Бүген без бассейнга бардык.  "Туган якны өйрәнү" музеена кердек. Андагы экспонатларны карадык, туган ягыбыз  турында бай һәм кызыклы материал белән таныштык.

   Бүген без мәдәният йорында  үткәрелгән "Сәламәт яшик бергәләп"  дигән  чарада катнаштык. Аны мәдәният йорты директоры Фаляхова Минниса апа оештырды. "Авылым  кешеләре" дигән әңгәмәдән соң җаваплылыгы чикләнгән "Шытсу" җәмгыятенең ындыр табагына киттек.Анда эшләүче кешеләрнең хезмәте, эш урыннары белән таныштык.  Гумеров Данил абый безгә һөнәре турында аңлаешлы итеп сөйләде, сорауларыбызга җавап бирде.

    Тышта яхшы гына яңгыр ява. Бер генә укучыбыз  да яңгырдан курыкмаган, без барыбыз да  лагерьда.Иртәнге аштан соң  "Математик ребуслар, кызыклы мәсьәләләр" дигән  чараны  Нургалиев Р.Н. мавыктыргыч итеп оештырды. Флеш-моб биеп, спортзалда  хәрәкәтле уеннар уйнап вакытның үткәнен сизми дә калганбыз.

      Лагерьның 11 нче көнен дә тулы состав белән башладык. Математика атналыгы дәвам итә.Иртәнге линейка, зарядкадан соң  "Математик илгә сәяхәт"  ясадык.  Мәчеттә Зөлфия  абыстайның вәгазен тыңладык, әби-бабайлар рухына дога кылдык.Салкын чишмәне  чистарту  нияте белән  экскурсиягә бардык.

         12 июнь - Россия көне.  "Мин - Россия гражданины" дигән чара презентация буенча алып барылды, видеоролик карадык, фикер алыштык.Математик атналык дәвам итә.Бүген "Математик КВН", "Яраткан уеннарыбыз" кебек чаралар барыбызга да ошады. Күптән көткән яңгыр ява , һава тагы да сафланып китте.Барыбыз да бик шат.

         Математик кичәне   Нургалиев Рөстәм  Назипович үткәрде. Кичәдә бигрәк тә 2 звено укучылары актив булды.

Эстафеталы уеннар, экологик КВН да укучыларга ошады.

      Математика атналыгы башланды. Математик сабантуйны Нургалиев Рөстәм Назипович үткәрде.Сабантуйда барлык укучылар да актив булдылар, һәрберсе бүләк алды. Төшке аш алдыннан укучыларыбыз  "Кече инеш, ничек хәлләрең" дигән чисталык операциясендә катнаштылар. Инеш ярында өлгергән каен җиләгеннән авыз иттеләр.

       Сабантуй бәйрәмнәреннән соң  тулы составта  лагерьга җыйналдык. Бүген без Югары Шытсу авылына урнашкан китапханәгә экскурсиягә киттек.

Китапханә зур, матур бинага урнашкан. Анда китаплар бик  күп. Гөлләрнең төрлегеге  китапханәгә тагы да ямь өсти. Загидуллина Вәсимә апа безне яңа китаплар  белән таныштырды, газета- журналларга күзәтү ясады. 

        Лагерь иртәсе көндәгечә  линейка  һәм зарядка белән башланды.Флагны туган көн иясе Хабибрахманов Самат күтәрде. "Рус теле көне"  уңаеннан Хамидуллина Алсу Равилевна 1 отряд белән "В гостях у сказки" ( викторина), 2 отряд белән  "История алфавита" (праздник) дип аталган чаралар үткәрде. "1.2,3 - бездә бөтен көч" уен-ярышы укучыларыбызга ошады.