Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани
Визитная карточка
Адрес: | 420108, г. Казань, ул. Мазита Гафури, д. 34а |
Телефон: | +7(843)-293-38-67;+7(843)-293-38-87;+7(987)-290-70-21 |
E-Mail: | g1.kzn@tatar.ru; tgim1@mail.ru |
Министерство: | Министерство образования и науки Республики Татарстан |
Короткое название: | МБОУ "Татарская гимназия №1 им.Г.Тукая" |
Руководитель: | Шамсеева Гульфия Гаязовна |
Год основания учреждения: | 1990 |
У нас учатся: | 640 учащихся, из них 11 иностранных граждан |
У нас учат: | 42 преподавателя |
Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани - новости
Страницы: << 21 ( 22 ) 23 24 25 26 27 28 29 30 >>
-
Мөһим әйберләр турында сөйләшү 11.12.2023
“Мөһим әйберләр турында сөйләшүләр” дәресләр циклының бүгенге чыгарылышы илебезнең төп законы – Конституция турында барды.
Сыйныф сәгатенең максатлары: 1) илнең төп законы белән танышу; 2) Конституциянең гражданнар тормышында мөһимлеге турында күзаллаулар формалаштыру; 3) гражданлык бурычы һәм җаваплылык хисе тәрбияләү.
Укучылар видеороликлар карадылар. Конституция – җәмгыятебезне оештыруның принциплары, Россия Федерациясе халыкларының кыйммәтләре беркетелгән Төп закон икәнлеге турында фикер алыштылар. Анда һәркемнең хокуклары һәм бурычлары, гаделлек һәм иминлек, гаиләгә мәхәббәт һәм хезмәт кешесенә хөрмәт турында әйтелә. Конституция дәүләтнең бердәмлеге һәм бөтенлеге нигезе һәм Россиянең алга таба үсеше һәм аның гражданнарының үз-үзләрен үстерүгә нигез булып тора. Россиянең барлык гражданнарының бурычы - илебезнең Төп Законын хөрмәт итү һәм аның кагыйдәләрен үтәү.
. -
Ришвәткә каршы көрәш 11.12.2023
Коррупцияга каршы көрәш көне кысаларында гимназиядә төрле чаралар уза.
Бүген 5-11 нче сыйныфларда “Коррупцияга “юк” дип әйтик!” исемле сыйныф сәгатьләре узды.
Ришвәтчелек - кешенең акылын, намусын юкка чыгаручы, җәмгыятьнең барлык өлкәләрен дә биләп алган гомуми бәла, кеше хокукларын һәм ирекләрен бозу формаларының берсе.
Бүген аңа каршы тору, профилактикалау – зур һәм мөһим проблемаларның берсе. Шуңа күрә ил һәм республика күләмендә законнар кабул ителә, кайнар элемтәләр эшли.
Киләчәгебез ышанычлы,өметле булсын өчен элеге явызлыкның тамырын уртак тырышлык белән корытырга тиешбез.
-
Батырлык дәресе 07.12.2023
9 декабрь – илебездә Ватан Батылары көне билгеләп үтелә. Бу көнне илебез иминлеге өчен гомерләрен кызганмаган һәм бүгенге көндә дә батырлыклар күрсәтүче кешеләрне искә алалар, тәбриклиләр.
Шул уңайдан гимназиябездә 5-11 нче сыйныфларда Батырлык дәресләре узды. Укучылар төрле елларда батырлыклар күрсәткән ватандашларыбызны искә алдылар, аларның тарихлары турында сөйләштеләр.
Чараның максаты - батырлык төшенчәсен аңлату, батырлыкны дәлилли белүләренә ирешү. Сугышның кырыс чынбарлыгын, халкыбызның сугыш кырларындагы батырлыгын, патриотизмын һәм милли горурлыгын күрсәтү.
Укучыларны мөстәкыйль фикер йөртүгә өйрәтү аша, сугыш ветераннарына хөрмәт – ихтирам хисләре, кешелеклелек сыйфатлары, җаваплылык хисе тәрбияләү.
-
Мастер-класс узды 07.12.2023
Күп еллар гимназиябездә укучылар үзидарәсе эшләп килә. “Алдынгылар хәрәкәте” барлыкка килү белән, әлеге юнәлеш тагын да активлашып, ялкынланып китте.
Укучылар үзләрен кызыксындырган 12 юнәлешне җитәклиләр, яңа чаралар уйлап табып, иптәшләрен кызыксындырып, үзләре тирәсенә туплыйлар.
7 нче декабрь көнне сәнгать юнәлеше башлангыч сыйныф укучыларына оригами ясау буенча мастер-класс үткәрделәр. Укучылар үз куллары белән яңа елга бик матур бүләкләр ясадылар.
