар Юлия Валентиновна Әмирҗанова – олимпиада, грантларда, конкурсларда катнашу нәтиҗәләре, тәрбия эшләре буенча урынбасар Ленар Зөфәк улы Шәвәлиев -
тәрбия юнәлешендә алып барылган эшчәнлек, цифрлаштыру буенча директор урынбасары Ленар Наил улы Хөсәенов мәгълүматлаштыру буенча эшчәнлек белән таныштырды.
Киңәшмә эшендә Актаныш районы башлыгы Ленар Рафак улы Зарипов катнашты. Ленар Рафак улы үзенең фикерләре белән дә уртаклашты. Гимназиябезнең "Адымнар" мәктәпләре эшчәнлегендә үрнәк булуына горурлануын әйтеп, коллективка һәм Венера Хәмәтнәсыйх кызына ирешкән уңышлар өчен рәхмәт белдерде.
2024 ел - Татарстанда фәнни-технологик үсеш, Россиядә - Гаилә елы булачагын ассызыклап, әлеге юнәлештә башкарылачак чараларда катнашуда уңышлар теләде.

Актанышта узучы Яңа ел тамашасында гимназиябез коллективы белән катнаштык.
Гимназиябез Кыш бабае, Кар кызы, ак аюлар райондашларга, кайткан кунакларга бәйрәм мизгелләре бүләк итте. Җырлы-биюле тамашада катнашты.
Гимназиябезнең Яңа ел бизәлеше район мәгариф оешмалары арасында I урынга лаек булды!

2А сыйныф укучылары үзләренең тәүге китапларын эшләделәр!
“Әйләнә-тирә дөнья” дәресендә 2А сыйныф укучылары беренче проектларын эшләделәр. Класс җитәкчесе Ания Хәсип кызы Мусина белән алар туган ягыбызның табигатен өйрәнеп, экскурсияләрдә булдылар, “Кызыл китап”ка кертелгән, дөньяның төрле почмакларында үсүче үсемлекләр, хайваннар турында фильмнар карадылар. Рәсемнәр ясадылар. Үзләренең күзәтүләрен фотога төшерделәр. Мәгълүматларны туплап, китап җыентыгын әзерләделәр. Китапны бизәп, укучыны җәлеп итәрлек зәвык белән эшләделәр һәм Ания Хәсип кызы, сыйныфташлары алдында тәкъдим иттеләр.
“Дөньяның кызыл китабы” белән 2А сыйныфы укучыларын истәлеккә фотога да төшердек. Молодцы, укучылар!

КОТЛЫЙБЫЗ!
"Инглиз телендә сөйләшәбез һәм җырлыйбыз" район конкурсында катнашып, гимназиябез укучылары матур җиңүләргә ирештеләр!
“СОЛО” номинациясендә 3 сыйныф укучысы Айлина Шәйхразыева - III, 6В сыйныф укучысы Айзирәк Сабирова - II, 11 сыйныф укучысы Милена Мусина I урын;
“НӘФИС СҮЗ” номинациясендә 8А сыйныф укучысы Гүзәл Харисова I урын;
“ҖЫР” номинациясендә 4А сыйныф коллективы һәм 9В сыйныф коллективы I урын яулады!
“ИҖАДИ КОЛЛЕКТИВ” номинациясендә 4Б егетләренең ‘Beatles’ группасы, “ТАМАШАЧЫ МӘХӘББӘТЕ” номинациясендә 8 сыйныф коллективы җиңү яуладылар!
Җитәкчеләре инглиз теле укытучылары Сания Мөдәрис кызы Гыймранова, Румия Данис кызы Темел, Фәйрүзә Филарис кызы Ганиева, Лилия Флүн кызы Нурлыева.

Гимназиябездә сакланып килүче күркәм традицияләргә бүген яңа башлангыч - "Хорлар бәйгесе" проекты өстәлде.
1-5 сыйныфлар арасында узган "Зур биюләр" проектының дәвамы буларак, бүген 6-9 сыйныф укучылары, ата-аналар сәхнә тотты. Ватанпәрварлык темасына багышланган, Туган илне ярату хисләре белән сугарылган җырлар төрле телләрдә яңгырады. Биюләр белән, тулы бер композицияне сәхнәгә куйды сыйныфлар.

Гимназиядә “Сәламәт яшәү атналыгы” кысаларында, укучыларыбыз сәламәт яшәү рәвеше алып бару буенча белемнәрен арттырдылар. “Сәламәтлек дәресләре” һәр сыйныфта шәфкать туташлары катнашында узды. Балалар рациональ туклану, көндәлек режим буенча фильмнар карады. Үзләренең фикерләрен инша һәм рәсемнәр аша да белдерделәр.
Гимназиябезнең "Адымнар" комплексында, башлангыч сыйныфлар укучы корпуста һәм интернатта шәфкать туташлары Раушания Илгизәр кызы Насыриева, Филария Анфас кызы Шәйморатова, Клара Нәҗип кызы Нәбиуллина катнашында “Сәламәтлек дәресләре” узды.

4В сыйныф укучылары проект эшләрен якладылар.
Сыйныф җитәкчесе Дилара Дуглас кызы Хөббетдинова.