23 март көнне мәктәпкә әзерлек төркеме балалары Актаныш 1нче санлы мәктәбендә экскурсиядә булдылар, мәктәп белән таныштылар.

    18 март көнне уртанчылар төркемендә "Туган телдә иң матур шигырь сөйләүче" бәйгесе үткәрелде. Бәйге балаларда шагыйрьләр иҗатына кызыксыну уяту, туган җиргә, туган телгә мәхәббәт тәрбияләү максатыннан оештырылды. Балалар Г.Тукай, М.Җәлил кебек бөек шагыйрьләребез шигырьләре белән беррәттән, якташ шагыйрьләребез Л.Шәех, Э.Шарифуллина иҗат иткән берсеннән-берсе эчтәлекле, кызыклы шигырьләр сөйләделәр.

     Туган тел һәркем өчен кадерле булган бөек хәзинә. Рәхәтләнеп үз туган телендә сөйләшү - үзе зур бәхет.

  11 март көнне бакчабызның иң матур шигырь сөйләүче балалары район мәгариф идәрәсе белән берлектә район үзәк китапханәсе оештырган "Шушуы яктан, шушы туфрактан без" шигырь конкурсында катнаштылар. Балалар үзебезнең районнан чыккан шагыйрьләрнең балалар өчен язган шигырьләрен укыдылар.

   21 февраль Халыкара туган тел көне билгеләп үтелә. Бүген дөнья халыклары 6 мең телдә сөйләшә, ләкин һәркем өчен дөньядагы иң кәдерлесе - беренче сөйләшә башлаган ана теле.  Мәктәпкә әзерлек төркеме балалары да тәрбияче Ганиева Э.И. җитәкчелегендә бүген Туган тел көнен бәйрәм иттеләр.

   25 февраль көнне балалар бакчасы базасында "Туган телгә һәм рус теленә өйрәтү эшчәнлекләрендә балаларны матур әдәбият белән таныштыру" темасына район балалар бакчалары тәрбиячеләренең методик берләшмәсе утырышы үткәрелде. Бакчабызның тәрбиячеләре Ибнеева Р.Р., Мансурова Э.И., Ардуанова Г.Т., Ганиева Э.И., Габдрахманова Э.Р., Садыкова Р.Р. утырышта катнашучыларга ачык чаралар, мастер-классалар күрсәттеләр, үзләренең эш тәҗрибәләре белән уртаклаштылар. 

  16  февраль көнне Сарман  авылының "Ләйсән" балалар бакчасында үткәрелгән "Ел тәрбиячесе - 2021" республика конкурсының  зона этабында бакчабызның музыка җитәкчесе Бадертдинова Ирина Ригел кызы катнаштып, үзенең һөнәри осталыгын күрсәтте, эш тәҗрибәсе белән уртаклашты.

  12 февраль көнне район мәдәният йортында  "Созвездие - Йолдызлык"- 2021  XXI ачык республика телевизион яшьләр эстрада сәнгате  фестиваленең муниципаль этабының  гала-концерты үткәрелде.  Балалар чыгышлары төрле номинацияләрдә призлы урыннарга лаек булдылар : "Хореография - эстрада биюе" - 1 урынга, "Вокаль ансамбль" - 3 урынга,, "Вокал-соло" номинациясендә  Мокимова Р. - 2 урынга, Шакирова А. - 3 урынга, "Инструменталь ансамбль" - 3 урын. Ә балалар бакчасы  2 урынга лаек булды. 

   12 февраль көнне бакчабыз балалары Ә.Авзалова исемендәге район мәдәният йортында үткәрелгән "Созвездие - Йолдызлык" - 2021  республика яшьләр эстрада сәнгатенең XXI республика фестиваленең район этабының гала - концертында  катнаштылар.  Әлеге конкурста балаларның чыгышлары "Хореография -  эстрада биюләре" номинациясендә I дәрәҗәдәге лауреат, "Хореография - халык биюләре" номинациясендә II дәрәҗәдәге лауреат,  "Вокаль ансамбль" номинациясендә III дәрәҗәдәге лауреат, "Инструменталь ансамбль" номинациясендә III дәрәҗәдәге лауреат  дипломнарына,  Мокимова Р. "Вокал-cоло" номинациясендә III дәрәҗәдәге лауреат,  Бадертдинова И., Сапаева М. "Вокал-cоло" номинациясендә III дәрәҗәдәге лауреатлар, "Вокал - дуэт, трио, квартет" номинациясендә III дәрәҗәдәге лауреат дипломнарына лаек булдылар. Ә балалар бакчасы II  урынга лаек булды. Котлыйбыз!

   12 февраль көнне "Бүләк" чаңгы трассасында Бөтенроссия чаңгычылар көне уңаеннан мәктәпкәчә яшьтәге балалар һәм башлангыч класс балалары арасында "Татарстан чаңгы юлы - 2021" күмәк чаңгы ярышлары үткәрелде. Әлеге ярышта мәктәпкә әзерлек, зурлар төркемнәреннән балалар катнашты. Мәктәпкә әзерлек төркеменнән  Аминова К. һәм Газетдинов Д. II урынга лаек булдылар.