Бүген гимназиябездә Халыкара туган телләр көненә багышланган “Туган телем – иркә гөлем” шигырь укучылар бәйгесе үтте.

Укучылар туган тел турында шигырьләрне татар, рус, инглиз телләрендә сөйләделәр.

Халыкара туган тел көне - 21 февраль көнне  билгеләнгән, ЮНЕСКО Генераль конференциясе тарафыннан игълан ителгән халыкара бәйрәм.  

Бөтен дөньядагы туган телләрне, аеруча азсанлы халыкларның телләрен, тануга, үстерүгә булышлык итү максатында, 1999 елның 17 ноябрендә ЮНЕСКОның генераль конферен­циясендә Халыкара туган тел көнен билгеләү турында карар кабул ителә. 2000 елның февраленнән башлап ел саен тел һәм мәдәниятның төрлелегенә һәм күптеллелегенә ярдәм итү максатыннан дөньякүләм билгеләп үтелә.

Бүген гимназиябездә Халыкара туган телләр көненә багышланган “Туган телем – иркә гөлем” шигырь укучылар бәйгесе үтте.

Укучылар туган тел турында шигырьләрне татар, рус, инглиз телләрендә сөйләделәр.

Халыкара туган тел көне - 21 февраль көнне  билгеләнгән, ЮНЕСКО Генераль конференциясе тарафыннан игълан ителгән халыкара бәйрәм.  

Бөтен дөньядагы туган телләрне, аеруча азсанлы халыкларның телләрен, тануга, үстерүгә булышлык итү максатында, 1999 елның 17 ноябрендә ЮНЕСКОның генераль конферен­циясендә Халыкара туган тел көнен билгеләү турында карар кабул ителә. 2000 елның февраленнән башлап ел саен тел һәм мәдәниятның төрлелегенә һәм күптеллелегенә ярдәм итү максатыннан дөньякүләм билгеләп үтелә.

Бүген, 17 нче февраль көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес Ватанны саклау, адмирал Ушаков мисалында илебез алдында булган бурыч, тарихи традицияләр турында иде һәм «Ватанга хезмәт итү нәрсә ул? Федор Ушаковның тууына 280 ел» дип аталды.

“Җиңү өчен 80 игелекле эш” дип аталган Бөтенроссия акциясе дәвам итә.

Гимназиябез командасы, Анжелика Евгеньевна җитәкчелегендә, бу чарада актив катнаша.

Бүген “Җиңү варислары” командасы Бөек Җиңүнең 80 еллыгына багышланган открыткалар ясау буенча мастер-класс үткәрделәр.

Ветераннарны шатлыклы, бер үк вакытта моңсу да булган бәйрәмдә куандыру -  игелекле эш.

Укучылар открыткаларга рәхмәт сүзләрен һәм изге теләкләрен яздылар.

Ватанны фашистлардан азат итүдә укытучылар да актив катнашалар. Бөек Ватан сугышы чорында гимназиябез Бауман районының 35 нче мәктәбе дип аталган. Гимназиябездә эзләнү эшләре һәрдаим алып барыла.

Лаеклы кешеләр турында материаллар туплауда ярдәм иткән өчен гимназия директорына, ветеран-укытучыларга рәхмәтебезне белдерәбез.

Җиңүнең 80 еллыгына багышланган «80 игелекле эш»акциясе дәвам итә.

Бүген укучылар “Бөек Ватан сугышы ветеранына хат” акциясендә катнаштылар.  Матур теләкләр һәм рәхмәт сүзләрен кәгазьгә төшереп, өчпочмаклы хатлар ясадылар.

Бүген гимназиябезнең 8 нче б сыйныфы укучылары “Җиңү поезды”  исемле күргәзмәдә булып кайттылар. Экспонатлар 10 вагонда урнашкан. Алар барысы да Бөек Ватан сугышы турында мәгълүмат җиткерәләр.

Кызыклы күргәзмә укучыларга бик ошады.

Бүген игелекле бәйрәм — Халыкара китап бүләк итү көне. 
2012 елдан башлап, даими рәвештә 14 февральдә Халыкара китап бүләк итү көне (International Book Giving Day) билгеләп үтелә. Әлеге көн балаларга китап бүләк итүчеләрне, нәниләрдә укуга мәхәббәт тәрбияләүчеләрне берләштерә.
Акциянең максаты -  бу көнне балаларга, бер-береңә, китапханәләргә китап бүләк итү.
Бу акциягә безнең гимназия укучылары да кушылды. Без өлкәннәрне һәм балаларны бер-беренә, дусларына, туганнарына  китап бүләк итәргә, яисә китапханәгә алып килергә чакырдык.
Акциядә катнашучы һәр укучыга зур рәхмәт белдерәбез!

 15 фераль көнне  Сугышчы-интернационалист көне билгеләп үтелә.
1989 нчы елның 15 февраленда, совет гаскәрләренең соңгы колоннасы Әфганстан территориясеннән чыгарылды.
Шул уңайдан башлангыч сыйныфларда “Тыныч күк йөзе” исемле рәсемнәр күргәзмәсе узды. Укучылшар рәсемнәрдә тынычлык темасын яктырттылар. 

Бүген Россиядә Сугышчы-интернационалист көне билгеләп үтелә. Моннан 24 ел элек нәкъ шушы көнне, 1989 нчы елның 15 февраленда, совет гаскәрләренең соңгы колоннасы Әфганстан территориясеннән чыгарылды, шул рәвешле, илебезнең 14 меңнән артык яшь кешесенең гомерен өзгән сугышка нокта куелды.

Казанның 2 меңнән артык солдаты һәм офицеры “кайнар нокта”ларда сугышта катнашуы, аларның 93е “Кызыл йолдыз” ордены, 275е “Батырлык өчен”, “Сугышчан казанышлар өчен” медальләре белән бүләкләнүе мәгълүм. Бу истәлекле көнне без хезмәти бурычын үтәп төрле елларда чит илләрдә хәрби низагларны хәл иткәндә катнашкан солдатларга хөрмәт күрсәтәбез.

Шул уңайдан югары сыйныфларда Сугышчы-интернационалист көненә багышланган сыйныф сәгатьләре узды.