Көз айлары ярминкәләргә бай чор. Шушы уңайдан мәктәбебез үзенең тәҗрибә участогында үстергән мул уңышы белән көзге ярминкәдә катнашты.

Бүген мәктәбебез коллективы инде традициягә әйләнгән чара- "Олимп" стадионында узучы Мәгариф хезмәткәрләре спартакиадасында катнашты.

Бүген 1 сыйныф укучылары, китапханә белән танышу максатыннан, мәктәп китапханәсендә оештырылган "Китапханә сәгате"ндә катнаштылар. Чараны китапханәче Мөхәммәтханова Г.М. әзерләгән иде. Укучылар китапханә турында җылы тәэсирләр алдылар.

Сатыш авыл китапханәсе белән берлектә 1-4 сыйныф укучылары бүген Мәдәни көндәлекләр алдылар. Ә 5 сыйныф укучыларына Иминлек китаплары тапшырылды.

Бүген укучыларыбыз "Татарстан кроссы-2019" бәйгесендә актив катнаштылар. Ярышлар 1-4,5-6, 7-8,9-11 сыйныф кызлары-егетләре арасында үтте. Бәйгенең спонсоры- Сатыш Җирле үзидарә советы.

Бүген 5 нче сыйныф укучылары өчен тантаналы көн- аларны варислар сафына кабул итеп алдылар.

Бүген укучыларыбыз Бөек Җиңүнең 75 еллыгын каршылап "Җиңү урманы" акциясендә катнаштылар. Акция кысаларында мәктәп яны территориясенә агачлар утыртылды.

2019-2020 нче уку елы башланып китү белән әти-әниләр өчен дә аеруча да җаваплы чор башланды. Шуны истә тотып бүген беренче әти-әниләр җыелышы үткәрелде. Җыелышта узган уку елына йомгак ясалып, киләсе уку елына планнар корылды. Җыелышның махсус кунаклары Исхакова Альбина Раеф кызы, Шәфигуллин Фаил Фәһим улы, Зарипова Эльмира Рафаел кызы әти-әниләрне кызыксындырган темаларга чыгыш ясадылар.

Сентябрь ае- мәктәбебездә куркынычсызлык айлыгы белән билгеләп үтелә. Шул уңайдан укучылар белән очрашуга хокук саклау органнары вәкилләре Альбина Раефовна һәм Раил Василович чакырылды. Алар укучылар белән профилактик әңгәмә кордылар. Укучылар үзләрен кызыксындырган сорауларга җавап алдылар.

Бүген мәктәбебездә Белем бәйрәме гөрләп үтте. Тәүге тапкыр 15 укучы мәктәп бусагасын атлап керде. Уңышлар сезгә, укучылар!