Укучылар! Сезне алдагы чараларда да актив катнашырга чакырып калабыз!
-
Игелеклелек юлы 07.12.2023
Инвалидлар атналыгы кысаларында оештырылган чаралар дәвам итә. Бүген башлангыч сыйныфлар арасында “Игелеклелек юлы” рәсем бәйгесе үткәрелде. Укучылар бик матур һәм эчтәлекле рәсемнәр ясадылар.
-
Кеше организмы мөмкинлекләре 06.12.2023
3 нчедекабрь – Инвалидлар көне билгеләп үтелә. Шул уңайдан гимназиябездә төрле чаралар уза.
Бүген барлык сыйныфларда “Кеше организмы мөмкинлекләре” темасына мәгълүмати тәнәфесләр узды. Үзидарәгә йөрүче укучылар иптәшләренә кешегә хас мөмкинлекләр турын сөйләделәр, уеннар оештырдылар. Бу формат барлык укучыларга да бик ошады.
-
Китаплар күргәзмәсе 05.12.2023
Бүген гимназиябездә, Билгесез солдат һәм Ватаныбыз Батырлары көне уңаеннан, китаплар күргәзмәсе оештырылды. Күргәзмәдә Бөек Ватан сугышы, батырлар, әлеге темага әсәрләр урын алган китаплар урнаштырылды.
-
Волонтёрлар көне 05.12.2023
Бүген илебездә Волонтёрлар көне билгеләп үтелә.
Әлеге бәйрәм көне җәмәгатьчелек игътибарын волонтёрлык кебек мөһим эшкә – мохтаҗларга түләүсез ярдәм итүгә җәлеп итүне максат итеп куя.
Кешеләргә риясыз ярдәм итәр өчен, зур йөрәккә, рух көченә һәм актив позициягә ия булырга кирәк.
Шул уңайдан гимназиябездә 8-9 сыйныф укучыларына “Мин – волонтёр. Бу миңа нигә кирәк?” исемле фильм күрсәтелде. Соңыннан укучылар әлеге юнәлеш, аның төрләре, игелекле эшләр турында фикер алыштылар. -
Халыкара инвалидлар көне 04.12.2023
3 нче декабрь көнне - язмыш сынауларына бирешмичә, тормышта үз урыннарын тапкан һәм аны чын күңелдән яраткан көчле рухлы, максатчан кешеләребез – Халыкара инвалидлар көне билгеләп үтелә. Сәламәтлекләре чикле булуга карамастан, күпләребез алардан нык, чыдам булырга, иң мөһиме - тормышны яратырга өйрәнә ала.
Шул уңайдан гимназиябездә дә чаралар узды.
Башлангыч сыйныфлада Фирая Разыйховна “Кешеләргә яхшылык өләшегез” дигән темага әңгәмә үткәрде. Укучылар мөмкинлекләре чикле булган кешеләргә һәм гомумән әйләнә-тирәдәгеләргә игътибрлы булу турында фикер алыштылар. -
Билгесез солдат көненә радиоэфир 04.12.2023
3 нче декабрь - Билгесез солдат көне билгеләп үтелә.
Билгесез солдат көне – Россия тарихында чагыштырмача яңа истәлекле дата, ул һәр елны 3 декабьдә билгеләп үтелә. Бу истәлекле көннең мәгънәсе – сугыш хәрәкәтләрендә һәлак булган, ләкин шул ук вакытта исемнәре билгесез калган совет һәм Россия сугышчыларының сугышчан һәм үлемсез батырлыкларын хәтерләүне мәңгеләштерү. Беренче тапкыр безнең илдә Билгесез солдат көнен 2014 елда билгеләделәр. 3нче декабрь көне дә очраклы гына сайланмады. Нәкъ менә 1966 елның 3 нче декабрь көнендә Мәскәү астында немец-фашист гаскәрләрен тар-мар итүнең 25 еллыгы уңаеннан, Ленинград шоссесының 41 нче километрындагы (Зеленоград шәһәренә керү юлында) һәлак булган совет сугышчыларының туганнар каберлегеннән билгесез солдат җәсәде Мәскәү Кремле стенасы буендагы Александров бакчасына кайтарып җирләнде.
Шул уңайдан гимназиябездә бик күп чаралар үтте. 4 нче декабрь көнне 9 нчы Б сыйныфы укучылары Хәкимҗанова Диана һәм Гайнуллина Гүзәлия гимназия радиосында әлеге темага чыгыш ясадылар. Укучыларны истәлекле дата белән якыннан таныштырдылар.