Кәзкәй балалар бакчасында "Азкомплектлы балалар бакчасында рус теле һәм сөйләм үсеше" дигән темага район куст тәрбиячеләренең методик берләшмәсе булып үтте.Тәрбияче Гомәрова Зөлфия А. 2 нче кечкенәләр төркемендә "Кем нәрсә ярата", зурлар төркемендә "Игрушки" занятиелары, мастер класс күрсәтте.

18 нче октябрьдә зурлар төркемендә ата-аналар жыелышы булып үтте. Анда ата-аналарны белем бирү программасы белән таныштырылды. Ата- аналар үз чиратында үз фикерләрен әйттеләр, тәрбияче үзенең докладын "без өйрәткәннәр өйдә дә дәвам ителсә, балалар һичшиксез тәртипле, акыллы, белемле балалар булып мәктәпкә китәрләр. Без шушы юнәлештә эшләүне дәвам итербез, сез дә безне, безнең "жинел " эшебезне ихтирам итегез, безгә карата яхшы фикердә калыгыз" дип төгәлләде. Ата- аналар, тәрбиячеләре: Мингазова Г.А., Ибрагимова А.Р.дан бик канәгать булуларын житкерделәр.

Бакча – бала өчен әти-әни эштә чакта калып тору урыны гына түгел. Биредә ул яңа кешеләр белән танышырга, яшьтәшләре белән аралашырга өйрәнә, билгеле бер норма һәм кагыйдәләрне үзләш­терә, җәмгыятьтә яшәргә яраклаша.

Нәниләр балалар бакчасына  йөри башлагач нигә еш авырый соң дигән сорауны һәрбер әти-әни үз-үзенә бирәдер мөгаен. Сабыйлар балалар бакчасына килгәч аны авыр кичерә. Чөнки монда алар ияләшкән мохит, ашау үзгәрә һәм башка кешеләр барлыкка килә. Яңалыкка ияләшкән вакытта баланың иммун системасы какшый һәм ул авырып китәргә мөмкин. Шуны да искәртеп узарга кирәк, баланың иммун системасы 3 яшькә генә ныгып җитә. Адаптация чоры берничә төркемгә бүленә:
1 стадия – бала балалар бакчасына тиз ияләшә, җиңелчә генә авырып алырга мөмкин;
2 стадия – баланың ияләшү вакыты 20-40 көнгә кадәр сузылырга мөмкин, сабый ешрак авырый (ОРВИ, бронхит, ангина), осложнениеләр булырга мөмкин;
3 стадия – авыр адаптация, 40-60 көнгә кадәр сузылырга мөмкин. Бала еш авырый (пневмония, бронхит), начар йоклый, ашамый, авырлыгын югалта.

 Көннәр матур тору сәбәпле, форсаттан файдаланып 2 нче кечкенәләр төркеме белән экскурсияләргрә еш йөрибез. Якындагы паркта һәм урманда бик теләп күңел ачабыз.

Бу юлы Бүләк урманында гөмбәләр күзәттек. Балаларга өлкәннәрдән башка гөмбәгә тияргә ярамаганлыгын аңлаттык. 

1 нче октябрь - Өлкәннәр көне. Бу бәйрэмне без иң кадерлеләребез хөрмәтле ак яулыклы апа-әбиләр, түбәтәйле акксакалларыбыз хөрмәтенә оештырдык. Безнен максатыбыз:

Өлкәннәргә игътибар, ихтирам тәрбияләү.  Халкыбызның гореф -гадәтләрен, йолаларын яңарту, югары әхлак сыйфатлары тәрбияләүдә куллану. Гаиләдә әбиләр тәрбиясенең әһәмиятен ачу. Олыларга булышу-шатлык икәненә инандыру.

Яшәгез сез мәңге яшь булып,

Туган йортыгызда ямь булып.

Сез булсагыз таза-сәламәт,

Оныкларга булыр бик рәхәт!

 Оныкларга терәк булып,

 Яшәгез сез шатлыкта.

Сәламәтлек, ак бәхетләр

Юлдаш булсын картлыкта.

Бәйрәм белән сезне апалар! (КОТЛЫЙЛАР КЕЧКЕНӘЛӘР ТӨРКЕМЕ)

Сезне чын күңелебездән һөнәри бәйрәмегез - Тәрбиячеләр көне белән котлыйбыз! Тәрбияче хезмәте – авыр һәм фидакарь хезмәт. Ул даими рәвештә һөнәри яктан камилләшү, көч-энергия һәм бик зур сабырлык сорый. Һөнәри бурычыгызга тугъры калуыгыз һәм балаларга күрсәткән игътибарыгыз өчен рәхмәт. Көчегез төкәнмәвен, эшләү дәрте сүрелмәвен, балалар белән үзара аңлашу һәм һөнәрегезгә тугрылык телибез. Һәрвакытта һәм һәркайда уңышлар юлдаш булсын!

Без телибез сезгә олы бәхет,

Озын гомер, бетмәс шатлыклар.

Барыр юлларыгыз озын булсын,

Ашыкмасын килер картлыклар.

Йөрәкләрдән чыккан назлы сүзләр

Күңелләрдә булган саф хисләр,

Озын гомер, якты тыныч тормыш –

Безнең сезгә әйтер теләкләр

26 нчы сентябрь көнне садик күләмендә Бүләк урманы янында көзге марафон үткәрдек. Балалар үзләренең җитезлекләрен сынадылар, йөгерү ярышыннан соң төрле хәрәкәтле уеннар уйнадык. Балаларга бик күңелле булды!

Балаларны предметларның зурлыгын, төсен билгеләргә өйрәтү, төсне (кызыл, яшел, сары, зәңгәр), зурлыкны (зур — кечкенә) белдерә торган сүзләр ярдәмендә сүз байлыгын арттыру, аваз ияртемнәрен ачык әйтүдә күнектерү

 Игътибарны, кабул итүне, сенсор тою сәләтен үстерү;

 Түземлелек, дидактик уеннар белән кызыксыну тәрбияләү

 Кросс нации-2016.  25 сентября - Всероссийский день бега