Тимершык урта мәктәбендә "Театр студиясе" уңышлы эшләп килә. Аңа тәҗрибәле татар теле һәм әдәбияты  укытучысы М.Ф.Миннеханова җитәкчелек итә. Шәүкәт Биктимеров исемендәге III Республика театр сәнгате конкурсында,  Т.Миңнуллинның "Кулъяулык" әсәрен сәхнәләштереп,  II урын яуладылар.  Ныклы әзерлек үз нәтиҗәсен бирде. Сәнгатьне үз  иткән укучыларыбызның күп булуы безне бик сокландыра. Укучыларга (8 һәм 9 нчы сыйныф укучылары)  һәм аларны әзерләгән җитәкчеләре М.Ф.Миннехановага дирекция исеменнән зур рәхмәт белдерелә, алга таба да иҗади уңышлар тели.

Бүген 1-2 нче сыйныфлар өчен Әниләр бәйрәме үткәрелде. Укучылар  әниләргә багышлап концерт куйдылар, ясаган бүләкләрен бирделәр. Җыр, шигырь, бию белән аралашып алып барылган  бәйрәм бик матур үтте. 

Мәктәптә сыйныфтан тыш чаралар  даими үтеп тора. Әниләр бәйрәме уңаеннан, мәктәптә "Әнием, кояш белән тиңлим сине!" дигән әдәби-музыкаль монтаж үткәрелде. 3-4 нче сыйныфларның әниләре килде. Бәйрәмдә изге теләкләр, матур сүзләр, дәртле биюләр, моңлы җырлар башкарылды. Һәр бала  әнисенә, бәйрәм белән котлап, үзе ясаган бүләкләр тапшырды. Музыка укытучысы Гөлназ Рәшитовна,  әниләргә бәйрәм сәламе итеп, үзенең яраткан "Әниемә" җырын башкарды. Бәйрәм бик матур үтте, бәйрәмне әзерләгән оештыручы-педагог Л.З.Гафуровага, сыйныф җитәкчеләре Галимова Г.Х., Мусина Г.Ф., хореограф Фазылҗанов И.Р., музыка укытучысы Дәүлиева Г.Р.ларга дирекция исеменнән рәхмәт белдерелә.

Мәктәптә "Спорт - начар гадәтләргә каршы  көрәш чарасы" дип исемләнгән акция кысаларында төрле чаралар үткәрелә, укучыларыбыз конкурска презентацияләр, рәсемнәр ясадылар, шигырь иҗат иттеләр. Спортзалда һәм мәктәпнең тренажер залында укучылар бик теләп шөгыльләнәләр. Бүген физкультура укытучысы Шакиров Ш.Х. 8-11 нче сыйныф егетләре  белән тренажер залында шөгыльләнде, егетләргә штанга, гер күтәрү серләренә өйрәтте. Кызларга хоккеист кызыбыз Хөсәенова Таңсылу физзарядка ясатты. 

Укучыларыбыз спортны нык ярата. Тәнәфес вакытларында физзарядкалар ясауны дәвам итәбез. Бүген физкультура укытучысы А.Г.Биктимиров 1-4 нче сыйныфларга ял минутларында физзарядка ясатты. Укучылар  бик канәгать калдылар.

Ноябрь аенда "Спорт - начар гадәтләргә каршы көрәш чарасы" акциясе бара. Бу уңайдан мәктәптә махсус план төзелде. План нигезендә мәктәптә  күп чаралар үтә. Спортзалда укучыларыбыз  физзарядка ясыйлар, спорт уеннары уйныйлар. Бүген 1-5 нче сыйныф укучыларына   физкультура укытучысы Наилә Илдаровна физзарядка ясатты, укучылар бик канәгать калдылар. 

Бүген мәктәптә  90 еллык тарихы булган "Ялкын" журналы белән очрашу үткәрелде. Очрашуга  "Ялкын" журналының әдәби редакторы Ләйсән Широва, бүлек редакторы Искәндәр Хәбибуллин,  фотохәбәрче Рөстәм Мөхәммәтҗанов, Татарстан язучылар берлеге әгъзасы, шагыйрә Фәйрүзә Мөслимовалар килделәр. Алар әдәбият-сәнгатькә гашыйк һәм иҗади укучылар белән очраштылар. Фәйрүзә Мөслимова белән Ләйсән Шировалар  шигырь язу, интервью алу  серләренә өйрәтсәләр, фотохәбәрче Рөстәм абыйлары фотога төшерү серләренә  төшендерде. Бу очрашудан һәр ике як  та бик канәгать калдылар. Эшлекле очрашу мизгелләре әле  күңелләребездә озак сакланыр!

7 ноября 2014 года в РЦДТ состоялась интеллектуально-спортвная игра «Быстрее, выше, сильнее!», где четверо наших учащихся из 6-го класса под предводительством педагога-организатора Гафуровой Лейсан Зуфаровны приняли участие.

Наша команда «Подсолнухи» смогла достойно выступить и завоевала 2-ое место, с чем мы их от всей души поздравляем. Желаем им дальнейших побед.

Пройдя 11 станций, наши учащиеся в следующих конкурсах: «Угадай мелодию», «Весёлая скакалочка», «Собери буквы», «Весёлые танцы» получили особую похвалу. Сами учащиеся остались очень довольны.

7 ноябрьдә Россиядә хәрби дан көне билгеләп үтелә. 1941 елның 7 ноябрендә, ил өчен сугышның иң авыр көннәрендә Кызыл мәйданда үткәрелгән хәрби парад зур хәрби-сәяси әһәмияткә ия була, гаскәрләрнең мораль рухын күтәрә, илебез халыкларының җиңүгә ышанычын ныгыта. Сугышчылар парадтан туп-туры фронтка китәләр. 29нчы октябрь көнне Тимершык урта мәктәбендә Мәскәүдә, Воронежда һәм Куйбышевта 1941нче елның 7нче ноябрендә үткәрелгән Хәтер парадының 71 еллыгына багышланган Батырлык дәресләре кысаларында,  тарих укытучысы Айдар Ханифуллович 9-10 сыйныфлар өчен тарихи уен-викторина уздырды.

Бүген, 28 нче октябрь көнне, театр артисты, якташыбыз, районыбыз горурлыгы Шәүкәт ага Биктимировның туган көне билгеләп үтелә. Бу уңайдан мәктәптә күп төрле чаралар үтте. Мәктәп радиосыннан "Шәүкәт абый, онытмыйбыз Сезне!"  дип исемләнгән радиорепортаж булып узды. Шулай ук  мәктәп китапханәсендә тормыш юлын, иҗатын чагылдырган  китап күргәзмәсе куелды. Оештыручы педагог Ләйсән Зөфәровна укучылар өчен үткәрелгән конференциядә викторина сораулары әзерләгән иде, укучыларыбыз Шәүкәт Биктимировның тормыш юлын, иҗатын яхшы беләләр. Ел саен районда Ш.Биктимиров исемендә республикакүләм  театр конкурсы үткәрелә. Тимершык урта мәктәбенең  яшь артистлары  ел да конкурста актив катнаша, бу уку елы өчен дә әзерлек башланды. Татар теле һәм әдәбияты укытучысы М.Ф.Миннеханова җитәкчелегендә бер төркем укучылар Туфан ага Миңнуллин иҗаты буенча спектакль әзерлиләр. Аларга уңышлар телибез!