19 декабрь  көнне  инглиз теле укытучысы Гүзәл Рәшитовна  2 нче сыйныфта ачык дәрес күрсәтте. Дәрес "Мои увлечения. Буква Zz." темасына үтте. Укучылар күп төрле эш башкардылар, дәрес кызыклы булды.

18 декабрь көнне инглиз теле укытучысы Зилә Бәшировна 7 сыйныфта ачык дәрес күрсәтте. Дәрес "Спорт в нашей жизни" дигән темага үтте. Дәрес эшлекле һәм файдалы булды, экстремаль спорт төрләре турында да күп информация бирелде. 

17 декабрьдән 22 декабрьгә кадәр мәктәптә инглиз теле атналыгы үтә. Бүген 1-11 сыйныф укучылары катнашында инглиз телендә җыр җырлау һәм Универсиадага багышланган презентация карау булды. Презентация барышында 7 сыйныф укучылары инглиз һәм рус телләрендә информация бирделәр. Чара файдалы һәм кызыклы булды.

Безнең мәктәптән олимпиадада иң актив катнашучы - Фазылова Зәринә.Районда 6,7 декабрьдә булып узган олимпиадаларда җәмгыять белеменнән ул 1 нче урынга, тарихтан 3 нче урынга лаек булды.Җитәкчесе- Фазылова Гөлнара Җәүдәтовна. 8 декабрь көнне үткәрелгән химия буенча олимпиадада 3 урынны алды. Җитәкчесе- Хабибуллина Энҗе Әнәсовна. Укучыларыбызга  алга таба да уңышлар юлдаш булсын!

10 декабрь көнне Саба кадет мәктәбендә инвалид балалар арасында шашка ярышы үткәрелде. Безнең мәктәптән 11 сыйныф укучысы Фазылов Риназ, 4 сыйныф укучысы Насыйбуллина Ләйсән катнашты. Ләйсән 3 урын алып , грамота һәм акчалата бүләккә ия булды. Котлыйбыз!

5 декабрь көнне районда хокук фәне буенча олимпиада булып узды. Анда безнең мәктәптән 9 сыйныф укучысы Фазылова Зәринә 2 нче урынны яулады. Җитәкчесе- Фазылова Гөлнара Җәүдәтовна. Зәринәне чын күңелдән котлыйбыз, алга таба да уңышлар телибез.

Бүген мәктәптә өстәмә белем бирү укытучыларының семинары булып узды. "Оста куллар" түгәрәге җитәкчесе Айгөл Фидаилевна һәм хореография түгәрәге җитәкчесе Илназ Рәисович 19 мәктәптән килгән укытучыга , иҗат  йорты методистларына мастер- класслар күрсәттеләр. Дәресләрдән соң Гөлфинур Фәрхетдиновна җитәкчелегендә "Балачакның гүзәл мизгеле" дип аталган чара үткәрелде. Семинар киңәшмә белән тәмамланды.

26 ноябрь көнне Балалар иҗат үзәге бинасында Шәүкәт Биктимеров исемендәге I балалар театр сәнгате республика конкурсы булып узды. Анда безнең мәктәптән Миңсылу Фәнәвиевна җитәкчелегендәге 2 сыйныф укучылары "Куркуын җиңгән куян" әкияте белән 2 урынга, ә Зәмфирә Фәнәвиевна җитәкчелегендәге 9,10 сыйныф укучылары "Әлдермештән Әлмәндәр" спектакленнән өзек күрсәтеп гран- прига лаек булдылар.Катнашкан барлык укучыларны һәм аларның укытучыларын зур җиңүләре белән котлыйбыз.

Бүген мәктәбебездә "Әниләр көне"нә багышланган  тирән эчтәлекле, матур чара булып узды. Аны Зилә Бәшировна җитәкчелегендә 5 нче сыйныф укучылары әзерләгән иде. Аларга зур рәхмәтебезне белдерәбез, барлык әниләрне бәйрәм белән котлыйбыз!  

19 ноябрь көнне математика буенча район олимпиадасы булып узды.Анда 7 сыйныфтан Фазылова Зәлидә, 8 сыйныфтан Нәгыймова Айзилә,9 сыйныфтан Фазылова Зәринә , 10 сыйныфтан Валиева Гөльяз, 11 сыйныфтан Галимҗанова Йолдызлар катнашты. Гөльяз 3 нче урынга лаек булды. Укытучысы- Михайлова Н.Ә. Олимпиадада катнашучы барлык укучыларга да уңышлар телибез.