А. Тимергалин исемендәге Иске Минзәләбаш урта мәктәбендә  көзге ярминкәләр башланды.  Аның беренчесен   20 нче октябрь көнне  башлангыч класс укучылары ачып җибәрде, 5-8 нче класс укучылары  21 нче октябрь көнне, 9-11 нче класс укучылары 22 нче октябрь көнне  оештыра.  Ярминкәдән  кергән акчаны   мәктәбебездә авылдашыбыз , фантаст – язучы   А. Тимергалин  музеен эшләүгә  файдаланачакбыз.

18 нче октябрь көнне  А. Тимергалин исемендәге Иске Минзәләбаш урта мәктәбендә өлкән  класс укучылары мәктәп яны территориясен чистарту буенча санитар – экологик өмәдә бик актив катнаштылар. 

Бүген, 16 нчы октябрь көнне  А. Тимергалин исемендәге Иске Минзәләбаш урта мәктәбендә эвакуацион кабул итеп алу пункты (ПЭП) буенча практик тикшерүләр булды. Һәр бүлек документлар ягыннан һәм тиешле дәрәҗәдә  әзер торды. Килгән кешеләрне кабул итеп, аларны авыл җирлекләренә озаттык. Шул ук вакытта “Һава тревогасы” игълан ителде, мәктәп бинасындагы барлык кеше подвалга урнашты.

15 нче октябрь көнне  А. Тимергалин исемендәге Иске Минзәләбаш урта мәктәбендә 9, 10 һәм 11 нче класс укучылары өчен Пенсия фонды идарәсе белгече  Баһманова Ләлә Алмазовна “Финанс буенча грамотлылык” дигән темага класс сәгате үткәрде. Укучылар аның чыгышына җитди карадылар, үзләрендә туган сорауларга җаваплар алдылар.

15 нче октябрь көнне  А. Тимергалин исемендәге Иске Минзәләбаш урта мәктәбендә 8, 10 класс укучылары рус язучысы  Михаил Юрьевич Лермонтовның  200 еллык юбилее уңаеннан стенгазета чыгардылар.

10 нчы октябрь көнне  А. Тимергалин исемендәге Иске Минзәләбаш урта мәктәбендә 10 класс укучылары “Наркотикларга – юк!” дигән темага класс сәгате үткәрделәр. Бу чыгыш, яшүсмерләр арасында наркотикларга каршы көрәш профилактикасы максатыннан әзерләнгән иде.

9 нчы октябрь көнне  А. Тимергалин исемендәге Иске Минзәләбаш урта мәктәбендә “Мәктәптә һәм гаиләдә иминлек кагыйдәләренә өйрәтү” дигән темага гомуми ата-аналар җыелышы үтте. Җыелышта участковый Бадиков Илназ Мунипович, мәгариф бүлеге психологы Лилия Раисовна Ризатдинова, башлангыч класс укытучысы Нурзия Марваровна һәм мәктәп директоры Фанүс Габделкаюмович чыгышлары тыңланылды. Ата-аналардан законсыз акча җыярга ярамау турында аңлатылды, аларның имзалары җыелды.

3 нче октябрь көнне  А. Тимергалин исемендәге Иске Минзәләбаш урта мәктәбендә өлкәннәр һәм укытучылар көнен билгеләп үттек. Бу бәйрәмгә төрле елларда шушы мәктәптә эшләп, лаеклы ялга чыккан 34 укытучыбыз һәм хезмәткәребез чакыру алдылар. Укучылар аларны матур бәйрәмнәре белән тәбрик иттеләр. Соңыннан, укытучылар һәм профсоюз оешмасы көче белән әзерләнгән табын янында, килгән кунакларның һәрберсе үзләренең истәлекләре белән уртаклашты. 

Бүген, 30 нчы сентябрь көнне, А. Тимергалин исемендәге Иске Минзәләбаш урта мәктәбендә өлкән класс укучылары өчен “Сәламәтлек сәгате” дәресе узды.  Бу дәрес эчкечелекнең асылын ачу, укучыларны бу куркыныч чирдән кисәтү, аларда үз-үзләренә хөрмәт, әйләнә-тирәдәгеләргә ышаныч, сәламәт яшәү рәвеше тәрбияләү максатыннан үткәрелде. 

Шушы көннәрдә 2014-2015 нче уку елы өчен мәктәп күләмендә олимпиадалар башланды. А. Тимергалин исемендәге Иске Минзәләбаш урта мәктәбе укучылары да район мәгариф бүлеге җибәргән олимпиада эшләрендә һәр фәннән үзләренең көчләрен сынап карадылар.