Бүген, 10 нче март көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес Россиядә үткәрелә торган массакүләм спорт чаралары, сәламәт яшәү рәвеше алып бару, спортның кеше шәхесенә йогынтысы турында иде һәм «Россиядә массакүләм спорт» дип аталды.

Тиздән язның иң матур бәйрәме – 8 март Халыкара хатын-кызлар көне билгеләп үтеләчәк.

Яз башы, табигатьтә тормыш башы, елның беренче җылы көннәре…

Халыкара хатын-кызлар көне Алман коммунисткасы Клара Цеткин исеме белән дә бәйле. Ул хатын-кыз реформатор дип санала. Ул 1910 елда Халыкара хатын-кызлар конференциясендә бөтен дөньяда эшләүче хатын-кызлар бердәмлеге көнен гамәлгә кую тәкъдимен чыгара.

Россиядә хатын-кызлар көнен беренче тапкыр Петербургта 1913 елның 2 мартында билгеләп үтәләр.

Россиядә хатын-кызлар көне рәсми рәвештә 2002 елда РФ Дәүләт бәйрәмнәре исемлегенә кертелде.

Шул уңайдан гимназиябездә 5-8 нчы сыйныф кызлары арасында “Ягез әле, кызлар!” бәйгесе үткәрелде. Укучы кызлар төрле биремнәр үтәп, үзара көч сынаштылар: сорауларга җавап бирделәр, кызыклы биремнәр үтәделәр, чәч үрделәр, төймә тагу осталыкларын күрсәттеләр.

Укучылар арасында Халыкара хатын-кызлар көненә багышланган бәйгеләр узды.

Башлангыч сыйныфларда “Әнием өчен иң матур открытка”, ә урта сыйныфларда “8 март белән, хөрмәтле укытучылар!” плакатлар һәм открыткалар бәйгеләре үткәрелде.

Укучылар берсеннән-берсе матур эшләр тапшырдылар.

Хөрмәтле укытучылар, укучылар, әниләр, әбиләр, апалар!

Сезне язның тәүге бәйрәме –  Халыкара хатын кызлар көне белән тәбрик итәбез. Хатын-кыз – ул тулы бер дөнья, аның күңеленә мәхәббәт тә, гүзәллек тә, йомшаклык та, иң көчле Ана хисләре дә, гаилә учагы жылысы да сыйган.

Язгы кояш нурына күмелгән әлеге бәйрәмдә мәхәббәт, матурлык, ана назы, ягымлылык, мәрхәмәтлелек, шәфкатьлелек, сабырлык, хатын-кызга ихтирам кебек мәңгелек кыйммәтләр чагылыш таба.

Сезнен тормышыгыз яхшылык һәм яктылык, мәхәббәт, якыннарыгызның күңел җылысы һәм игътибары белән тулып, йөзләрегез елмаюдан яктырып, нурлар чәчеп торса иде!

Күп еллар гимназиябездә экология отряды эшләп килә. 3 нче март көнне отряд 2 нче В сыйныфында экологик турнир үткәрде. Укучылар кызыклы биремнәр чиштеләр.

Илебездә “Россия мәктәпләрендә кинодәресләр” исемле проект  башланып китте.

Һәр ай укучыларда тәрбияви темаларга кинофильмнар күрсәтелә.

Бу айда башлангыч сыйныфлар «8 марта» (наблюдательность, внимательность) исемле фильм карадылар.

Соңыннан бергәләп фильм эчтәлеге буенча фикер алыштылар.

4 нче март көнне 5 нче А сыйныфы укучылары Заманча сәнгать галереясында экскурсиядә булдылар. Укучылар «Михаил Девятаев батырлыгы канатлары» дигән күргәзмә карадылар. Чара мәңгелек дан һәм истәлеккә лаек булган очучыга, Бөек Ватан сугышы герое Михаил Девятаевка, шулай ук аның гаиләсенә багышлана.

Күргәзмәгә килүчеләр Девятаевларның фотоларын, документларын, рәсем сәнгате һәм скульптура әсәрләрен, гаиләнең шәхси әйберләрен күрә ала.

Бүген, 3 нче март көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес Халыкара хатын-кызлар көненең тарихы, аның традицияләре турында иде һәм «Халыкара хатын-кызлар көне» дип аталды.

"Балачак иленең кабатланмас бәйрәмнәреннән берсе нинди бәйрәм?" - дип сорасалар, бер дә икеләнмичә "Әлифба бәйрәме" дияр идем мин. Җир йөзендә кем генә булмасын, кайда гына эшләмәсен, ул зур дулкынлану белән үзенең нәни кулларына тәүге тапкыр Әлифба китабын алганын искә төшерә. Чөнки һәркемнең дә белем дөньясына беренче адымы Әлифбадан башлана.

Бүген 1 нче А сыйныфында "Әлифба бәйрәме" узды. Әлифба бәйрәме - укучылар өчен дә, укытучылары өчен дә һәм инде укырга, язарга өйрәнгән укучыларның әти-әниләре өчен дә зур тантана булып тора. Әлифба белән беррәттән укучыларның барысы да укырга, язарга, матур итеп сөйләргә, әдәпле булырга, өлкәннәрне һәм кечкенәләрне ихтирам итәргә, коллектив белән дус яшәргә, ярдәмчел булырга өйрәнделәр.

Укытучыларны, укучыларны һәм әти-әниләрне әлеге бәйрәм белән котлыйбыз!

Пушкин картасы” проекты – яшүсмерләр һәм яшьләр өчен мәдәни чараларны бушлай карау мөмкинлеген бирүче дәүләт программасы. Ул нигездә – виртуаль карта.

Гимназиябез укучылары “Пушкин картасы” ярдәмендә төрле чараларга йөриләр.

28 нче февраль көнне Кәрим Тинчурин исемендәге Татар дәүләт драма һәм комедия театры оркестры гимназиябез сәхнәсендә чыгыш ясады. Укучылар “Бүген һәм һәрвакыт” исеме концерт карадылар.

  Концерт Кәрим Тинчурин исемендәге Татар дәүләт драма һәм комедия театры оешуга 91 ел тулуга багышлана.
 

Гимназиябездә Ватанны саклаучылар елына һәм Бөек Ватан сугышында Җиңүнең 80 еллыгына багышланган «Ватанга хезмәт итү – изге бурыч!» дип аталган парламент дәресләре узды.

Дәрестә Ватанга хезмәт итү турында фикер алыштылар. Укучылар Бөек Ватан сугышының тарихи вакыйгалары, геройларның батырлыклары турында сөйләделәр.

Парламент дәресе – Дәүләт Советы, ТР Мәгариф һәм фән министрлыгының һәм Мәгарифне үстерү институтының укучыларның сәяси-хокукый культурасын һәм актив гражданлык позициясен формалаштыруга ярдәм итә торган уртак проекты. 2025 елда Татарстанда парламент дәресе инде унҗиденче тапкыр оештырыла. Быел «Ватанга хезмәт итү – изге бурыч!» дип аталган парламент дәресе республиканың барлык мәктәпләрендә 17-28 февраль көннәрендә уза.