1 нче ноябрь көнне Халыклар бердәмлеге көненә карата Гыйльфанова Р.Ф. бердәм класс сәгате үткәрде. Укучылар презентация аша моннан 402 ел элек булган вакыйгаларны искә төшерделәр. Һәр эшне бердәм булып башкарганда гына уңышка ирешергә мөмкинлегенә тагын бер кат төшенделәр. 

30 нчы октябрь көнне Шәрләрәмә мәктәбендә Интернет челтәрнең куркынычсызлыгы  турында Бердәм дәрес үткәрелде. Укучылар видеоролик карадылар һәм интернет аша нинди куркынычлар янарга мөмкин икәнлеген ачыкладылар. Интернеттан  дөрес файдалану кагыйдәләре белән таныштылар.

Шәрләрәмә  төп гомуми белем бирү мәктәбендә “Батырлык” темасы буенча ачык класс сәгате узды. Аны авыл китапханәчесе Салихҗанова Әлфия Флер кызы уздырды.Ул укучыларны  герой шәхесләр, аларның  тормыш юлы белән таныштырды.

23 октябрь көнне Шәрләрәмә мәктәбендә “Наркотикларсыз тормыш” айлыгы кысаларында ата-аналар җыелышы узды. Җыелышта мәгариф бүлеге психологы Ризатдинова Лилия Рәис кызы катнашты. Ул Сарман гимназиясе базасында  психологик-педагогик медицина - социаль хезмәт күрсәтүче үзәкнең эшчәнлеге белән таныштырды.

Очрашу вакытында Лилия Раисовна психологик тренинг үткәрде. Ата-аналар үзләрен борчыган сорауларга җаваплар алдылар.

16 октября  в  МБОУ «Шарлиареминская ООШ» прошли учения по ГО в  ПЭП № 22.

  2 октябрь көнне  мәктәптә Укытучылар көненә багышланган бәйрәм иртәсе булды. Укучыларның матур җыр-биюләреннән соң һәр укытучының күңеле күтәренке, кәефе тагын да яхшырып китте.

Бәйрәмдә мәктәп директоры тарафыннан коллегабыз Гайнетдинов М.С. зур уңышлары билгеләп үтелде. Ул  районның иң яхшы укытучысы буларак Казанга бәйрәм тантанасына чакырылды. Аны чын күңелдән котлыйбыз.

Шәрләрәмә мәктәбендә юл иминлеге программаларын финанслау дирекциясенең  Сарман районы буенча филиал җитәкчесе Ситдикова Алсу Разин кызы укучылар белән очрашу үткәрде. Ул очрашу вакытында укучыларга юлларда сак булырга кирәклек турында ассызыклап аңлатты һәм беренче класс  укучыларына  бүләкләр тапшырды.

Бүген,  2 сентябрь  көнне, Шәрләрәмә төп гомуми белем бирү мәктәбендә “Кече Ватан”  исемендә класс сәгате үткәрелде. Укучылар кече Ватанның нәрсә икәнлеге  турында фикер алыштылар, презентация  карадылар, викторина сорауларына җавап бирделәр.

В рамках республиканской антинаркотической акции «Жизнь без наркотиков» в пришкольном лагере прошла малая спартакиада  под девизом «Мы за здоровый образ жизни». Ребята показали свою силу и ловкость в беге на 30 м, подтягивание и отжимании, прыжках в длину, прыжках через скакалку.