Бүген бездә – “Әкиятләр утравы”көне.

   Иртәнге аштан соң  кызыклы , маҗаралы уеннар башланды

        Аннары һәр төркем әкиятләрне сәхнәләштерде. Аларның берсе “Шалкан” , ә икенчесе хәзерге заманга яраклаштырылган “Йомры икмәк ” әкиятләрен күрсәтте.Балаларның осталыгына, хыял дөньясының киңлегенә исең китәрлек иде.   Бүгенге көнебез дә күңелле, мавыктыргыч булып узып китте.

Без бүген авылыбыз уртасындагы күл белән танышырга бардык. Аның тарихын тыңладык, матурлыгына карап сокландык.

Бүген без – балыкчылар.  Килгәндә үк кармак, җим, чиләкләребезне һәм  сөзәргә дип челтәрләребезне алып  килдек.    Безнең авылыбыз уртасыннан  Минзәлә елгасы ага.  Анда ниниди генә балыклар юк!     Иртәнге аштан соң   тезелешеп елга буена  киттек. Берләребез  кармакларыбызны суга салдык, ә икенчеләребез читкәрәк китеп сөзеп  карарга булдык.Тын алырга да куркып утырабыз, калкавычларга төбәлеп. Габдрахманов Альмир белән Ишанов Равиль  23, 25 см зурлыктагы балыклар  тоттылар. Һәркемнең  күзендә очкын кабынды. Барлык балаларга да балык эләкте

    Бүген Бөек Ватан сугышында hәлак булган авылдашларыбыз истәлегенә hәйкәл янын тәртипкә китердек, аннары аларны бер минутлык тынлык белән искә  алдык.

    Авылыбызның өлкән яшьтәге  тыл ветераннарының  хәзерге тормышлары, сәламәтлекләре  һәм аларга һәрвакыт ярдәм кирәклеге  турында    сөйләштек .

Ничек рәхәт футбол уйнавы!  Кызлар да малайлардан калышмый.

Бүген бездә  «Бантиклар»  бәйрәме булды. Кызыклы , матур  уйланылган бантикны билгеләү бик авыр булды, чөнки бөтенесе дә матур иде.

   Аннары  мода-шоу уздырдык. Укучылар һәр командадан төрле  костюмнар  тәкъдим иттеләр. Барысы да искиткеч матур  иде. Ә беренче урынны Габдрахманов Альмир , икенче урынны Хисамиев Тимур алды.  Бәйрәм тәмамлангач су буена киттек.

      “Хәрәкәттә - бәрәкәт” ди татар халкы. Без тәнебезгә көч һәм бәрәкәт өстәр өчен  футбол уйнадык. Ярыш бик күңелле узды. Уен тигез очко җыеп дуслык белән тәмамланды.

    Бүген  без  «Фантазерлар» көнен бәйрәм итәргә  булдык. Төрле кызыклар уйлап табып сөйләдек. Күбебезнең чыгышы бик эчтәлекле булды. Бик оста сөйләүчеләр дип   Ишанова Наилә,Калимуллина Ләйсән,Валиева Гөлияләрне  билгеләдек . 

Төшке ашка кадәр без мәктәпнең чәчәклегендә эшләдек. Чүп утадык, чәчәкләрнең төпләрен йомшарттык,сулар сиптек. Эшләгәннән соң төшке аш  бигрәк тә тәмле булды.

 Иртәнге ашны ашаганнан соң, без Әүлия чишмәсенә барырга  җыендык. 

Чишмә урман буенда урнашкан . 

Чишмә тирәсен чистарттык, андагы агачларны  күзәттек, дару үләннәрен  җыйдык.

Чишмә ни өчен «Әүлия» дип аталган, бездә тагын нинди чишмәләр бар, чишмәләрне ничек сакларга? Шул турыда әңгәмә үткәрдек.