Укучыларның куркынычсызлыгын тәэмин итү буенча чаралар даими үткәрелә.Экстремаль ситуацияләрдә үз- үзеңне тоту кагыйдәләре, өйгә кадәр куркынычсыз маршрут сайлау юллары аңлатылды.

Бүген мәктәптә Г.Тукайның туган көненә карата шигырь бәйрәме үткәрелде. Аны Зәмфирә Фәнәвиевна җитәкчелегендә 9 сыйныф укучылары әзерләде.Барлык сыйныфтан да укучылар катнашты.Алар шагыйрьнең һәм үзләре иҗат иткән шигырьләр сөйләделәр, җырлар башкардылар. Иң оста сөйләүчеләр район шигырь бәйрәменә барачак.

Мәктәптә Г.Тукайның китаплары күргәзмәсе оештырылды.

Бүген мәктәбебездә технология атналыгы кысаларында ярминкә узды . Укучылар укытучыларны, укучыларны тәмле ризыклар белән сыйладылар. 

Бүген тарих һәм җәмгыять укытучысы Айдар Ханифуллович 6 нчы сыйныфта "Парламент дәресе" үткәрде. Дәрес Россия Федерациясенең һәм Татарстан Республикасының символларына багышланды.

Мәктәбебездә ел саен "Кошлар көне" билгеләп үтелә. Быел 8 сыйныф укучылары Гөлфинә Ренатовна җитәкчелегендә башлангыч һәм урта сыйныф укучылары өчен ачык чара күрсәттеләр. Укучылар кошлар турында күп мәгълүмат алдылар, викторинада катнаштылар.

Бүген мәктәптә "Бөтендөнья Сәламәтлек көне" уңаеннан төрле чаралар булып узды. Көн иртәнге зарядкадан башланды. Тәнәфесләрдә "Кубок кемнеке?" дигән ярыш кысаларында укучылар турникта тартылу, гәүдә күтәрү, урыннан сикерү буенча көч сынаштылар. Егетләрдән кубокка 8 сыйныф укучысы  Латыйпов Рәзил, кызлардан 6 сыйныф укучысы Фатыйхова Нәзилә ия булды. "Оста мәргән"  ярышында кольцога туп керттеләр, башлангыч сыйныфлар арасында эстафета уеннары үтте. Волейбол түгәрәгендә укучылар һәм яшьләр ярышты. 8-12 апрельдә сыйныфларда "Сәламәтлек дәресләре" уза.

8 апрельдән табигать  фәннәре атналыгы башланып китте. Атналыкта "Табигатьне саклыйк, яклыйк" (рәсем), "Зирәклектә мин алда"(сорауларга җаваплар), "Мәрхәмәтлелек марафоны" (кош оялары ясау)  кебек конкурслар, "маршрутлар"  буенча сәяхәтләр планлаштырыла. Укучыларга иҗади уңышлар телибез!

4 апрель көнне КФУда "Юный лингвист" дип аталган Республика фәнни-гамәли конференциясе үткәрелде. Анда безнең мәктәпнең 11 нче сыйныф укучысы Галимҗанова Йолдыз уңышлы чыгыш ясап, Рәхмәт хаты белән бүләкләнде (укытучысы - Зилә Бәшировна). Йолдызга алга таба да уңышлар телибез.