Бүген "Песиләр дөньясында" дип аталган викторина үтте, "Изгеләр чишмәсе"нә экскурсия оештырылды. Обедтан соң футбол буенча лагерь беренчелеге үтте. Ял һәм хезмәт лагеренда бадминтон буенча ярыш, компьютер классында презентацияләр конкурсы, спорт уеннары үткәрелде.

Бүген мәктәп яны ял һәм сәламәтләндерү лагеренда укучылар "Саннар һәм мәсьәләләр дөньясында" дип аталган математик чарада көч сынаштылар, "Нарат" боз сараенда булдылар. Хезмәт лагеренда эшләүче балалар  өчен "Суда йөзү кагыйдәләре" аңлатылды, табигатькә экскурсия оештырылды. 

Бүген лагерьның икенче көне. Укучылар "Тапкырлар һәм зирәкләр" бәйгесендә , "Табигатьне  саклыйк" дигән плакатлар конкурсында катнаштылар. Саф һавада кызыклы уеннар уйнадылар.

Бүген мәктәпләрдә лагерьлар эшчәнлеге башланды. Безнең мәктәптә ике лагерь эшләячәк. "1 июнь- балаларны яклау көне" уңаеннан плакатлар ясау конкурсы, кызыклы ярышлар, уеннар үткәрелде.

Башлангыч сыйныф укучылары укулар тәмамланганнан соң экскурсияләргә чыга башладылар.

25 май көнне безнең мәктәпнең 7 укучысы өчен соңгы кыңгырау яңгырады. Бу матур да, моңсу да бәйрәмгә чыгарылыш сыйныф укучыларының әти- әниләре, район башкарма комитетының мәдәният бүлеге җитәкчесе Хафизов М.Г., мәгариф бүлегеннән методист Давлетшина Г.Ф., авыл җирлеге башлыгы Вафина Н.С. да килгән иде. 

16 май көнне Балалар иҗат үзәге оештырган слетта 6 сыйныф укучылары катнашты. Беренче өлештә җырлар буенча конкурс булса, икенче өлештә Сабантуй уеннары үткәрелде.

Мәктәбебездә 4 нче дәрес вакытында барлык сыйныфларда да "Универсиада дәресе" булып узды. 1-4 сыйныфлар арасында эстафета уеннары үткәрелде. 5-11 сыйныфларда махсус сайттан "Универсиада дәресе" буенча  видео күрсәтелде.

8 май көнне мәктәпләрдә  "Җиңү көне" билгеләп үтелде. Укучыларыбыз обелиск янына төште, 6 нчы сыйныф укучыларының чыгышы куелды. Чыгышны әзерләүче- сыйныф җитәкчеләре Миңсылу Фәнәвиевна.

Бүген мәктәбебездә тормыш иминлеге буенча ачык дәрес үткәрелде. Альберт Гыйльмуллович укучыларга янгын, табигый бәла-казалар вакытында үз-үзеңне тоту кагыйдәләре турында сөйләде. Янгын сүндерү, палатка җыю, ОЗК, противогаз кию буенча практик күнекмәләр үткәрде, гомуми эвакуация оештырылды.