"Россия бөркете" проекты кысаларында, 2А сыйныфы укучылары "Орленок-Доброволец" трегын тәмамладылар.
Сыйныф җитәкчесе Ания Хәсип кызы Мусина һәм ата-аналар белән берлектә, укучылар гимназиябездә баручы Хәйрия акциясенә кушылдылар. Волонтерлык эшчәнлегенең активлары белән очраштылар.
Проектны дәвам итеп, "Орленок-Спортмен" трегының беренче дәресендә “Сәламәтлек әлифбасы”н өйрәнделәр.

“Без бергә!” хәйрия концерт төркеменең быелгы тәүге концертында гимназиябезнең укытучылары һәм укучылары да катнашты.
Концертта “Ак нур” вокал ансамбленең кечкенәләр төркеме “Совет җырларына тезмә” (җитәкчеләре Әлфинә Фердинас кызы Фәйзуллина), “Хәзинә” бию ансамбленең зурлар төркеме “Мәйдан” татар биюе (җитәкчеләре Миләүшә Робсон кызы Солтанова), укытучыларның "Лебедушки" вокал ансамбле “Я люблю тебя Россия”, гимназиябездә узган “Хорлар бәйгесе”ндә җиңүче 7А сыйныфы укучылары “Служить России”(сыйныф җитәкчесе Энҗе Фирдәвис кызы Шәгъзамова), “Без бергә!” хәйрия концерты җырчысы – гимназиябезнең башлангыч сыйныф укытучысы Гөлназ Дильшат кызы Солтанова “Өр-яңа баштан” җырлары белән катнашты.

Гимназиябезнең 9 сыйныф укучылары бүген – 26 гыйнвар көнне йомгаклау әңгәмәсе тапшыра.
Йомгаклау әңгәмәсе барышында мобиль телефоннан, белешмә материаллардан куллану тыела. Әңгәмә һәр кеше өчен – 15-16 минуттан, мөмкинлеге чикле кешеләр өчен 30 минуттан артмый.
Рус теленнән йомгаклау 4 биремнән тора: фәнни-публицистик текстны кычкырып уку, текстны өстәмә мәгълүмат кулланып сөйләү, тематик монолог, имтихан алучы белән диалог.

Гимназиябездән директорның укыту эшләре буенча урынбасары Рәйхан Флүс кызы Галимҗанова, башлангыч сыйныф укытучылары Лилия Глүс кызы Вәлиева, Миләүшә Рәдис кызы Хаҗиева «Адымнар - Алабуга» полилингваль белем бирү комплексында узучы "Полилингваль белем бирү мохите шартларында укыту һәм тәрбияләүнең инновацион ысуллары" төбәкара семинарында катнаша бүген.

Гимназиябездә, директорыбыз Венера Хәмәтнәсыйх кызы Хәева-Хәмәтҗанова җитәкчелегендә, укудан тыш буш вакытларында - укучылар, укытучылар
махсус хәрби операция зонасында булган хәрбиләр өчен универсаль һәм окоп шәмнәре ясыйлар. Мондый шәмнәр, 15-30 минутка җитәрлек газ баллоныннан аермалы буларак, яңгырда-карда учаклар ягарга мөмкинлек бирә һәм окоп эчендә дүрт-сигез сәгать янып тора. Шәмнәр белән чатырны, кулларны җылытырга, әйберләрне киптерергә һәм кыр шартларында су кайнатырга мөмкин.

“Тату сыйныф серләре” республика бәйгесенең район этабында гимназиябез данын яклаган 6А сыйныфы ата-аналар комитеты 1 урын яулады!
6А сыйныфның әти-әниләре иҗади командага: сценарист-режиссерлар Ленар Наил улы Хөсәенов, Регина Равиль кызы Фәрдиева, Ләйлә Рафак кызы Минһаҗева, Миләүшә Робсон кызы Солтановага; чыгышларны сәхнәгә куюда ярдәм иткән Ирина Альбин кызы Нурыева, Лилия Васик кызы Галләмова, Рәмис Илгиз улы Хәсәнов, Әлфинә Фердинас кызы Фәйзуллина, Рамил Камил улы Гаттаров, Гүзәл Фәрит кызы Хөснетдинова, Ришат Тимершәех улы Сибгатуллин, Луиза Марсель кызы Кәримова, Салават Мөҗәһит улы Котлыяров, Ленар Зөфәк улы Шәвәлиев, Резеда Рифкать кызы Шәеховага, сыйныф җитәкчесе Рузилә Илдар кызы Гариповага, һәр эштә ярдәмче, киңәшче һәм терәк булучы гимназиябез директоры Венера Хәмәтнәсыйх кызы Хәевага ихлас рәхмәтләрен белдерәләр.

"Умырзая" балалар бакчасының мәктәпкә әзерлек төркеме балалары тәрбиячеләре белән берлектә гимназиябездә экскурсиядә булдылар. Балалар үзләренең булачак беренче укытучылары һәм сыйныф бүлмәләре белән таныштылар, хәтта парта артына утырып, үзләрен булачак укучылар итеп тә хис иттеләр.

Гимназиябезнең яшь юл хәрәкәте инспекторларының "Светофор" отряды 2012 елдан эшли. Отряд 89 яшь инспекторны үзенә берләштерә. Үзләре алып барган эшчәнлек белән таныштырып, «Актаныш-информ»ның туры эфирында чыгыш ясады алар бүген.

“Ромашка” балалар бакчасының, мәктәпкә әзерлек төркеме,гимназиябезгә экскурсиягә килде. Киләсе елга әлеге сабыйлар үзләре үк беренче сыйныф укучылары булачак. Гимназия белән якыннан танышып, алар үзләрен кызыксындырган сорауларга жаваплар алды.

КОТЛЫЙБЫЗ!
«Олимпка юл» республика олимпиадасында инглиз теленнән гимназиябезнең 8А сыйныф укучысы Харисова Гүзәл( укытучысы Ганиева Фәйрузә Филарис кызы), 9А сыйныф укучысы Шакирова Лиана( укытучысы Темел Румия Данис кызы), 10А сыйныф укучысы Мөхәммәтдинова Эльвина( укытучысы Ганиева Фәйрузә Филарис кызы), 11 сыйныф укучысы Галиәхмәтов Раян( укытучысы Гыймранова Сания Мөдәрис кызы) призер булдылар!