Интернет, социаль челтәрләр безнең тормышыбызга актив керде. Күп кенә кулланучылар социаль челтәрләрдә урнаштырылган мәгълүматның теләсә кем тарафыннан кулланылырга мөмкин. Мәктәпнең һәм ата-аналарның бурычы - баланы кайбер хаталардан саклап калу. Шуны исәптә тотып, гимназиядә “Мәгълүмати куркынычсызлык почмагы” эшләнде. Әлеге почмакта укучыларга интернет челтәрендә сак булыр өчен киңәшләр бирелгән.

Төгәл фәннәр ункөнлеге кысаларында 9А сыйныфында “Мәсьәләләр чишү” темасына ачык дәрес үтте. Укучылар, узган дәресләрдә алган белемнәренә таянып, нәтиҗәле дәрес күрсәттеләр. Дәрес укучыларга бик ошады.

Бүген математика фәненнән, 8 нче А һәм Б сыйныфлары арасында, "Логика кайда?" уены узды. Сыйныфлар төркемнәр төзеп, исем һәм девиз әзерләп килгәннәр иде. Уй-фикерләүне үстерә торган кызыклы биремнәр катнашучыларны гына түгел, ә җанатарларны да үзенә җәлеп итте. Укучылар биремнәрне кызыксынып башкардылар. Нәтиҗәдә, ике команда да тигез баллар җыйды. Уенда дуслык җиңде.

"Цифрлы дәрес" Бөтенроссия белем бирү акциясе кысаларында, 7 нче һәм 8 нче сыйныфларда "Киберһөҗүмне тикшерү" темасына дәрес үтте. Дәрес барышында укучылар сорауларга җавап бирделәр, тренажерларда эшләделәр.

Ункөнлек кысаларында, укучыларга математика, информатика, физика фәннәре турында файдалы мәгълүматлар җиткерү максатыннан, һәр көне радиотапшыру эфирга чыга. Радиотапшыру аша укучылар әлеге фәннәр белән бәйле кызыклы фактлар белән таныша ала.

Гимназиядә күптән түгел каратэ дәресләре башланып китте. Каратэ - ул көчле, җитез, чыдамлы булырга, үзеңне яклый белү һәм авыр вакытта каушап калмаска өйрәтә торган шөгыль. Укучылар бик теләп әлеге дәресләргә йөриләр.

Өченче чирек башлану белән гимназиядә математика, физика һәм информатика фәннәре ункөнлеге башланып китте. Ункөнлек кысаларында узучы чаралар укучыларда әлеге фәннәрне өйрәнүгә кызыксыну уяту, укучыларның иҗади сәләтләрен үстерү һәм җаваплылык хисе тәрбияләүгә юнәлдерелгән. Укучыларны ун көн буена ачык дәресләр, кызыклы бәйгеләр, сыйныфтан тыш чаралар көтә.

Менә кышкы каникуллар да тәмамланды. Хөрмәтле укытучылар һәм укучылар! Сезне өченче чирек башлану белән котлыйбыз! Укытучыларга иҗади уңышлар, укучыларга - яхшы билгеләр һәм ныклы белем телибез. Өченче уку чиреге безне белемнең төрле өлкәләрендәге яңа ачышлар белән генә түгел, ә гимназиядә узучы традицион чаралар белән дә сөендерәчәк. Барыгызга да уңышлар теләп калабыз! Хәерле сәгатьтә!

Кадерле укытучылар, укучылар һәм әти-әниләр!

Сезне барчагызны да якынлашып килүче Яңа ел бәйрәме белән тәбрик итәбез! Яңа ел яхшы хәбәрләр, яңа вакыйгалар, яңа сөенечләр алып килсен! Кайгы-хәсрәтләр, борчу-мәшәкатьләр сезне урап узсын! Һәрберегезгә тынычлык, иминлек, сәламәтлек һәм уңышлар телибез! Яңа елда гына түгел, ә ел буе кәефләрегез һәрвакыт күтәренке булсын!

Яңа еллар килсен бәхет алып,

Яңа еллар килсен елмаеп.

Күңелләрдә мәңге шатлык булсын,

Яшәмәгез, дуслар, моңаеп.

Иң изге теләкләр белән гимназия коллективы.

3А сыйныфында бик кызыклы чара үтте. Укучылар Америка Кыш бабае Санта Клауска хат язу буенча проект эше башкардылар. Тик ул гадәти хат түгел, укучылар Кыш бабайга үзләренең теләкләрен инглиз телендә җиткерделәр.