1-4 класслар белән "Сәламәтлек - зур байлык" дигән сәламәтлек сәгатен педагог- организатор Гаптрафикова Г.Х. үткәрде. Укучылар "Файдалы-зарарлы", "Дөрес-дөрес түгел", "Могҗизалар кыры" уеннары аша сәламәт булу өчен яхшы тукланырга, көндәлек гигиена таләпләрен үтәргә, спорт белән шөгыльләнергә  кирәк булуына төшенделәр. Киләчәктә дә сәламәтлек алмагачы корымасын, һәрвакыт кызыл алмаларга бай булсын, йөзләрдәге алсулык һәм шатлык кимемәсен өчен начар гадәтләргә иярмәскә кирәклеген аңладылар.

   Балалар Думасына яңа состав сайлау җыелышы булды. 2013-14 уку елында комитетларның эшләгән эшләре буенча отчет тыңланды.Комитет членнарына рәхмәт белдерелде, яңа состав сайланды.

        "Йолдыз"  балалар берлегенә яңа состав сайланды: лидер- Хузина Эльвира, культура комитеты - Багманова Илүзә,Галимова Йолдыз, фән һәм мәгариф комитеты- Нургалиев Нияз, Жакасов Артур, спорт һәм сәламәтлек комитеты- Шавалиев Инсаф, Загидуллин Рушан, кайгырту комитеты- Шакиров Алмаз. Яңа составка эшләрендә уңышлар телибез.

     Менә  тагын җәйләр узды һәм сагынып көтеп алган 1  сентябрь – Белем бәйрәме килеп җитте. Бу көнне һәрберебез дулкынланып, шатланып каршы ала:беренче тапкыр мәктәпкә баручы да, өлкән сыйныфларда укучы да, әти-әниләр дә. Балаларны да, өлкәннәрне дә шушы көтеп алынган ямьле бәйрәм белән тәбрик итәбез.