Тиздән илебез зур бәйрәмнәрдән берсе булган - Җиңү бәйрәмен билгеләп узачак. Быелгысы ул бигрәк тә истәлекле, чөнки 70 еллык тарихын барлыячак. Шунлыктан мәктәптә әлеге юнәлештә төрле чаралар уза. Рәсем бәйгеләре, очрашулар, кичәләр, класс сәгатьләре, смотрлар һәр укучыны колачларга тырыша. Һәр класс эшләгән эшләрен альбомга язып, тутырып бара.

   Бүгеннән мәктәптә химия-биология атналыгы башланып китә. Укучылар белән төрле ярыш-бәйгеләр, кичәләр планлаштырылган. Һәр укучы үзен төрле яклап сынап карау мөмкинлеген алачак.

   Бүген мәктәптә зурлап кызларны ярыштырдылар. 6-11 нче класс кызлары ике командага бүленеп "Ягез, әле, кызлар" бәйгесендә катнашты. Кызлар матурлыкта, уңганлыкта, белемлелектә, тырышлыкта көч сынашты. Камыр изделәр, токмач камырын җәеп аны кистеләр, кунак өстәлен сервировать иттеләр, прическа ясадылар, егетләргә галстук тактылар, мода күрсәттеләр, милли аш тәкъдим иттеләр, белемнәрен тикшерделәр һәм башка биремнәрне башкардылар. Кичә бик тә җылы һәм матур узды. 5 класс укучылары бәйрәмне җыр- бию, нәфис сүз белән бизәде. Кичә ахырында кызларның егетләр кулыннан чып-чын чәчәк бәйләмнәре алуы, кызлар өчен көтелмәгән сюрприз һәм бәйрәм бүләге булды. Сүз ахырында кызларыбызга афәрин диясе генә кала!

   Бүген мәктәптә традицион рәвештә "Әтиләр конференциясе" узды. Елга бер мәртәбә әтиләр катнашында узучы әлеге җыелышта күп чыгышлар булды, алар нигездә барысы да бер мәсьәләгә кайтып кала, балага дөрес тәрбия бирү һәм укыту. Әтиләр каршында мәктәп директоры, директор урынбасарлары, авыл җирлеге башлыгы Кадыйров Р.С., физик тәрбия укытучысы ГТО хакында, көрәш түгәрәге җитәкчесе Хайруллин Г. чыгыш ясадылар.

   Татар теле укытучысы Кәбирова Г.Р. 5-11 класс укучылары өчен гомуми класс сәгатен "Муса Җәлил һәм Җәлилчеләр" темасы астында уздырды. Укытучы Муса Җәлилнең кыскача тормыш юлы һәм иҗатына тукталды. 5 класс укучылары шагыйрьнең "Ромашка" исемле шигыренә инсценировка ясадылар, 6 класс укучылары шигырьләрен укыдылар, Җәлилчеләр турында презентация тәкъдим ителде.

 Мәктәптә хәрби-патриотик айлык узды. Бүген гомуми мәктәп линейкасында әлеге айлык кысаларында уздырылган спорт ярышларына нәтиҗәләр ясалды. Физик тәрбия фәне укытучысы Шайхуллин Р.Г. чаңгы ярышларында җиңүче һәм призерларга, волейбол буенча мәктәп беренчелегендә җиңү яулаган командаларга мактау грамоталары тапшырды. 

   Бүген, мәктәптә укучыларның көтеп алынган "Аҗаган - 2015" хәрби-патриотик спорт ярышы узды. 1-8 класс укучылары строй белән йөрүдә, сугыш темасына багышланган җыр җырлауда, яшерелгән флагны эзләүдә, вакыттка учак ягып чәй кайнатуда, мылтыкны җыю һәм аннан атуда, һәм башка бик күп төрле кызыклы ярышларда көч сынаштылар. Нәтиҗәдә 1 урын - 8 класс командасы, 2 урын - 5 һәм 6 класс командалары, 3 урын - 7 класс командалары алды. Җиңүчеләргә грамоталар тапшырылды.    

Ученица 6 - го класса Пустынникова Анастасия приняла участие в ежегодных Жуковских чтениях, которая проходила в МБОУ "Лицей №9" г.Зеленодольска . Все участники старались показать  свои таланты. Традиционно конкурс завершился вручением грамот. Анастасия получила грамоту в номинации "Авторские стихи" ( учитель Кабирова Г.Р.). Поздравляем!

    Шимбә көнне мәктәбебездә беренче тапкыр татар-башкорт көрәше буенча турнир булып узды. Ул Җиңүнең 70 еллыгы һәм Ватанны саклаучылар көненә багышланган иде.  Соңгы араларда Норлат зонасы авылларында көрәш ярышлары еш узуга карамастан, бездә узганы да шактый оешкан дәрәҗәдә, зур кунаклар катнашында узды. Катнашучыларга килгәндә алар Урысбага, Күгәй, Татар Танае, Мулла Иле авылларыннан, Яшел Үзән шәһәреннән, Казанның Мәскәү һәм Авиатөзелеш районнарыннан барлыгы 60 лап көрәшче иде. Һәм әлбәттә инде үзебезнең көрәшчеләребез. Кунакларга килгәндә, алар, Яшел Үзән муниципаль районы башлыгы урынбасары Фоат Шәмсиев, "Ангам" ширкәте җитәкчесе Әнвәр Минуллин, ТР Агрохимия үзәге директоры Әнәс Локманов, төрле елларда батыр калган сабантуе батырлары, сугыш ветераны Борһан абый һәм башка чакырылган кунаклар.

   Барлыгы 14 комплект медаль уйнатылды. Һәр үлчәү авырлыгында җиңгән һәм призлы урынга ия булган көрәшчеләр диплом, медаль һәм акчалата бүләк белән бүләкләнделәр. Ә абсолют батырга дип әзерләнгән тәкә исә Казан шәһәренә китте.

  Инде хәзер үзебез көрәшчеләргә дә тукталып китик.  Ачасыр мәктәбе базасында көрәш түгәрәге икенче ел эшли. Аны спорт мастеры, авылдашыбыз Гомәр Хәйруллин оештырды. Булып узган көрәш турнирында безнең мәктәп данын 8 егет яклап чыкты. Һәм нәтиҗәләр дә куанырлык булды. Ике укучыбыз 1 урынга чыкты ( Габидуллин Р., Замалиев Б.), калган 6 егетебез Гафиятуллин Р., Ахметшин И., Ахметшин И. (абыйлы энеле), Гайнуллин Н., Яруллин Н., Замалиев Р. ) призлы урыннарга лаек булдылар. Афәрин, егетләр!