2014-2015 нче уку елы мәктәбебез өчен шактый уңышлы башланып китте. Аерым алганда, укучыларыбыз район олимпиадаларында уңышлы чыгыш ясап, 11 призлы урынга лаек булдылар. 10 нчы сыйныф укучысы Хамидуллина Язилә исә 6 призлы урын яулады. Барлык укучыларыбызга, аларны әзерләгән укытучыларыбызга зур рәхмәтләребезне җиткерәбез һәм Язилә белән 11 нче сыйныф укучысы Габдракипов Инсафка олимпиадаларның республика этабында зур уңышлар телибез.

           Сегодня в 3-9 классах прошел Урок чистоты. Ребята обозначили проблемы загрязнения окружающей среды, поговорили о том, как важно соблюдать элементарные правила поведения, чтобы жить в чистом районе, в чистой школе, в чистом классе. Урок провела учительница химии и биологии Салихова М.Н.

        Тиздән зарыгып көткән Яңа ел җитә. Бу уңайдан, мәктәбебездә, традиция буенча, Кар сыннары шәһәрчеге ясала. Әлеге эштә укучылар, укытучылар һәм хезмәткәрләр бик теләп катнашалар.

                Бүген мәктәбебездә индивидаль ата-аналар җыелышы үткәрелде. Һәр ата-ана балаларының укытучылары белән сөйләшеп, икенче чирек нәтиҗәләре белән таныштылар.

             21нче декабрь көнне Казанда "Татнефть-арена" боз сараенда Республика чыршы бәйрәме узды. Бәйрәмдә Саба районыннан 30 укучы катнашты, алар арасында мәктәбебезнең 11нче сыйныф укучысы Габдракипов Инсаф та бар иде.

           Бүген гомуми линейкада Математика атналыгына йомгак ясалды. Бәйгеләрдә актив катнашкан, атналык дәвамында үзен бар яктан да булган итеп күрсәткән укучыларга истәлекле бүләкләр тапшырылды.

         Математика атналыгы кысаларында 8-11 нче сыйныф укучылары арасында "Форд Боярд" уены узды. Укучылар, 2 командага бүленеп, төрле кызыклы биремнәр башкардылар.  

        15-21 нче декабрь мәктәп күләмендә Математика атналыгы дип игълан ителде. Гомуми линейкада математика укытучысы Гафиятова Г.А. укучыларны атналыкның планы белән таныштырып үтте. Мәктәп фойесында "Әгәр мин математиканы яхшы белсәм..." дигән стенд урнаштырылды. Иң кызыклы фикер иясен истәлекле бүләк көтә. 

         15 нче декабрь көнне 1-4 нче сыйныфларда "Без - патриотлар!" темасына җыен узды.