Илебездә “Россия мәктәпләрендә кинодәресләр” исемле проект  башланып китте.

Һәр ай укучыларда тәрбияви темаларга кинофильмнар күрсәтелә.

Бу айда урта сыйныфлар «Честь имею» (честь) исемле фильм карадылар.

Соңыннан бергәләп фильм эчтәлеге буенча фикер алыштылар.

Җиңүнең 80 еллыгына багышланган «80 игелекле эш»акциясе дәвам итә.

Бүген укучылар “Бөек Ватан сугышы ветеранына хат” акциясендә катнаштылар.  Матур теләкләр һәм рәхмәт сүзләрен кәгазьгә төшереп, өчпочмаклы хатлар ясадылар.

Бөтен гомере буе халыкка фидакарьләрчә хезмәт кылган, милләт мәнфәгатен үзенең яшәү кыйбласы иткән татар галимнәре һәм әдипләре шактый күп. Алар арасында иң мөхтәрәм урыннарның берсен Каюм Насыйри, гасыр башындагыча әйтсәк, Каюм баба алып тора. 77 яшендә вафат булган бу игелекле зат ярты гасырдан артык, алны-ялны белмичә, милләткә хезмәт итә.
Бүген, 14 февральдә энциклопедик галим, язучы, мәгърифәтче Каюм Насыйриның тууына 200 ел тула. 

Каюм Насыйри -  танылган татар мәгърифәтчесе, тел галиме, тарихчы, тәрҗемәче, язучы, фольклорчы.

Шулай ук 15 февраль көнне герой-шагыйрь – Муса Җәлилнең туган көне.

Бу исемне телгә алуга, күз алдына ниндидер гадәттән тыш кеше килгәндәй була. Ул – ялкынлы шигырьләр язган шагыйрь дә, илнең азатлыгы өчен курку белмәс көрәшче дә, үлемне ирләрчә батыр каршылаган каһарман да.

Җәлил исемен илебез халкы горурлык белән искә ала. Һәр буын аны йөрәгендә саклый. Аның көрәше һәм эшчәнлеге – күпләр өчен кыюлык һәм батырлык үрнәге.

Шул уңайдан гимназиябездә радиотапшыру узды. Укучылар татар халкының күренекле шәхесләре белән якыннан таныштылар.

Гимназиябезнең “Җиңү варыйслары” командасы башлангыч сыйныфларда “Бөек Ватан сугышының данлыклы битләре” исемле викторина уздырды. Һәр сорауга укучылар  чыгыш әзерләделәр, илнең батыр уллары турында тарихи мәгълүматлар белән таныштырдылар. Зоя Космодемьянская, Алексей Маресьев һ.б. турында тыңлау укучыларны аеруча җәлеп итте.

 “Җиңү варыйслары” командасы гимназия музеенда экскурсиядә булдылар. Алар Бөек Ватан сугышы чоры экспонатлары белән таныштылар. Укучыларны аеруча гимназиябезне тәмамлаган батыр укучыларның тарихы җәлеп итте.

Музейда Гимадетдинов Г., Баязитова С., Галиуллин П. турында фәнни-тикшеренү эшләре саклана. Әлеге эшләр язылу сәбәпле, аларның исемнәре “Хәтер китабына”да теркәлгән.

Илебездә “Россия мәктәпләрендә кинодәресләр” исемле проект  башланып китте.

Һәр ай укучыларда тәрбияви темаларга кинофильмнар күрсәтелә.

Бу айда югары сыйныфлар «Неанисия» (здоровый образ жизни) исемле фильм карадылар.

Соңыннан бергәләп фильм эчтәлеге буенча фикер алыштылар.

12 нче гыйнвар көнне 7в сыйныфы укучылары сыйныф җитәкчесе Фәридә Шамилевна һәм гимназия музее җитәкчесе Лилия Маратовна белән берлектә Муса Җәлил музей-йортында булдылар.

Экскурсия вакытында укучылар герой-шагыйрьнең тормыш юлы һәм иҗаты белән якыннан таныштылар. Экскурсиядән соң мөхтәрәм кунаклар белән очрашу узды. Укучылар алдында танылган шагыйрь, драматург, тәнкыйтче, публицист Ренат Харис һәм Буа районы якташлыгы җитәкчесе Ирек Закиров чыгыш ясадылар.

Чара укучыларга бик ошады.

Бүген гимназиябез укучылары «Тирмә» туристик комплексында экскурсиядә булып кайттылар. Ул Иске Татар бистәсендә урнашкан.

Уңайлы тирмәдә татар халкының көнкүреше белән танышырга, бик матур тамаша карарга, чәй эчәргә мөмкин. Шулай ук укучылар уен кораллары, сугыш кораллары, тирмә җиһазлары белән таныштылар.

 Әлеге атмосфера бер укучыны да битараф калдырмады.

Җиңүнең 80 еллыгына багышланган «80 игелекле эш»акциясе башланып китте.

Акция барышында укучыла,  80 көн дәвамында, 9 майга кадәр һәр көнне изге эшләр башкарачаклар.

Гимназиябезнең “Җиңү Варислары”  командасы җиң сызганып эшкә тотынды. Үткән атна дәвамында алар бик күп чаралар уздырдылар һәм төрле акцияләрдә актив катнаштылар.

Җиңүнең 80 еллыгына багышланган бик матур стенд та ясап куйдылар.

Традиция буенча, һәр дүшәмбе радиодулкыннарга “Гимназия хәбәрләре” тапшыруы чыга. Һәр сыйныф үткән атна яңалыклары һәм киләсе атнада булачак чаралар белән таныштыра.

Бу атнада тапшыруны 10 нчы сыйныф укучылары алып бардылар.