26 январь көнне мәктәптә "Студентлар белән традицион очрашу" кичәсе булып узды. Кичәнең беренче өлешендә студентларга сүз бирелде. Алар үзләре укыган уку йортлары , анда керү тәртибе турында сөйләделәр. Америка һәм Германиядә булып кайткан студентларыбыз чыгышы да кызыклы булды. Икенче өлештә укучылар һәм студентлар арасында уеннар, ярышлар үткәрелде.

24 январь көнне педагог- оештыручы Мусина Г.Ф. башлангыч сыйныф укучылары арасында  "Зур уен" дип аталган спорт- интеллектуаль уенын үткәрде.Укучылар 4 командага бүленеп төрле станцияләр буенча хәрәкәт иттеләр. Анда алар сорауларга җавап бирделәр, дуслык турында җыр башкардылар, скакалкада сикерделәр һәм башка спорт төрләрендә көч сынаштылар.

23 январь көнне ГИБДД хезмәткәрләре Насыйбуллин И. җитәкчелегендә  башлангыч сыйныф укучылары өчен "Юл кагыйдәләрен беләсеңме?" дигән викторина үткәрделәр. Соңыннан укучыларга календарь, блокнот, китап һәм һәр класска уен бүләк иттеләр.

 15 январь көнне урта һәм югары сыйныфларда  биология укытучысы Энҗе Әнәсовна "Чисталык дәресләре" үткәрде. Ул Россия һәм Татарстан территориясендәге табигый тыюлыклар белән таныштырды, экология мәсьәләләренә тукталды.

16 январь  көнне башлангыч сыйныфларда "Чисталык дәресләре" булып узды. Анда укучылар Татарстандагы тыюлыклар белән таныштылар, сорауларга җавап бирделәр, табигатебез турында матур шигырьләр тыңладылар.

Январь аеның икенче яртысында безнең мәктәпнең татар теле һәм әдәбияты укытучысы Нуруллина Зәмфирә Фәнәвиевна, химия укытучысы Хәбибуллина Энҗе Әнәсовна һәм технология укытучысы Фәлвәнова Айгөл Фидаилевналар "Иң яхшы укытучы-2013" конкурсының II турында чыгыш ясыйлыр. Аларга чын күңелдән зур уңышлар һәм җиңү телибез!

4 январь көнне Тимершык авылы мәдәният йортында көндез 1- 6 сыйныф укучыларының Яңа ел бәйрәме булып узды. Иң башта мәктәп директоры Фазылов Р.М., укыту эшләре буенча директор урынбасары Фазылова Г.З. алдынгы укучыларны котлап һәм бүләкләп киттеләр. 1-4 сыйныф укучыларының чыгышы үзенчәлекле булды, бөтен балалар да маскарад киемнәреннән иде. 5,6 сыйныфларның чыгышлары матур шигырьләр, җырлар һәм биюләр белән үрелеп барды.

4 январь көнне 16.00 сәгатьтә Тимершык авылы мәдәният йортында 7-11 сыйныфларның "Түрдән уз, Яңа ел!" дип исемләнгән бәйрәм кичәсе башланып китте. Беренче өлештә мәктәп директоры Фазылов Р.М., укыту эшләре буенча директор урынбасары Фазылова Г.З. алдынгы укучыларны, олимиадада катнашучыларны котлап һәм бүләкләп киттеләр. Икенче өлештә һәр сыйныф укучылары үзләренең чыгышларын тәкъдим  итте.

3 нче январь көнне бер төркем укучылар мәктәбебез тормышы турында "Саба дулкыннары" радиосы аша чыгыш ясадылар. Тапшыруда шулай ук Рамис Камилович, Гөлфинур Фәрхетдиновна, әти-әниләр исеменнән Зөмәрә Фәйләсуфовна чыгыш ясады. Үзебез турында киң җәмәгатьчелеккә сөйләү мөмкинлеге тудырган өчен район администрациясенә, мәгариф бүлегенә, радио җитәкчелегенә рәхмәтебезне белдерәбез.