28 февраль көнне бакчабыз балалары район мәдәният йортында үткәрелгән "Созвездие - Йолдызлык" - 2020  республика яшьләр эстрада сәнгатенең XX республика фестиваленең район этабының гала - концертында  катнаштылар.  Әлеге конкурста балаларның чыгышлары "Хореография -  эстрада биюләре" номинациясендә II дәрәҗәдәге лауреат, "Хореография - халык биюләре" номинациясендә III дәрәҗәдәге лауреат,  "Хореография - хәрби бию" номинациясендә III дәрәҗәдәге лауреат дипломнарына, Закирова А.И. "Хореография-cоло" номинациясендә III дәрәҗәдәге лауреат,  "Вокаль ансамбль" номинациясендә III дәрәҗәдәге лауреат, "Инструменталь ансамбль" номинацияләрендә III дәрәҗәдәге лауреат дипломнарына лаек булдылар. Котлыйбыз!

   20, 21 февраль көнне балалар бакчасында Ватанны саклаучылар көненә карата бәйрәм иртәләре үткәрелде.

  23 февраль - Ватанны саклаучылар көне уңаеннан балалар бакчасының зурлар төркемендә "Хәрби техника" күргәзмәсе оештырылды. Әлеге күргәзмәгә куелган хәрби техника уенчыклары оста куллы әтиләрнең эше нәтиҗәсе.

    8 февраль көнне "Бүләк" чаңгы трассасында Бөтенроссия чаңгычылар көне уңаеннан мәктәпкәчә яшьтәге балалар һәм башлангыч класс балалары арасында "Татарстан чаңгы юлы - 2020" күмәк чаңгы ярышлары үткәрелде. Әлеге ярышта мәктәпкә әзерлек, зурлар төркемнәреннән балалар катнашты. Мәктәпкә әзерлек төркеменнән Х. Солтан  III урынга лаек булды. 

   4 февраль көнне балалар бакчасында "Созвездие - Йолдызлык"- 2020  XX ачык республика телевизион яшьләр эстрада сәнгате  фестиваленең муниципаль этабының зона сайлап алу туры үтккәрелде. Балалар бакчасына килгән жюри балалар белән "Хореография", "Вокаль ансамбль", "Вокал-соло", "Инструменталь ансамбль", "Нәфис сүз" номинацияләрендә әзерләнгән номерларны карап, иң-иң яхшыларын гына сайлап алды.

    3 февраль көнне балалар бакчасы коллективы Актаныш муниципаль районы оешма-учреждениеләре арасында үткәрелгән "Гасыр авазы" театр фестиваль-конкурсында катнашты. Конкурска балалар бакчасы коллективы Бөек Җиңүнең 75 еллыгына багышланган "Онытырга мөмкин түгел" әдәби-музыкаль композициясен тәкъдим итте. Композицияне музыка җитәкчесе Бадертдинова И.Р. әзерләде.

      28 январь көнне балалар бакчасында "Созвездие - Йолдызлык"- 2020  XX ачык республика телевизион яшьләр эстрада сәнгате  фестиваленең балалар бакчасында сайлап алу туры үтккәрелде. Балалар "Хореография", "Вокаль ансамбль", "Вокал-соло", "Инструменталь ансамбль", "Нәфис сүз" номинацияләрендә әзерләнгән номерларда чыгыш ясадылар, иң яхшылары киләсе турга сайлап алынды.

   10  январь көнне Актаныш технологик техникумының актлар залында мәгариф өлкәсендә үткәрелгән һөнәри бәйгеләрдә җиңүчеләрне һәм лауреатларны котлау чарасы үткәрелде. Әлеге чарада безнең балалар бакчасының укытучы-логопеды  Набиева Ч.Д. да катнашты. Ул "Ел тәрбиячесе- 2020" бәйгесендә  "Иң яхшы укытучы-логопед" номинациясендә җиңүче булды. Хезмәттәшебезне котлыйбыз һәм уңышлар телибез!

  24 - 26 декабрь көннәрендә  балалар бакчасында Яңа ел бәйрәме иртәләре уткәрелә.