Бакчакүләм "Табигатьне саклыйк!" экологик темага рәсем күргәзмәсе үтте.

Республикакүләм "Ел тәрбиячесе 2022" бәйгесенең муниципаль этабында бакчабыз данын яклап 1 квалификацион категорияле тәрбияче Садыкова Рәйлә Ренат кызы катнашты. Унышлар телибез!

Бүген бакчабыз коллективы "Сыйлы мәйдан-2021" бәйгесендә катнашты. Бәйге машина бизәү, сәхнәдә яңа ел котлавы, спорт уеннары белән үрелеп барды. Бердәм тырышлыгыбыз бушка үтмәде, белем бирү оешмалары арасында 3 урынга лаек булдык! Афәрин, кызлар!

Сегодня наш дружный коллектив участвовал на районном конкурсе "Сыйлы мәйдан-2021" и занял 3 место среди команд общеобразовательных организации района. Молодцы!

Районкүләм кул эшләнмәләре бәйгесендә бакчабыз коллективы һәм балалары зур уңышка ирештеләр! 

Иҗади төркем эшләгән кул эшләнмәсе - 1 урын;

Мусин Самирның әнисе белән эшләгән "Кыш бабай" кул эшләнмәсе - 1 урын;

Зиаевлар гаиләсенең "Кар кызы" - 2 урын.

Афәрин!

Бүген бакчабызда "Татар кызы, Татар малае 2021" иҗади бәйгесе үтте. Нәниләребез - сәламләү, иҗади бәйге, "Һөнәрле үлмәс, һөнәрсез көн күрмәс" кебек ярышларда уз көчләрен сынадылар. Бәйге матур, эчтәлекле шигырьләр, җыр-биюләр белән үрелеп барды. Балаларга дипломнар һәм истәлекле бүләкләр таратылды. 

Җимлек ясап бирде миңа

Әти белән бабай,

Шунда хәзер кошлар өчен

Җимнәр сибәм мин.

Килегез,кил,кошкайлар,

Сез бит безнең дускайлар,

Бакчабызга куныгыз

Көн дә кунак булыгыз.

Кыш көне көннәр салкын,кояш бик еракта яктыра,җирне аз җылыта. Еш кына буран була,салкын җил исә.Кошларга салкын кыш көне ашарга табуы читен,шуңа күрә без кошларга ярдәм итәргә ашыгабыз.

Зурлар төркеме балалары ата-аналар белән берлектә тәрбияче Арсланова Г.М. җитәкчелегендә җимлек ясап кына калмадылар, алар һәр көн кошларга азык та салып торалар. Саф һавага чыккач та, алар кошларның ничек ашаганнарын күзәтеп торалар һәм һәрвакыт шундый кагыйдә кабатлыйлар: әгәр кошларны күзәтәсең килсә, үзеңне тыныч тот, кычкырып сөйләшмә, якын килмә.

Бакчакүләм уздырылган "Юлда йөрсәң бул өлгер - юл кагыйдәсен бел!" атналыгы кысаларында бакчабызда төркемнәр арасында "Юл билгесе балалар күзлегеннән" күргәзмәсе һәм тематик стенгазета күргәзмәсе оештырылды.

22-26 ноябрь бакчакүләм "Юлда йөрсәң бул өлгер - юл кагыйдәсен бел!" атналыгы булып узды. Аның кысаларында бакчабызда "Юл хәрәкәте иминлеге" Актаныш районы профилактика җитәкчесе Фазлыева Лена Музаят кызы белән очрашу булды. 1нче кечкенәләр төркемендә тәрбияче Габдрахманова Э.Р. ачык шөгыль күрсәтте, ә зурлар төркемендә тәрбияче Арсланова Г.М. белән музыка җитәкчесе Бадертдинова И.Р. күңел ачу тәкъдим иттеләр. балаларга матур уеннар, юл йөрү кагыйдәләре турында кызыклы китаплар таратылды. Фазлыева Лена Музаят кызына зур рәхмәтебезне җиткерәбез!

Бүген бакчабызда гомуми ата-аналар җыелышы узды. Анда һәр төркемнән ата-аналар комитеты составы катнашты. Бакчабыз мөдире Аглямова М.В. һәм өлкән шәфкать туташы Султанова Г.Ш. белән берлектә мөһим сораулар каралды.

Хезмәт тәрбиясе - үсеп килүче буынны тәрбияләүнең иң мөһим якларының берсе. Безнең балалар бакчасында хезмәт тәрбиясе бирү буенча даими эш алып барыла. Хезмәт тәрбиясе  балаларның өлкәннәр хезмәте турындагы күзаллауларын киңәйтә, кешенең хезмәт нәтиҗәләренә сакчыл мөнәсәбәттә булырга, балаларны башлаган эшне азагына кадәр җиткерергә өйрәтә.  Хезмәт эшчәнлеге аркасында балаларның гомуми үсеш дәрәҗәләре арта, төрле яклап кызыксынучанлыклары  киңәя.  Балалар  белән бергәләшеп эшләү, кирәк вакытта киңәш белән ярдәм итү, балаларның кечкенә генә уңышларына да сөенү, мактау  - бала шәхесендә иң яхшы сыйфатларны тәрбияләргә ярдәм итә.