Сабын куыклары очырту - балаларның иң яратып уйный торган уеннары ул. Бүген зурлар төркемендә сабын куыклары көне ясадылар. Сабын куыгын өйдә ничек ясарга икәнлеген өйрәнделәр. Урамда сабын куыклары очыртып уйнадылар.

Балыкчылык - табигатьтән файдалануның иң борынгы  төрләренең берсе, ул кешелек тарихында игенчелек һәм терлекчелеккә кадәр күп вакыт алдан барлыкка килгән. Вакыт узган саен балык тоту бик катлаулы һөнәргә әверелде.һәм кайвакыт куркыныч та. Бу хобби ир-атларны таң калдыра, шул ук вакытта табигать белән хозурланырга да мөмкинлек бирә. Бүген зурлар төркемендә әлеге һөнәр белән таныштылар.

Бүген бездә яңгыр һәм салават күпере көне. Салават күпере - гаҗәеп күк күренеше, аның беренче язгы яңгырлар белән бергә барлыкка килүе табигатьнең яңарышы, җәй килү, Җир һәм күк берлеге. Бүген зурлар төркемендә салават күпере төшенчәләре белән таныштылар. Салават күпере төсләрен беркетеп, асфальтка рәсем ясадылар.

15 июнь - Бөтендөнья җил көне. Уйлап карасаң - җил безнең тормышыбызда бик зур роль уйный, ул климатка һәм һава торышына йогынты гына ясап калмый, безгә күп гасырлар дәвамында кеше куллана торган энергия дә бирә: җилкәнле флот, тегермән, һава шарлары, җилле электр җайланмалары. Бүген зурлар төркемендә җилнең кайбер үзлекләрен карап киттеләр.

Бүген кызыксынучылар көне. Җир астында нәрсәләр яши, җир өстендә нәрсәләр үсә, алар нинди? Әлеге сорауларга зурлар төркеме балалары җавап эзләделәр.Гади күз белән күренмәгән өлешләрен микроскоп аша зурайтып карадылар. Һәр нәрсәне кызыксынып карап, үзләренә яңалык алдылар.

Бүген зурлар төркемендә дуслык көне булды. Алар дуслык турында әңгәмә кордылар, дус-тату булып, бер-берсенә ярдәмләшеп уеннар уйнадылар.

8 июнь - Бөтендөнья океаннар көне. Океаннар иң зур, иң тирән сулыклар алар. Анда да бездәге шикелле тормыш кайный. Төрле балыклар яши, суүсемнәр үсә. Бүген зурлар төркемендә океан, диңгездә яшәүче балыклар турында әңгәмә үткәрделәр, китаплар карадылар. Саф һавада "Суны түкмә", "Кем күбрәк балык тота?", "Диңгез дулкынлана" уеннарын уйнадылар.

5 июнь - Бөтендөнья әйләнә-тирә мохитне саклау көне.Табигать кешенең яшәү урыны. Без табигатьне яратабыз, аннан җаныбызга ямь, күңелебезгә тынычлык алабыз. Табигатьне саклау -  ул үзебезне, киләчәгебезне, өебезне саклау дигән сүз. Әлеге эшне без кечкенәдән үк бала күңеленә сеңдерергә тиешбез. Бүген зурлар төркемендә әлеге темага әңгәмә үткәрделәр, "Табигатьне сакла!" дигән билгеләр ясадылар, төрле дидактик уеннар уйнадылар.

Тылсымлы әкиятләр...Кемнәр генә аны яратмый икән дә, кемнәр генә әкиятләр укып үсмәде икән. Мөгаен, андый кеше юктыр... Бүген зурлар төркемендә А.С.Пушкин әкиятләрен укыдылар, аннан соң рәсемәр буядылар.

Бүген велосипед һәм велосипедчылар көне. Зурлар төркеме балалары да әлеге транспорт төрендә йөрергә яраталар. Иртән бакчага да велосипедта киләләр.