“ТНВ” телеканалының “Заман көзгесе” тапшыруы авторы һәм алып баручысы Илзирә ЮЗАЕВА, үзенең командасы белән, бүген - 10 сентябрь көнне гимназиябездә кунакта булып, безнең эшчәнлек, яңалыклар, ирешелгән уңышлар белән танышты.
Татар дөньясының күренекле һәм киңкырлы шәхесе буларак,
Илзирә ханым татар мохитендә тәрбияләнүче укучылар, алар ирешкән уңышларның сере белән кызыксынды.

Татарның гореф-гадәтләрен саклап яшәүче, милли җанлы коллективыбыз, укучылар белән аралашып, көн үткәне сизелмәде дә.

Ярты сүздән бер-беребезне аңлап, бик иҗади һәм нәтиҗәле эшләдек.
Чираттагы тапшыру гимназиябезгә багышланачак!