21 февраль , шимбә көн, Ачасыр мәктәбе базасында татар-башкорт көрәше буенча турнир уза. Әлеге спорт бәйрәмендә 1997-1998 һәм 2000-2002 нче елларда туган үсмер егетләр катнаша ала. Рәхим итегез!

  Чыгарылыш сыйныф укучылары  сынау имтиханнарын тапшыруны дәвам итәләр. Бу атнада исә алар рус теленнән көчләрен сынадылар. Үз белемнәренә таянып, видеокамера астында башкарды алар бу эшне. Тикшергәннән соң нәтиҗәләр укучыларның белемнәре ни дәрәҗәдә булуларын күрсәтер инде!

   Мәктәпкүләмендә узган гомуми линейкада бүген тәбрикләүләр күп булды. Узган атнада укучылар шактый гына бәйге-ярышларда катнашып призлы урыннар алдылар. Строевой смотрда - 1 урын,  Урысбагада узган милли көрәш ярышында 8 класс укучысы Гафиятуллин Радис - 1 урын, "Иҗади гаилә" бәйгесендә - 2 һәм 3 урыннар. Мәктәп директоры аларны котлап грамота һәм дипломнар тапшырды. Афәрин, дуслар!

  Бүген Яшел Үзәннең Балалар иҗат үзәгендә "Иҗади гаилә" бәйгесе узды. Анда безнең мәктәп даннын 5 класстан Габидуллиналар гаиләсе, 6 класстан Абзалиннар гаиләсе яклады.  Катнашучылар саны шактый күп булуга карамастан безнекеләр сынатмады. "Вокал" номинациясендә Габидуллиналар 2 урынга, "Инструменталь жанр" номинациясендә Абзалиннар гаиләсе 3 дәрәҗәдәге дипломга лаек булдылар. Афәрин!

"Иҗади гаилә" бәйгесендә 2 дәрәҗәдәге дипломга лаек булган 5 класстан Габидуллина Гөлүсәне һәм әнисе Гөлсинәне котлыйбыз!

  Тиздән Дәүләт йомгаклау аттестациясен тапшыру көннәре дә килеп җитәчәк. Шушы уңайдан, мәктәбебездә 11 һәм 9 класс укучыларның ни дәрәҗәдә әзерлекләрен тикшерү максатыннан, мәктәп директорының махсус боерыгы нигезендә,  математика, рус теле, татар теле фәннәреннән БДИ һәм ТДИ форматында тестлаштыру башланып китте. Тестлаштыру ДЙА шартларына мөмкин кадәр якын китереп, камералар белән үткәрелә. Бүген 11 класслар математикадан профиль баскычындагы биремнәрне эшләделәр. Иртәгә 9 класс укучылары математикадан шундый ук форматта тестлаштыру узачаклар. Соңыннан барлык нәтиҗәләр дә тикшерелеп, анлизланачак һәм әзерлек вакытнда нәрсәләргә иътибар итәргә кирәклеге ачыкланып, шул юнәлештә эш юнәлешләре билгеләнәчәк. Укучыларга уңышлар телибез!

Бөек Җиңүнең 70 еллыгына карата мәктәптә күп төрле чаралар үткәрелә башлады: классларда очрашулар, класс сәгатьләре, стендлар яңарту. Менә бүген дә  класс сәгатьләре вакытында, шушы дата уңаеннан, төрле темаларга сөйләшүләр үткәрделәр. 6-9 класс укучылары сугыш темасына  презентацияләр ясап килгән иделәр. Аларны классташларына тәкъдим иттеләр.

Атна дәвамында рус теле һәм әдәбияты укытучылары укучылар өчен файдалы, кызыклы булган бик күп төрле чаралар үткәрделәр. Укучылар атналык дәвамында үзләрен төрле яктан сынап карадылар, кыскасы мәктәп гөрләп торды. Һәр эшләгән эшнең нәтиҗәсе булган кебек, шушы чараларда актив катнашып җиңү яулаган яки катнашкан укучыларга рус теле һәм әдәбияты укытучылары тарафыннан грамоталар, рәхмәт хатлары һәм истәлекле бүләкләр тапшырылды. Барлык укучылар да канәгать калдылар. Шушы атналыкны тиешле югарылыкта үткәргән Гафиятуллина А.А. җитәкчелегендәге укытучыларга олы рәхмәтебезне белдерәбез. Калган атналыклар да шушындый югары дәрәҗәдә үтәр дигән ышанычта калабыз. Мәктәп администрациясе сезгә үзенең рәхмәтен белдерә.

  Февраль ае мәктәбебездә хәрби-патриотик айлык булып тора. Шушы уңайдан, мәктәптә көн саен диярлек, төрле чаралар, спорт ярышлары үткәрелә. Бүген менә мәктәп беренчелегенә волейбол ярышы булып узды. 8-11 класс укучыларының барысы да ике командага бүленеп үзара көч сынаштылар. Бер команданың да сынатасы килмәде. Алда булачак ярышларда да укучыларыбыз сынатмаслар дигән ышанычта калабыз.

  С 26 -  го января по 1 - ое февраля в нашей школе проводилась Неделя русского языка и литературы. Название недели "Мы любим русский язык и литературу". Учителя-словесники провели внеклассные занятия совместно с детьми, любящими литературу и язык.

   В ходе недели учащиеся выразительно читали стихотворения известных русских поэтов, подготовили творческие работы к литературным произведениям, инсценировали сказки, защищали свои научно-исследовательские проекты по разным направлениям, готовили стенгазеты.

  Все ребята ответственно отнеслись к подготовке всех мероприятий. Победители были награждены ценными призами.