8 февраль көнне "Бүләк" чаңгы трассасында Бөтенроссия чаңгычылар көне уңаеннан мәктәпкәчә яшьтәге балалар һәм башлангыч класс балалары арасында "Татарстан чаңгы юлы - 2020" күмәк чаңгы ярышлары үткәрелде. Әлеге ярышта мәктәпкә әзерлек, зурлар төркемнәреннән балалар катнашты. Мәктәпкә әзерлек төркеменнән Х. Солтан  III урынга лаек булды. 

   4 февраль көнне балалар бакчасында "Созвездие - Йолдызлык"- 2020  XX ачык республика телевизион яшьләр эстрада сәнгате  фестиваленең муниципаль этабының зона сайлап алу туры үтккәрелде. Балалар бакчасына килгән жюри балалар белән "Хореография", "Вокаль ансамбль", "Вокал-соло", "Инструменталь ансамбль", "Нәфис сүз" номинацияләрендә әзерләнгән номерларны карап, иң-иң яхшыларын гына сайлап алды.

    3 февраль көнне балалар бакчасы коллективы Актаныш муниципаль районы оешма-учреждениеләре арасында үткәрелгән "Гасыр авазы" театр фестиваль-конкурсында катнашты. Конкурска балалар бакчасы коллективы Бөек Җиңүнең 75 еллыгына багышланган "Онытырга мөмкин түгел" әдәби-музыкаль композициясен тәкъдим итте. Композицияне музыка җитәкчесе Бадертдинова И.Р. әзерләде.

      28 январь көнне балалар бакчасында "Созвездие - Йолдызлык"- 2020  XX ачык республика телевизион яшьләр эстрада сәнгате  фестиваленең балалар бакчасында сайлап алу туры үтккәрелде. Балалар "Хореография", "Вокаль ансамбль", "Вокал-соло", "Инструменталь ансамбль", "Нәфис сүз" номинацияләрендә әзерләнгән номерларда чыгыш ясадылар, иң яхшылары киләсе турга сайлап алынды.

   10  январь көнне Актаныш технологик техникумының актлар залында мәгариф өлкәсендә үткәрелгән һөнәри бәйгеләрдә җиңүчеләрне һәм лауреатларны котлау чарасы үткәрелде. Әлеге чарада безнең балалар бакчасының укытучы-логопеды  Набиева Ч.Д. да катнашты. Ул "Ел тәрбиячесе- 2020" бәйгесендә  "Иң яхшы укытучы-логопед" номинациясендә җиңүче булды. Хезмәттәшебезне котлыйбыз һәм уңышлар телибез!

  24 - 26 декабрь көннәрендә  балалар бакчасында Яңа ел бәйрәме иртәләре уткәрелә.

    20 декабрь көнне "Яшьлек" үзәгендә  "Говорим и поем по-английски" район фестивале үткәрелде. Бакчабызда инглиз теленә өйрәтү буенча өстәмә белем бирү уртанчылар, зурлар, мәктәпкә әзерлек төркемнәрендә инглиз теле укытучысы Ахметова Г.И. җитәкчелегендә алып барыла. Район фестивалендә катнашу өчен балалар да шушы төркемнәрдәге балалар арасыннан сайлап алынды. Фестивальдә бакчабызның уртанчылар төркеменнән Зиннурова А.А. "Песня-соло" номинациясендә, зурлар төркеменнән балалар ансамбле "Песня-группа" номинациясендә, мәктәпкә әзерлек төркеменнән Гафурова Г.Д. "Стихотворное произведение" номинациясендә уңышлы чыгыш ясадылар. Нәтиҗәдә зурлар төркеменнән балалар ансамбле - II урынга,  мәктәпкә әзерлек төркеменнән Гафурова Г.Д. - III урынга лаек булдылар. Котлыйбыз һәм алдыгы көннәрдә дә уңышлар телибез!

   11 - 12 декабрь көнне район балалар бакчалары тәрбиячеләре "Ел тәрбиячесе" конкурсының муниципаль этабында көч сынаштылар, үзләренең һөнәри осталыкларын күрсәттеләр. Әлеге конкурста безнең балалар бакчасыннан укытучы-логопед Набиева Чулпан Дилбәр кызы катнашты һәм лаеклы чыгыш ясады.

  28 ноябрь көнне зурлар төркеме балалары (тәрбияче Ганиева Э.И., музыка җитәкчесе Бадертдинова И.Р. җитәкчелегендә) әниләрен "Әбиемнең сандыгы" кичәсенә чакырдылар. Халкыбызның җырлары, биюләре, җырлы уеннары белән үрелеп барган кичәдә балалар һәм аларның әниләре халкыбызның милли киемнәре, кул эшләре белән таныштылар, рәхәтләнеп күнел ачтылар.