3 нче сентябрь көнне Адлер Тимергалин исемендәге Иске Минзәләбаш урта мәктәбендә практик эвакуация үткәрелде. Янгын чыганагын читтә калдырып, барлык укучылар, укытучылар һәм эшчеләр исән-имин мәктәп ишек алдында җыелдык.

Ямьле җәйге каникуллар үтеп тә китте. Бүген - 1 сентябрь. Адлер Тимергалин исемендәге Иске Минзәләбаш урта мәктәбендә бүген Белем бәйрәме. Бу көн быел укырга кергән 1 сыйныф укучыларының күңелләрендә истә калыр дип өметләнәбез, чөнки 11 сыйныф укучылары аларны Белем капкасын атлап үтәргә һәм укучылар булырга ярдәм иттеләр.

Мәктәбебезнең барлык классларында рәсәйнең тарихы һәм мәдәниятенә багышлангын истәлекле даталарга тематик дәресләр үтте.

Бүген мәктәбебездә яшьлекнең иң гүзәл бәйрәмнәренең берсе – чыгарылыш кичәсе.Укучыларыбызның иртәгәдән башланасы тормыш юллары сикәлтәләрсез булсын иде дигән теләктә калабыз.

Бүген лагерьның соңгы көне. Бу көн һәрвакыттагыча иртәнге зарядка   белән башланып китте. Аннан соң линейкага җыелдык. Линейкада смена буена эшләнгән эшләргә нәтиҗә ясадык, актив катнашкан укучыларны котладык, аларга истәлекле бүләкләр тапшырылды. Безгә шундый матур ял оештырган өчен тәрбияче, пешекче апаларга , оештыручыларга зур рәхмәт! Сау бул, лагерь! Алда каникуллар дәвам итә…. У р р а!

Бүген без – балыкчылар. Килгәндә үк кармак, җим, чиләкләребезне эләктереп килдек. Иртәнге аштан соң  күл  буена киттек.   Тезелешеп утырдык та кармакларыбызны суга салдык. Тын алырга да куркып, калкавычларга төбәлеп, кемгә беренче балык эләгер икән дип утырдык. Менә Вафин Ильмир беренче балыкны тартып чыгарды.   Һәркемнең  күзендә очкын кабынды. Ильмирның кулы җиңел булды, балыкны  күп тоттык.

Бүген көн яңгырлы. Безгә  киночелтәр  хезмәткәрләре килде. Бик тә кызыклы “Индюки назад в будущее”  дип аталган балалар  өчен  фильм карадык.Фильм барыбызга да бик ошады.

Без бүген Әүлия чишмәсенә бардык. Чишмә урман буенда урнашкан . Урман да шундый матурланган. Бөтен тирә-як ямь-яшел. Саф hава. Чишмә буендагы матурлыкка сокландык.Әүлия чишмәсенең саф, көмештәй суында бит,кулларыбызны юдык, салкын суын эчеп хозурландык.Чишмә тирәсен чистарттык, андагы агачларны  күзәттек, дару үләннәрен  җыйдык.Чишмә ни өчен «Әүлия» дип аталган, бездә тагын нинди чишмәләр бар, чишмәләрне ничек сакларга? Шул турыда әңгәмә үткәрдек.

Бүген  без  «Фантазерлар» көнен бәйрәм итәргә  булдык. Төрле кызыклар уйлап табып сөйләдек. Күбебезнең чыгышы бик эчтәлекле булды. Кайберләребез бераз  хыялланып та алдык. Шундый кызыклы бәйрәм  килеп чыкты. Хәтта бу  ялганнарга  кечкенә класслар арасында ышанучылар да табылды. Без аларга моның кызыклы шаяру икәнен аңлаттык.Бик оста сөйләүчеләр дип   Ногманов Раиль,Вафин Ильмир,Ишанова Наиләне билгеләдек һәм аларга баллы призлар бирдек.