Бүген атналык линейкада укучылар үткән атнага йомгак ясап дежурлар отчетын тыңладылар, төрле бәйгедә җиңгән укучылар грамоталар белән бүләкләнделәр. Китапханәче Гүзәлия Миннехан кызы беренче чиреккә йомгак ясап, китапханәгә иң күп йөрүче сыйныфлар һәм укучыларны билгеләп үтте. Шулай ук ноябрь аенда үтәчәк истәлекле даталар һәм чаралар белән таныштырды.

Укучыларыбыз көзге каникулны файдалы һәм күңелле итеп үткәрәләр. Бүген 5-6 сыйныф укучылары "Нарат" боз сараенда булып ял итеп кайттылар.

Бүген "Тату сыйныф серләре" бәйгесенең зона этабы Ш.З.Зиннуров исемендәге Сатыш урта гомумбелем бирү мәктәбендә үткәрелде. Анда Кибәче, Арташ, Завод-Нырты, Шытсу, Сатыш мәктәпләреннән әти-әниләр комитетлары көч сынашты. Нәтиҗәдә, һәр команда төрле номинациядә грамоталар белән бүләкләнде.

Бүген 8-11 сыйныф укучыларының көтеп алган бәйрәме- "Көзге бал" бәйрәме үткәрелде. Укучылар әлеге бәйрәмгә "Көзге уңыш" күргәзмәсе, скетчлар, төрле музыкаль номерлар әзерләгән иде. Бәйрәм һәркемнең күңеленә хуш килде.

26 октябрь көнне 5-7 сыйныфлар арасында "Көзге бал" бәйрәме үткәрелде. Укучылар көче белән әзерләнгән скетчлар һәркемнең күңеленә хуш килде.

Бүген 1-4 сыйныфлар арасында "Көзге бал" бәйрәме үткәрелде. Укучылар "Көзге муллык" күргәзмәсен оештырдылар, кызыклы концерт номерлары белән сөендерделәр.

Бүген мәктәбебездә үзидарә көне үткәрелде. Укучылар директор, завуч вазыйфаларыннан башлап барлык эшчәнлекне үзләре алып бардылар. Көн азагында эшләнгән эшкә йомгак ясалды.

5 октябрь- укытучылар көне уңаеннан мәктәбебездә укытучылар һәм мәктәп хезмәткәрләренең кул эшләреннән торган "Алтын куллар" күргәзмәсе эшли башлады.

Мәктәбебездә "Китапларда-еллар кайтавазы" дип аталган күргәзмә эшли башлады. Күргәзмәдә мәктәп китапханәсе фондында сакланган борынгы китаплар урын алган.

Бүген мәктәбебездә "Кросс нации- 2018" ("Милләтләр кроссы- 2018") бәйгесе үткәрелде. Чарада барлык укучылар, укытучылар теләп катнашты.