Балаларны дару үләннәрен танырга  һәм исемнәрен дөрес әйтергә өйрәнү  эшен дәвам итү. Берничә агулы үлән турында төшенчә бирү. Балаларның дару үләннәрен куллану һәм дөрес җыю турындагы белемнәрен тулыландыру. Үзеңнең сәламәтлегеңә сак караш тәрбияләү максатыннан экскурсия оештырылды.

Балаларда шат кәеф,дуслык,әдәплелек хисләре тәрбияләү максатыннан Мингазова Гөләндәм, Гибадуллина Рәзилә балаларны "Уенчыклар дөньясы" кибетенә кунакка алып бардылар. Анда аларны Рима һәм Чулпан апалары бик җылы каршы алдылар, уенчыкларга сак караш хисләре тәрбияләү максатыннан бик эчтәлекле итеп сөйләделәр. Безне тагын кунакка чакырып калдылар. Безгә бик күңелле булды.

Витаминнарның һәм минераль матдәләрнең төп чыганаклары булган – яшелчә, җиләк-җимешләрнең күптөрлелеге белән таныштыру. Яшәү өчен кирәкле матдәләр – витаминнарның җитмәве аркасында төрле авырулар килеп чыгуы турында дөрес караш формалаштыру. Яшелчә һәм җиләк-җимешләрнең иң кирәкле компонентлар буларак, көндәлек туклану рационында булдыру хакында әңгәмә оештырдык.

Бала организмы – бик тә төгәл көйләнгән система, анда берни дә артык түгел, шуңа күрә аңа дөрес тәэсир итә белү бик мөһим. Үз вакытында үткәрелгән һәр чыныктыру чарасы балаларга сизелерлек тәэсир итә. Мондый балаларның чыдамлылык күрсәткечләре югарырак була, алар яхшырак йөгерәләр, сикерәләр, авыруларга бирешмиләр. Төймәләр өстеннән яланаяк йөрү баланың аягына уңай тәэсир итә.Ул нерв нокталарына көчле тәэсир итә, яссы табанлыкны, аяктагы арыганлыкны киметә

Балаларны хезмәт тәрбиясенә өйрәтү максатыннан бакчада яшелчәләр үстерәбез. Табигатькә мәхәббәт һәм сакчыл караш тәрбиялибез. Яшелчәләрне  танырга өйрәтәбез.

Балдай татлы балачак

Балдан татлы бала чагым,

Күпме хисләрем синдә.

Күпме иркәләү, сөелү,

Күпме җылы кул иңдә.

Балдай татлы балачакта

Җир җиләкләре тәме.

Тәмле балачак күгендә

Киләчәк көннәр гаме!

                              Эльмира Шәрифуллина.

Балачак.....

 Беркайчан да кабатланмас балачак иле – кеше гомерендәге серле, мавыктыргыч, самими вакыт. Бала чагыбызның һәрбер минутын тәрбиячебез Гөлшат Риф кызы белән кадерләп үткәрәбез!

Җәй – матур мизгелләрнең берсе, рәхәтләнеп саф һавада йөрисең, уйныйсың,кызынасың, туйганчы җиләк-җимеш ашыйсың. Ләкин шул матурлыкны, байлыкны безгә сакларга кирәк. Табигатҗне саклау- безнең изге бурычыбыз.

Актанышта бу көннәрдә дөньякүләм зур чара үткәрелә. “Ак калфак” бөтендөнья татар иҗтимагый оешмасының чираттагы күчмә утырышы безнең районга төрле төбәкләрдә яшәүче милләттәшләребезне бергә җыйды. Авылларыбызның кунакчыл халкы 150 кешелек делегацияне якты йөз белән каршы алып, аларга үзләренең осталыкларын күрсәтә, милли-мәдәни чаралар оештыра.Бу чарада без дә балалар белән катнаштык, үзебезнең һөнәрләребезне күсәттек