3 февраль көнне  Ә.Авзалова исемендәге район мәдәният йортында мәгариф өлкәсендә үткәрелгән һөнәри бәйгеләрнең муници-паль этапларында җиңүчеләрне һәм лауреатларны котлау чарасы үткәрелде. Әлеге чарада безнең балалар бакчасының  музыка җитәкчесе  Бадертдинова И.Р. да катнашты. Ул "Ел тәрбиячесе- 2021" бәйгесендә II урынга лаек булды. Хезмәттәшебезне котлыйбыз һәм уңышлар телибез!

   29 январь көнне балалар бакчасында "Созвездие - Йолдызлык"- 2021  XXI ачык республика телевизион яшьләр эстрада сәнгате  фестиваленең муниципаль этабының зона сайлап алу туры үткәрелде. Балалар бакчасына килгән жюри  "Хореография", "Вокаль ансамбль", "Вокал-соло", "Инструменталь ансамбль", "Нәфис сүз" номинацияләрендә балалар белән әзерләнгән номерларны карап, иң-иң яхшыларын гына сайлап алды.

  30 декабрь көнне бакчабыз хезмәткәрләре Актанышта үткәрелгән Яңа ел ярминкәсендә катнаштылар. Ярминкәгә милли ризыгыбыз - төрледән - төрле бәлешләр әзрләнгән иде.

   30 декабрь көнне Актанышыбызда районыбыз оешмалары һәм белем бирү учреждениеләре әкият геройларының Яңа ел парады һәм Кышкы Сабантуе үткәрелде. Әлеге чараларда бакчабыз хезмәткәрләре дә катнаштылар, кышкы Сабантуй ярышларында көчләрен сынадылар. Яңа ел парадында Кыш бабай, Кар кызы һәм әкият геройларыбыз 1 урынга лаек булдылар. 

  24-29  декабрьдә бакчабызда Яңа ел бәйрәме иртәләре үткәрелә.

  17 декабрь көнне балалар бакчасы базасында "Ел тәрбиячесе - 2021" республика конкурсының муниципаль этабы үткәрелде.  Конкурста районыбыз тәрбиячеләре көч сынаштылар, үзләренең һөнәри осталыкларын күрсәттеләр.

   16 декабрь көнне Актаныш 2нче санлы "Ромашка" балалар бакчасында "Ел тәрбиячесе - 2021" республика конкурсының муниципаль этабы үткәрелде. Анда бакчабызның музыка җитәкчесе Бадертдинова Ирина Ригел кызы катнаштып, үзенең һөнәри осталыгын күрсәтте, эш тәҗрибәсе белән уртаклашты.

 15 ноябрь - Бөтендөнья юл - транспорт хәләкәтләре корбаннарын искә алу көне. Зурлар төркеме балалары да бу көнгә карата "Не гоните водители - вы ведь тоже родители" акциясендә катнаштылар.  

   26-30 октябрь көннәрендә төркемнәрдә  Көз бәйрәме иртәләре үткәрелде. Бәйрәмнәрдә балалар көз вакытының матурлыгы, көзге байлык, мул уңышлар турында шигырьләр сөйләделәр, җырлар җырладылар, уеннар уйнадылар, табышмакларга  җаваплар таптылар.

  Балалар бакчасында һәр төркемдә "Кәзге  бизәкләр" темасына күргәзмәләр оештырылды.  Элеге күргәзмәләрдә балаларның әти-әниләре белән берлектә табигый материаллардан эшләнгән эшләре куелган.