Җәй айлары бу елда барыбызны да үзенең эссе көннәре белән сөендерә. Безнең балалар бакчасында "Нептуп көне" ел да үткәрелә һәм бу бәйрәм балаларның күңелләренә бик хуш килде: күңелле, дәртле, ә иң кызыгы - су сибешү. Балалар исә, Диңгез алласы килгән якты тамашада катнаштылар. Бәйрәм ахырында Нептун барысына да сәламәтлек, яхшы һәм күңелле тормыш теләде һәм киләсе елга килергә вәгъдә бирде. Бәйрәм барысына да ошады, беркем дә коры килеш калмады!

Бүген бакчабызда автомобильләр һәм коляскалар парады узды!

Тизрәк үсеп шофер булсам,

Нишләргә белер идем.

Урамдагы бар баланы

Утыртып йөрер идем! 

Актанышлыларның 22 меңгә якыны Бөек Ватан сугышы ветераннары, тыл ветераннары. Аларның исемнәре белән чиксез горурлана Актаныш халкы. Якташларыбызның батырлыгы алдында баш ияр өчен яше-карты һәрдаим "Геройлар аллеясы"на килә. Безнең бакча нәниләре дә бүген Җиңү паркына экскурсиягә барып кайттылар!

Бүген бакчабызда "Төсле акбурлар" көне булды! Нәни рәссамнарның иҗатын асфальтта күрергә була иде.

Куанабыз матур-матур

Рәсем карасак.

Матур рәсемнәрдән матур

Безнең балачак!

Бүген безнең бакчабыз нәниләре ЮХИДИ хезмәткәрләрендә кунакта булдылар! Балалар ЮХИДИ хезмәткәрләрен һөнәри бәйрәмнәре белән котладылар, ә ЮХИДИ хезмәткәрләре балалар белән тематик әңгәмә үткәреп белем-күнекмәләрен ныгыттылар.

   22 апрель - бөтен дөньяда Җир көне билгеләп үтелә. Бу чиста Җир, чиста һава һәм су бәйрәме. Бакчабызның мәктәпкә әзерлек төркеме балалары да (тәрбияче Ганиева Э.И.җитәкчелегендә) бу бәйрәмне билгеләп үттеләр. Табигатьне, сулыкларны, хайваннарны яклау, аларга сакчыл караш турында сүз барды элеге бәйрәмдэ. Бәйрәм матур җырлар, биюләр, уеннар белән үрелеп барды.

  Балаларыбызны кечкенәдән һәрбер җан иясенә карата шәфкатьле, мәрхәмәтле булырга, Җиребезне, табигатьне яратырга, сакларга өйрәтик!

   20 апрель көнне бакчабыз балалары  районда үткәрелгән "Говорим и поем на английском" конкурсында канаштылар. Мәктәпкә әзерлек төркеме балалары - "Төркемдә җыр", Мокимова Р. - "Җыр-соло", Гимадиева Я. -"Нәфис сүз" номинацияләрендә уңышлы чыгыш ясадылар.

  12 апрель - Космонавтика көне, кешелек тарихының истәлекле датасы. Бу көнне кешенең галәмгә беренче очуы ясалды. Космонавтика көне уңаеннан бакчабызның мәктәпкә әзерлек төркемендә, тәрбияче Ганиева Э.И. җитәкчелегендә, "Галәмгә сәяхәт" викторинасы үткәрелде. Балаларның галәм киңлекләре турындагы күзаллауларын киңәйтү, логик фикерләүләрен, хәтерләрен үстерү максатыннан оештырылган чара бик күңелле узды. Балаларның әти-әниләре белән берлектә әлеге темага карата эшләнгән макет, коллаж, рәсемнәреннән эшләнгән күргәзмә үзенең төрлелеге белән җәлеп итте.

   1906 елның 1 апреленнән башлап дөнья күләмендә Халыкара кошлар көне үткәрелә. Шул уңайдан балалар бакчабызның уртанчылар төркемендә "Хуш киләсез, кошкайлар!" темасына чара үткәрелде. Бәйрәм кошлар турында матур шигырьләр, җырлар, кызыклы уеннар белән үрелеп барды. Яз җитү белән кошлар туган якларга әйләнеп кайталар. Күктә, агач башларында янәдән тормыш башлана. Кошларга ярдәм итик, аларны саклыйк, оялар ясыйк! Хуш киләсез, кошкайалар!

    Бүгенге көнгә кадәр балалар бакчасында үстерешле предметлы-пространство тирәлеген ФДББ стандарты һәм СанПиН таләпләренә туры китереп, яңартып җиһазлау төп проблемаларның берсе булып тора иде. Бу юнәлештә  спонсорлык ярдәме сорап язган хатыбызга ООО "ГранаТ-Стан Трейд" оешмасы уңай җавап кайтарды. Шушы көннәрдә әлеге оешма ярдәме белән балалар бакчасына яңа җиһазлар кайтартыла башлады, һәр төркемгә интерактив такталар инде куелды.  Хәзер балаларыбыз интерактив такта аша "Шаян ТВ" балалар каналы тапшыруларын карый алалар. Туган телебездә мультфильмнар, кызыклы тапшырулар карау бик күңелле.