Независимость защищает от зависимости.   Сегодня в сельской библиотеке прошла беседа по теме «Наркотикам- НЕТ!»  с библиотекарем  Салихзяновой А.Ф. Целью беседы было воспитание здоровой,  гармонично развитой личности,  способной самостоятельно ориентироваться в сложных жизненных ситуациях.

17 май көнне җиңел атлетика буенча район ярышлары булып узды. Бу чарада безнең мәктәп укучылары да актив катнашты.

14 нче  май көнне Шәрләрәмә мәктәбенең  4 нче класс укучылары- Гайнетдинов Азамат, Хөсәенова Ильвина, Гыйлаҗова Алинә, Хадиев Рөстәм- районда үткәрелгән “Куркынычсызлык тәгәрмәче“ конкурсында катнаштылар.  Алар Шәйгарданова Зилә, Муратова Раушания апалары җитәкчелегендә 4 номинация буенча да ай дәвамында шөгыльләнделәр. Нәтиҗәдә,  районда уңышлы гына чыгыш ясадылар һәм зур канәгатьләнү белән кайттылар.

           Шәрләрәмә мәктәбендә укучыларның экологик үзаңнарын үстерү максатында төрле чаралар үткәрелә. 10 нчы май көнне авыл халкы әрәмә алдына Сабантуй урынын чистартырга чыкты. Бу өмәдә безнең мәктәп укытучылары һәм укучылары да актив катнашты. Өмәдән һәркем зур канәгатьләнү белән таралды.                                                                           

          Ә икенче көнне, безгә рәхмәт әйткәндәй, шомырт әрәмәсе шау чәчәккә күмелде. Без  шул матурлыкны күрергә экскурсиягә чыктык. Язның  күңелле мизгелләре балалар күңелендә озак саклансын.

8 май көнне Шәрләрәмә мәктәбендә  Бөек  Җиңүнең 69 еллыгына багышланган бәйрәм танатанасы булды. Авыл җирлеге башлыгы Хуҗина Наилә Наил кызы һәм район вәкиле Шәрипов  Альберт Наил улы   сугыш һәм тыл ветераннарын шушы олы бәйрәм белән ихлас күңелдән котладылар.   Мәктәп укучыларының чыгышы сугыш еллары фотокадрлары белән эшләнгән презентация аша үрелеп барылды. Бәйрәм кичәсе чәй табыны  янында дәвам итте.

      Бүген мәктәптә “Россия һәм Кырым: без-бергә” исемле Парламент дәрес үткәрелде. Җәмгыять белеме укытучысы Шәйгарданова З.Х. дәресне эзлекле рәвештә укучыларның белемнәренә таянып алып барды. Презентация аша Кырым тарихына экскурсия ясалды. Дәрес барышында укучыларның Украинада барган вакыйгаларга битараф түгел икәнлеге ачыкланды.

  Сугыш.  Җимерелгән авыл, шәһәр, күпер, мәктәп, завод-фабрикалар... Ә иң- куркынычы — вакытсыз өзелгән гомерләр, коелган кан... Кешеләр бу елларда кичергән авырлыкларны сөйләп кенә бетерерлек түгел. Ә балачаклары урланганнар күргән җәфаларны күз алдына китерү дә куркыныч.                                                                                                                                     

      Сугыш чоры  балалары. Шәрләрәмә авылында да андый апа-абыйларның саны шактый. Бүген Мансурова Н.Р. үзенең укучылары белән шуларның берсе- Нүрдидә апада кунакта булды. Нүрдидә апа күз яшьләрсез генә сөйли алмады. Балалар аны тын да алмыйча тыңладылар.   

Шәрләрәмә мәктәбе коллективы укучы шәхесен иҗади үстерү, сыйфатлы белем бирү юнәлешендә максатчан эш алып бара. Уку елының һәр  чиреге саен коллектив эшчәнлеге анализлана, алга таба максат һәм бурычлар  билгеләнә. Укучының өлгереше үткәргән контроль эш һәм имтихан билгеләреннән күренә. Бүген мәктәптә Мансурова Н.Р. административ контроль эшләрне башлап җибәрде. 2 нче класс укучылары рус теленнән контроль диктант яздылар.